Friday, September 25, 2009

عليا الطلاق


السلام عليكم
قبل اى حاجةانا عارف مقصر فى حق الكل بس انا اسف غصب عنى والله
سامحونى وان شاء الله يومين بالكتير وحعلق عند الكل وازورهم
تحياتى

احمد الشاعر


بحبك غصب عنى


عليا الطلاق


يمينا عليا

بقسم الطلاق

لبايعك وقدم

فروض الولاء

واحب سوزانك

وامجد جمالك

واعشق علاء

ونادرا عليا

بكل اشتياق

لوافق سعادتك

فى اى غلاء

واصون اللى بنا

واكون فى افاك

وأكلم فخامتك

بكل حياء

وحلغى سيادتك

قصايد الهجاء

ويوم ما تقرر

بأمر الجلاء

يمينا عليا

وعليا الطلاق

لا فرق ازايز

والم العزايز

واوعد سعادتك

تكون فى العلاء

يمينا عليا

بقسم الطلاق

الاخيرة

تحياتى

احمد الشاعر




Monday, August 17, 2009

السلام عليكم بجد وحشتونى جدا جدا

دى تانى اغنية

من كلماتى

جيتار/محمد عبد الرازق

الاغنية تسجيل موبايل

وضح رأيك فى كل جزئية رأيك يهمنى

اسمع لانك تفرق معايا

كلمات الاغنية
طلع كلامها


طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد
هى اللى جت وقالتلى
انك غيرى بتحبى
وانا ذنبى اية قولى
خلاص من حبك انا
اتأكدت
طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد

ياحبييبى انا حفضل
احبك
ولا يوم انا حبعد
عنك
ولا حسمح يوم تسبنى
دة انا قلبى ليك
خلاص اتشد
طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد

تحياتى

احمد الشاعر

Tuesday, July 14, 2009

بص فى مرايته

السلام عليكم دى اول حاجة تنزلها هى صحيح مش جامدة اوى بس غصب عنى والله اللى المفروض يغنى عنده برد ربنا يشفيه فا كان غصب عنى اسجلها بصوتى انا عارف انه مش حلو وى بس ان شاء الله اوعدك بحاجات ولله احلى من كدة بكتير وصوت اجمل من كدة بكتير على فكرة دة تسجيل موبايل من غير برامج اقل الامكانيات

كل اللى طلبه عايز تنقد براحتك بس نقد يفيدنى حاجة اطور بيها نفسى وزى ما قلتلكم اللى جاى احسن بكتير

شكر خاص للفنان الشاب الملحن/حسن عبد الفتاح

شكر خاص للمدونة/طموحة مملوحة

لانها ساعدتنى انى انزل الاغنية دى لانى ما كنتش عارف ازاى

اسمع بجد رأيك يهمنى جدا ويفرق معايا

بسم الله ابدأ

كلمات الاغنية

بص فى مرايته


بص فى مرايته لقى نفسه
وقال لنفسه كل الى حسه
وقال خلاص انه حيعترفلها
بأنه اول مرة شافها حبها

راح يجرى على بيتها
اول ما دخل حارتها
لقى انوار عندها

سأل الناس عنها
قالوا له انها
دى خطوبتها
وطيرة من فرحتها

وفى لحظة مش واعى لها
قرر يعمل زيها
راح متجوز واحدة مش بيحبها



وهو دلوقتى عايش حزين من وقتها

تحياتى

احمد الشاعر

Tuesday, July 7, 2009

اقل الفلاحين

السلام عليكم انا بجد بعتذر يا جماعة لو لسة مقصر مع حد بس والله غصب عنى لسة مش لاقى نفسى
بس وعد منى استنو تغير كامل فى المحتوى ان شاء الله والاسلوب فى النوعية وفى بجد ان شاء الله حاجات جديدة واستايل جديد يعجبكم بأذن الله
وان شاء الله كلها ايام ويبقى م فيش ورايا غيركم
انتظروووووووووووووووووووووووونى فى الاستايل الجديد
تحياتى
احمد الشاعر

اقل الفلاحين

كان رئيس

الامريكان فى

زيارة ميدانية

جهه لمصر

ما هو ابن اصل

والعزومة مجانية

اقترح وقال

اية رأيكم

لو نقارن

فلاحنا بفلاحنكم

قالو ماشى

قول ياسيدى

الله يصونكم

قال رئيس

الامريكان

الفلاح فى

بلدنا

صوته عالى

ومش جبان

دايما لحقوقه

بيطلب

قيمته عالية

ومش مهان

لأ وبيقبض

بالدولار

وكمان الاشية

معدن

وحياته فى

ازدهار

وما بيزرعش

بالهاويس

ولا حرته بالجواميس

قوم يرد المصرى

احنا نكسب

احنا اقل الفلاحين

خليناه علينا رئيس

الأخيرة

تحياتى

احمد الشاعر

www.elsha3er1.blogspot.com

Sunday, June 21, 2009

هنا القاهرة

السلام عليكم بجد وحشتووووووووووووووووووووووووونى موت

ثانيا اهديكم هذة الكلمات من عمرو دياب

وعرفت قيمتك لما بعدت ورجعت بعد فراق........جربت اعيش من غير هواك وادى النهاية.........انا بعد منك تهت وضعت انا ضعت من الايام..............خليك معايا انا مش حسيبك مرة تانية مهما كان .......خليك معايا انا مش حكرر غلطتى وياك زمان

وان شاء الله بالكتير بكرة وحعلق عندكم واحد واحد واسلم على الناس اللى وحشونى كتيرررررررررررررر

بسم الله ابدأ




هنا القاهرة

اذاعة شبندى

حلاوة زمان

تردد يجيلك

فى اى مكان

قرر سعادة

رئيس الديوان

بما ان الوضع

بقى مش امان

قررنا وامرنا

بحل البرلمان

ونحب نحذر

جميع الاخوان

خدوها ببساطة

من غير شقلبان

هنا القاهرة

اذاعة شبندى

حلاوة زمان

ونحب ننبه

السدة الكرام

فراغنا السياسى

دة مش العبان

دة امر رئاسى

وان الاوان

يكون الشعب

دايما من

الرئاسة كسبان

هنا القاهرة

اذاعة شبندى

حلاوة زمان

وأوعاك تفكر

ويلعب شيطان

فى مخك تحاول

تكون ترجمان

هنا القاهرة

اذاعة شبندى

حلاوة زمان

وعايزك تكون

كدة على الدوام

خايف حريص

وتبقى جبان

تردد كلامى

تكون بغبغان

تخالف اوامرى

حتبقى نهايتك

وما بين ضروسى

زى اللبان

حتمشى ورايا

ححبك وأودك

وتبقى فى عيونى

زهور و وردشان

انتهت نشرتنا

وخلص البيان

وشكرا لكل

السادة الكرام

هنا القاهرة

اذاعة شبندى

حلاوة زمان

تحياتى:احمد الشاعر

www.elsha3er1.blogspot.com

Thursday, April 30, 2009

سلام


معلش انا اسف عارف انى مقصر مع الكل بس والله الامتحانات والمذاكرة ارفانى ومش عايز اضيع اللى عملته الترم الاول فا اعذرونى انا جاى اسلم عليكم واقولكم ما تنسونيش وان شاء الله اول ما ارجع حتجدو كل ما يسركم وانواع جديدة من الكتابة وحاجة جديدة خالص سيبها مفاجأة لما ارجع

بس عارفين لو حد نسانى حقتله

سلام للجميع

Sunday, April 12, 2009

عتاب مع موضوع

اتحاد مدونى المغرب اثناء تنفيذ نفس الفكرة
اولا السلام عليكم ثانيا انا بجد زعلان جدا بقى اغيب فترة وماحدش يكلف خاطره ويسأل عليا

بس الحق ربنا يكرمهم اخواتى اكون او لا اكون ونيرة شكرا جدا على السؤال ماكنتش بجد اعرف انى مافرقش معا حد كدة

ماشى مافيش مشاكل



نكلم بجد بقى انا عرفت من اخويا وحبيبى محمد غالية ان فى ناس عملت زى جريدة المدونين اللى كنت انا صاحب فكرتها وفكرت شوية وقلت اية المشكلة ما ممكن برده احنا نكمل عادى وخصوصا بعد ما شفت مدونتهم وعرفت ان حيبقى استيلنا مختلف عنهم تماما وبعدين حاجة كويسة ممكن تعمل منافسة تفيد فى عالم التدوين



فا يا جماعة ياريت الناس اللى قولنا عليهم حيكون على رأس كل مجموعة اللى هم



كيارا \طموحة\اكون اولا اكون\د:فاروق عمر\سارة نجاتى\ومحاسن صابر



كل حد فيهم يكون مجموعة من خمس افراد واول ما تكونو المجاميع نبدأ التفعيل



وطموحة خلاص اعتبروها كونت مجموعتها شدو حيلكم بقى



سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام



تحياتى



احمد الشاعر

Monday, March 9, 2009

حياتى

السلام عليكم انا بس حبيت انزل بوست يكون ليا يمكن يفيد فى المرحلة اللى جاية
ما فيش داعى بقى انكم تتعاملو مع حد مش عارفينه

انا اسمى احمد عادل
محافظة الاسكندرية العصافرة
طالب بكلية الاداب قسم التاريخ شعبة عامة
الفرقة التالتة

اللقب المتداول فى الكلية

احمد موسولينى

ومش عارف لية مع انى مش شابهه خالص وطيب اوى والله

المهم انتم عائلتى التانية ودى كدة حياتى وبكل صدق
تحياتى


معلش انى ما نزلتش حاجة عشان الجريدة بس عشان مخنوق وتعبان شوية لكنى ما زلت ابتسم
البوست اللى جاى نكمل مناقشة

حياتى
انا
ومين انا
ومين يقدر
يقول انا
ليه هنا
عيل صغير
زى الكل
طفل بيحلم
بالسعادة والهنا
عشت حياة
من ذل لذل
تبدأ مشاكل
ومالكش ذنب
ومافيش قدامك
غير انك
تقعد على
جنب
تبكى عيونك
من بيت لبيت
وما يزيدك
الا التعقيد
اشمعنة فلان
وليه يارب
اختارتنى اكون
ذليل
وليه ياربى
دايما اكون
انا العليل
وكل ما انجح
وأحاول افرح
وارجعلهم واقولهم
يقولولى
اية المشكلة
ما الكل
زيك زيهم
وارجع أأنس
وحدتى
احساس غريب
انك تلاقى
اللى المفروض
يحبك
تحس انه
بيكرهك
والغريب عنك
ياخدك يبوسك
يحضنك
وارجع انا
زى ما انا
مش طالب
بس الا يسكتوا
ويستجيب ربنا
على رغم
كل الظروف
تظهر بوادر
شمس صابحة
بنورها تضمنى
ترسم على
طريقى الحروف
واكون انا
بفضلها
شافت سنينى
فى عمرها
ضحت عشانى
ودلوقتى
دة حقها
ظروف جديدة
بتنفرض
وانا من
جديد بتولد
كأنى ليها
بتوهب
اصبحت ليها
احسن من
منجم دهب
من غير مبالغة
ولا عجب
وبقيت انا
وعرفت لية
انا هنا
وبكل صدق
دة انا

تحياتى
احمد الشاعر
www.elsha3er1.blogspot.com

Saturday, March 7, 2009

جريدة المدونين 2

نحن ليس اقل منهم


انا مش عارف ابتدى منين بس بجد انا مخنوق وتعبان اوى بس ما حبش اقف فى نص الطريق الحمد لله فى مجموعة كويسة وافقت على الفكرة وكنت بتكلم انا والمدون محمد غالية بجد اخ وحبيبى ربنا يكرمه وعرضت عليه حاجات وتوصل معايا لحلول وكدة احنا يا جماعة عشان نتجنب هجوم اللى حصل فى الوثيقة قدامنا حلين اما نمشى بطريقة الجزء يصنع الكل وبكدة يبقى اول ما خلص النظام نبتدى على طول ونحط اى حد قدام الامر الواقع واللى عايز يبقى معانا اهلا وسهلا اما ان احنا نبتدى نعرض الفكرة فى مدونات لا يزيد معلقيها عن 100 تعليق ولو اقل يبقى احسن بس دى حتاخد وقت كبير وانا ما برجحهاش فا انتم ايه رأيكم نمشى بمبدأ الجزء يصنع الكل انا مع اى حاجة انتم عايزنها
ثانيا الناس اللى حتكتب واللى اتذكر اسمهم
محاسن/اكون او لا اكون/د..عمر فاروق/طموحة مملوحة /سارة نجاتى /وكيارا حتكتب فى التاريخ والشخصيات
قلنا ممكن يحصل مشاكل وناس تقول اشمعنة فا نقرب المسافة الاول احنا حنعمل سبع مجموعات عدد كل مجموعة حنقوله لما نعرف الابواب اللى انتم عايزين تكتبه فيها وكل مجموعة حتكتب يوم فى الاسبوع فا تبقى المجلة يومية وكل مجموعة بتكتب يوم واحد فى الاسبوع يارب اكون عرفت اوصل قصدى ايه المهم كل واحد من الناس اللى احنا اخترناه اللى هم الاساس حيرأس مجموعة او حيعمل مجموعة مثال / محاسن مثلا على راس المجموعة الاولى وحتكتب كل يوم جمعة فلان على المجموعة التانية وبتكتب كل يوم سبت وهكذا
وبرده اللى عنده حاجة يوضحها وياريت بقى تقولو حتبقى الابواب اية عشان اظبط المدونة على الابواب
يعنى مثلا رياضة / من واقع الحياة/ دين/ رومانسى/ سياسى /مواضيع عامة /مواضيع وشخصيات تاريخية /وهكذا بس نفسى منكم من مشاركة ايجابية بجد انا تعبان اوى مش قادر افكر انا حاسس انى مخى واقف تماما فا فكرو معايا وشاركوا بعضيكم فى الرأى وردو على وجهات نظر بعض كأن مدونتى مدونتكم بالظبط وكأنكم بتردو على تعليقات جاية ليكم اوك اتفقنا
وتذكرو دائما اننا اسرة تستحق التجمع
وبلاش يا جماعة حكاية حزب دى دلوقتى واخد بالك يا محمدين ما فيش حزب ولا رابطة مش اكتر من جريدة
اة صحيح ابتدو شوفو اسم للجريدة وشعار لها واتفقو وانا معاكم


تحياتى للجميع
احمد الشاعر

Saturday, February 28, 2009


السلام عليكم اخوانى واخواتى المدونين الحمد لله التدوين ما بقاش بس صفحة لتفريغ الطاقات فيها بلعكس اصبح تداول افكار بين الكل اصبح بيوصف حضارات الشعوب واختلافها وتنقلها التدوين اصبح انا وانت وانتى وابوك وابويا وامى وامك ............الخ

فعشان كدة عايزين نعمل حاجة حلوة فكرة كان نفسى احققها من زمان بس كنت مستنى اتابع المدونين واشوف الفرصة المناسبة

الفكرة عبارة عن اننا كلنا نعمل حزب نسميه حزب المدونين وطبعا ما فيش حزب من غير جريدة فحتبقى حزب وجريدة المدونين وحتبقى عبارة عن مدونة حيبقى ليها كتابها الخواص بس كلنا مشتركين معاهم بالفكر ويمكن ربنا يكرمنا ونصبح لينا مكان خارجى خارج نطاق التدوين ويبقى لينا نشاطتنا بس دة حيعتمد عليكم كلكم ازاى ننشرها ونرتقى بيها وكدة

اما الناس اللى ممكن تفيدنا فى الجريدة

1 محاسن صابر/ من مصر الشرقية انسانة ذات موهبه وخبرة ممتازة ممكن تعمل باب كامل لوحدها عن اللى شفته فى المحاكم الشارع الناس مواقف من الحياة

2 اكون او لا اكون/ من العراق الشامخة انسانة اشعر بها ذات كتابة واسلوب مختلف وعندها موضوعية

3 طموحة مملوحة/ من الكويت الحرة اضافة للجريدة ككونها جيولوجية ولها صلة بعلم الحشرات والارض بالاضافة الى انها رسامة كاريكاتير

4 سارة نجاتى / من مصر الاسكندرية ووالله مش عشان بلدياتى بس عشان انها انسانة بتفهم وحتضيف كما انها لها وجهة نظر خاصة كفاية انها شايفانى مجنون فى احسن من كدة

5 دكتور عمرو فاروق/ الشعر الرومانسى والحب هو متميز جدا فى كدة

للمدونين الحق فى القبول او الرفض فى العناصر المطروحة فا الامر شورى بيننا

اما عن الشعر السياسى ووصف الاحوال اختارو شاعر يكون كويس عشان محدش يقول ان انا صاحب مصلحة خاصة

بس انا كل اللى طلبه الاعتراف بملكية الفكرة ودة ابسط حقوقى ان وافقتم

ويارب تنال اعجابكم ولو تمت الموافقة من المدونين سنختار ابواب الجريدة وبقية المدونين ذوات المواهب

ودة حيبقى بالترشيح ثم الاختيار

تحياتى للجميع


احمد الشاعر


www.elsha3er1.blogspot.com

Friday, February 20, 2009

عيد ميلادك

وكل سنة وهى طيبةPrInCeSS BeRy اهداء الى المدونة

فى عيد ميلادها 28/2/2009 وعقبال مليوووووووووووووون سنة

كل التحيات ويارب تعجبك الكلمات

اخوكى

احمد الشاعر


عيد ميلادك


عيد ميلادك
لينا عيد
عيد ميلادك
عيد سعيد
عيد ميلادك
لينا بهجة
حتى لو كان
من بعيد
عيد ميلادك
عيد ميلاد
هدية من
رب العباد
اجدع من
كل الولاد
ربى ديم
بنا الوداد
عيد ميلادك
الجمال مش
بس لينسس
الجمال بصوا
لبرنسيس
العيون
قاسية وجارحة
والرموش اسهم
ورايحة
على القلوب
الف فرحة
لألف عيد
عيد ميلادك
عيد سعيد

تحياتى
www.elsha3er1.blogspot.com

Wednesday, February 11, 2009

فى المدونة الاخرى هتلر رجل ظلمه التاريخ
http://fagreltarekh2.blogspot.com/

هذة القصيدة لا تعبر الا عن رأى صاحبها




دة يبقى مين

مزفلط محفلط
كتير الكلام
مقفل عيونه
وعايز ينام
ومكلمنجى
وصايع حلنجى
وداير ولافف
وفارس همام
سياسته مكبر
وطاطى وأفور
وسيبلو افاك
وسيبك وحلك
هنا او هناك
ودقنه فى كرشه
وابنه فى حجره
ينطط فى ابنه
يبطط فى شعبه
يقصقص فى ريشك
يقفل فى شيشك
وسايب كلابه
فى كل مكان
وقافل فى بابك
وايه اللى نابك
غير خلا جنابك
خايف جبان
ونفسك تفلفص
وعلية تخلص
بقلب الحكومة
وزقة وأومة
وتخلص اوام
فتقدر تقولى
يا شاطر زمانك
يا قاعد مكانك
وسادد ودانك
دة يبقى مين
واللى يقولو
حيبقى افولو
وأوشك نزولو
على الابتداء

احمد الشاعر
www.elsha3er1.blogspot.com



Tuesday, January 27, 2009

اتمنى بعد الغياب ما كنش فقدت الاحساس بالكتابة على الرغم انى اكيد اتأثرت ودة اللى حعرفوا منكم

احمد الشاعر


حوار على قهوة
بلدى

الريس مات الريس مات........صحيح يا صاحبى الحمار مات.......ولا الشعب بيقول اشاعات.......ويبقى كل دى تفاهات.......ونرجع نلبس اسود كروهات........سدأنى مات سدأنى مات.......يا سلام لو كلامك جد ومات........واشوف اسمه فى صفحة الوفيات........والله افتح اربع دست شربات........بس متأكد ولا دى حركات.......اصل انا عارفه دة بتاع حوارات........عامل زى الكيت كات........اقرع ونزهى وبتاع كلمات.......واخد انت بالك ياد ياعماد.......فاكر خطبة التعلب فات........وفى ديله سبع لفات.......طب فاكر خطبة الرفق بالحيوانات.......دى فى مادة انسانيات.......طب فاكر خطبة انسى اللى فات.......اة مش دى بتاعت جنات......لا دى بتاعت العادلى ابو كماشات....دة الريس مألفها على موسيقى الكلبشات......وأول مطلع منها اهلا يا بهوات........ادينى افاك وانسى اللى فات.......اتغنت دى ايام الانتخابات........ايام ماضربو الشباب فى كل المحطات.......دة كان يوم مهلبية بالمكسرات..........ولا الغلو دة ياعماد.......مين يصدق ان البطيخة ب10جنيهات........ولا العيش ابو سراطانات......اة لو اعرف مين السبب .........بس الحمد لله اهو مات.........اسكت شوية سامع صوت بوليس وعربيات.......يارب يكون عدا وفات............لا دول جاين علينا وبيضربو كلكسات........وبيسئلو مين اللى قال الريس مات.......حرد انا........والله يا باشا الواد عماد........البقاء لله ياعماد........دة انت حتاكل حاجات..


احمد الشاعر
www.elsha3er1.blogspot.com