Tuesday, February 22, 2011

لماذا العلمانية


بسم الله والحمد لله والصلاة والسلام على رسول الله انا حابب اتكلم بعيد عن القوافى حابب أكتب كموضوع بعد ما خلصت احداث الثورة والمشاركات والمظاهرات بجد كانت أيام مش حتتنسى خصوصا اخر جمعة اللى تم فيها التنحى ساعتها كنت بصلى المغرب بجانب قصر رأس التين فى الاسكندرية وما ان سمعت الافراح بالخارج فبكيت وانا مازالت بالصلاة بكاء لم أبكيه لفرح او حزن قبل ذالك المهم
هل كدة أحنا دورنا خلاص ولا لازم نوعى الناس ونختار بقى نظامنا انا شايف ان لازم نعمل نوع من التوعية السياسية ونختار حياتنا خصوصا ان شعب مصر بيعانى من العقم السياسى فى الفترة الاخيرة لحد النهاردة قريت كتب عن الاشتراكية والرأس مالية وألخ وجدت ان أفضل نظام هو العلمانية لقيادة المرحلة المقبلة بس العلمانية اللى أقصدها مختلفة شوية تقدر تقول مهجنة أزاى النظام العلمانى فيما هو معروف فصل الدين عن الدولة طيب انا طالب اول شئ ضيف ليها كلمة الليبرالية تبقى العلمانية الليبرالية اشمعنى النظام دة عشان مصر مخنوقة سياسيا ودينيا وثقافيا كل شئ تقدر تقوله محتاج انك تفتح البوابة على أخرها ومافيش نظام بيتيح دة الا العلمانية ناس حتقولى طب والاسلام ياعم الحج حاضر ياسيدى أنا قلت ان العلمانية اللى عايزين نطبقها مهجنة بحيث اننا حنحافظ على المادة التانية فى الدستور ونبتدى نطبق الشريعة فعلا لما العلمانية تؤهل للأسلام ازاى لما نوصل لدرجة وعى معين من السياسة ندمج الدين والدولة لما نوصل ان الشعب كله لاقى ياكل نطبق السرقة قطع الأيدى لما نوصل لفهم الدين والتسامح مع الديانات الاخرى نقيم شرع الله وهكذا يبقى نظامنا هو النظام العلمانية الليبرالية المتدرجة بحيث كل ما نوصل لمرحلة وعى معينة بالتدرج ننقل السلطة للأسلامية
عشان كدة شايف فى المرحلة المقبلة العلمانية هى الحل

4 comments:

♥نبع الغرام♥♪≈ said...

كلامك غريب شويه

وبالنسبه لحال البلاد دلوقتى الناس كلها بقت مقسمه نفسها جماعات وعاوزين يحكمو البلد وحاجات غريبه
الوضع الحالى مش محتاج كده
محتاج صبر

elsha3er said...

نبع الغرام

أهلا بيكى وكلى أحترام كامل لرأيك رغم عدم توجيه نقد فى المعطيات وليس بالمجمل

عندك حق الوضع يستلزم الصبر ولكن احنا ما بنقولش مين اللى يحكم ولكن انا بقول شكل النظام اللى لازم نختاره شكله حيكون أية وبأختصار اللى قصدته اننا نكون أشبه بالنظام التركى الى حد ما اية بقى الغريب فى دة
تحياتى وكلى أحترام لشخصك ورأيك

مدونه ما كفايه بقى said...

انا بس حابه اعرف حاجه قبل ما اقول رأيى عو يعنى ايه علمانيه

ساره النومس said...

صحيح كلامك العلمانية هي حل الدول العربية مادام الدين لم ينفع في اعطاء العرب حقهم ولا الانظمة المتخلفة الاخرى ...

اشكرك على موضوعك اخوي الشاعر