Thursday, March 3, 2011

حكاية شعب



على ضفاف نهر الحياة
دبت جموع الخلق
تلملم تاريخ السنين
تغرز بذور الحق
تسقى البذور دمها
خرجت زهور من الشق
غزلت هلالها فى صليبها
ماتلقى بينهم فرق
هزوا عروش الظلم
وزلزلوا الطغيان
فتحوا زنازين القلوب
وكسروا القضبان
ليل الظلم أنجلى
على أيد الشبان
نزعوا بقوة الحرية
نور النهار أهه بان
أجساد فى روح واحدة
ووحدوا الأديان
تسأل ديانتك أية
فى أى مكان كان
بكل فخر يقول
ديانتى مصرى وجنسيتى أنسان

18 comments:

sony2000 said...

بجد بجد ولاااااااا اروع
شكرا بجد
عجبتني جدا

sony2000 said...

عن اذنك هحطها فبيدج مدونتي علفييس بوك

elsha3er said...

sony2000
شكرا على المجاملة اللطيفة من حضرتك
تقدرى تاخدى اللى تحبيه المدونة مدونتك

أمل حمدي said...

ديانتى مصرى وجنسيتى أنسان

الله عليك
وتسلم ايديك
جميلة جدا كلماتك يا شاعر
يارب تكون بخير

شمس النهار said...

ماشاء الله عليك ياشاعرنا الهمام

كلام طرح الثورة فعلا

بس ياخسارة مبارك مشي هنشتم في مين دلوقتي
هيوحشني جدا اشعارك اللوزعيه فيه
بجد كنت بستمخ منها
وادخل هنا اقراها اكتر من مرة

بالنسبه للفيس الحقيقه الفيس بتاعي عائلي ومافيهوش مدونين لكن اللي اعرفه ومتأكده منه ان كل مدون له فيس وعلي الفس اغلبهم مع بعض ولو دخلت عند عادل ضد الحكومه هتلاقي لينك الفيس
وتصدق دي فكرة قويه ان نعمل جروب للمدونين علي الفيس هقول لضد تعمله

elsha3er said...

ماما أمولة
أزى حضرتك يارب تكونى بألف خير والله انا مكسوف من نفسى لانى مقصر فى زيارة مدونة حضرتك بس انا بعتذر عن دة

elsha3er said...

شمس النهار
والله المسألة ماكنتش نقض عشان النقد والسلام لكن بجد كان يستحق النقد بقوة لكن الحمد لله ان ربنا خلصنا منه
اما بالنسبة للفيس انا فعلا قاصد جروب تحت مسمى المدونين العرب تكون لنا نتواصل فيها عبر الفيس بوك بالاضافة ان التواصل وسهولة العرض والمتابعة أسهل وياريت ننفذها انا شايفها فكرة كويسة

مدونه ما كفايه بقى said...

ديانتى مصرى وجنسيتى أنسان

نعم الختام لشعرك

انا كمان بعتذر انى مدخلتش عندك بقالى كتير بس انت برده مكتبتش جديد من زمان ولا ايه؟؟؟؟؟؟؟؟؟

شعر رائع كما تعودت منك أخى

تحياتى لك

elsha3er said...

مدونة ماكفاية بقى

شكرا على المجاملة الجميلة من حضرتك وانا فعلا ما كنتش بنزل جديد

شمس النهار said...

موضوع الفيس ياريت فعلا يكون للمدونين جروب علي الفيس خاص بيهم
ياريت تعمله انت واديني اللينك اشترك واعمل له اعلان عندي هنا
بجد ماعنديش وقت اعمل اي حاجه يادوب انزل بوست وارد علي التعليقات
الدنيا هايصه عندي جدا اليومين دول
وممكن نسميه جروب مدونين علي الفيس
او مدونين مصر علي الفيس
اشمعنا الحكومه يعني
ولو عايز ممكن نختار اكتر من ادمن ليه وكل ادمن يكون له اشراف اسبوع علشان مايبقاش مضغوط علي حد لوحده
هستني اللينك
ولك كل الشكر

hend anwar said...

كلمات جميلة

موناليزا said...

الله:)
جميلة بجد
تسلم ايدك

ندا منير said...

وحشتنى كتاباتك جدا لانى بقالى فترة قافلة المدونة

والصورة دى اكتر صورة اثرت فيا قوى واحى ثورة للثورة المصرية

كان منظر رائع ومؤسف فى نفس الوقت
وهما صامدين بيصلوا والمية هتوقعهم وهما برده صامدين وبيركعوا

اخترت فعلا احلى كلمات لاحلى صورة

Anonymous said...

انا جيت اهه
:D
اهلا اهلا
القصيده ماشاء الله حلوة بجد اوى
ووكان وحشنى جدا اشوف كتاباتك والله
وعلى فكره انا كنت بدخل الاقيك مش كاتب حاجه ولا فى جديد
قلت يبقى انت قفلت وسلمت مفاتيح
:D
ولقيت ندا بتقولى فى سلام مخصوص ليكى
:)
شكرا ياحمد على السلام ده
ويارب تكون بخير
اختك
نيرة
:)

elsha3er said...

sun of free dom
أشكرك على المجاملة اللطيفة دى

elsha3er said...

موناليزا
ربنا يخليكى نورتى المدونة

elsha3er said...

ندا منير
أهلا اهلا بيكى عندك حق ربنا ينتقم منهم منورة المدونة بعد غياب ومستنينك ترجعى لمدونتك بقى

elsha3er said...

نيرة
أهلا بيكى والله نورتى سيبك من القصيدة حتى لو مش بكتب خشى أسألى انا حتى لو مش بنزل بكون متابع وبفتحها انا كنت فاكر ان ندى صحبتك عشان كدة قلت ابعت السلام معاها اهم حاجة انى اتطمنت عليكى