Tuesday, December 30, 2008

ادون من اجل غزة

ادون من اجل غزة فلنجعلها شعارنا حتى تذهب الغمة عنهم

فا انا لا بيدى رمح ولا فارس جماح ولكن كل ما املكه فى الوقت الحالى ومن مقربة الامتحانات الا ان اهدى هذة التدوينة لهم وان ادعو لهم فى كل صلاتى ولعل الله يستجيب دعائنا

غزة نحن المصريين...........لن ننساكى .........ولن نتعاون على ابادتك

ولنجعل نحن جميع المدونين شعارنا

أدون من اجل غزة

فى مدونتى الثانية كل ما تحب ان تعرفه عن التاريخ

فلسطين من الانتداب حتى الانتهاب

  1. مقدمة تاريخية عن فلسطين
  2. فلسطين فى الاونة الاخيرة
  3. فلسطين تحت النار ومشكلة معبر رفح وكيفية حل الازمة من وجهة نظرى المتواضعة
  4. هجوم العرب على مصر دبلوماسيا وسياسيا

ادخل على هذا اللينك وشاركنا الرأى ووجهة نظرك من اجل حل الازمة

وهذا اضعف الايمان

http://fagreltarekh2.blogspot.com



الفاعل والمفعول

فى النحو كل فاعل يلزم وراه مفعول

وفى غزة كل غارة يلزم شهيد مقتول

وفى كل ارض عربى تسكت على عدو مخبول

فيصبح موقع الغرب فاعل والعرب بقى مفعول

وعجبى

غزة .....اصمدى

فأن خذلوكى العرب

لن يخذلك الله

تضامنا مع غزة

احمد الشاعر

Wednesday, December 10, 2008

كيف انام

السلام عليكم يا جماعة نفسى اسأل سؤال بسيط حد فيكم لاحظ الجنان عليا
يعنى انا حد شايفنى مجنون
كيف انام
احببت فتاة كبدر الليل طهرا فصيح.......فتركتنى وحيدا وسط الظنون ذبيح.........وكان جوادى كريم والمجال فسيح........وكأنى برقا فى السماء يلوح.........وكان عطرى فى مجال الحب يفوح.......وقلبى عير اصطبارى والحصون تطيح........ويلوموننى واللائمون احبتى........واخفيت عن اهل الشماتة دمعتى........ولم اشك ان تكونى انتى همى وعلتى.........فا أذهبى عنى فأن قلبى بكى يطيح.......فكيف انام وقلبى يصيح........فحاولت ان ابيع قلبى
ولكن من يشترى ذا علة بصحيح.........ولى خافق بين الضلوع ذبيح..........فسألت طبيب ناصح وصريح........فقال لى عش هكذا.......عزمك الشديد والفؤاد جريح
احمد الشاعر
www.elsha3er1.blogspot.com


Sunday, December 7, 2008

السلام عليكم و كل عام وانتم بألف خير بمناسبة عيد الاضحى المبارك ويارب تكونو كلكم بخير

لبيك اللهم لبيك

انا اسف جدا على التأخير والله الشغل كان واخد وقتى لكن خلاص انا مش حخلف بوعدى تانى وارجو منكم انكم تسامحونى

على مدونتى الاخرى

ام الرشراش ميناء اسرائيلية على ارض مصرية

ميناء ايلات

http://fagreltarekh2.blogspot.com/

Friday, November 21, 2008

السلام عليكم ان شاء الله يوم الاحد عيد ميلادى ومش حتنازل عن الهدايا واللى مش حيجيب ما يعقلش هههههههههه بهزر طبعا انا بهدى القصيدة دى لكل واحد وواحدة عيد ميلادهم الشهر دة

احمد الشاعر


عيد ميلادى

عيد ميلادى يوم ما اتولد حبك فى قلبى

عيد ميلادى لحظة ما ولعت شموع حبى

عيد ميلادى لحظة لما بتبقى جنبى

عيد ميلادى

عيد ميلادى لما نورتى طريقى

عيد ميلادى لما قولتيلى حبيبى

عيد ميلادى لما ايدك بقت فى ايدى

عيد ميلادى

عيد ميلادى لحظة ما ارتبطت بيكى

عيد ميلادى اول دقة قلب ليكى

عيد ميلادى يوم مابقيت اخاف عليكى

عيد ميلادى

عيد ميلادى لما قلتى انك شريكى

عيد ميلادى لما عرفتى انى شاريكى

عيد ميلادى لما تبعدى عنى وتيجى

عيد ميلادى

احمد الشاعر
www.elsha3er1.blogspot.com


Thursday, November 13, 2008

تصورى

السلام عليكم انا اسف جدا على التأخير اصلى لسة مستلم شغل جديد فى ميناء الاسكندرية
وانا ان شاء الله حا تبعكم كل يوم جمعة وانزل فى البوست

انا بهدى التدوينة دى لى المدونة اكون او لا اكون لان اصل الفكرة بتاعتها وكانت الفكرة انى اكتب عن حد بيحب حد ومش عارف يقوله بس انا كتبتها بطريقة انا حببها ويارب تعجبكم

هى اغنية ولو ربنا شاء حنزلها فيديو بالحن بتاعها

تصورى

تصورى خفت اسرح فيكى اجرح رقتك

تصورى خفت افتح قلبى تهرب ضحكتك

تصورى انى بتمنى ابقى جنبك

عمرى كله افضل احبك

منى مش راح تهربى

تصورى

قلت يمكن حب شارد بالخيال

ولا بس عنيا بتحب الجمال

قلت جايز ايوة جايز احتمال

بس منى مش راح تهربى

تصورى

احمد الشاعر
www.elsha3er1.blogspot.com

Thursday, October 30, 2008

صوتى يا مة وولولى

http://fagreltarekh2.blogspot.com/السلام عليكم اولا بدعوكم للمشاركة فى مدونتى الجديدة محاولة للكتابة فجر التاريخ

ثانيا :هذا الموضوع اهداء الى سارة نجاتى واحب ان كلنا نشارك فيه لأبدأ الرأى وتصحيح ما هو خاطىء لدينا

ثالثا: اكون اولا اكون انا بعتذر والله انا ما ناسى الفكرة اللى انتى قولتيلى عليها انا بحاول بس استحضر الاحساس عشان اعرف اكتب وانشاء الله حكتبه وحقك الفكرى محفوظ

اتمنى ان الموضوع يعجبكم




صوتى يامة وولولى

صوتى يامة وولولى .........قالوا على غاندى نبى.........ضحكت وقولت لا والنبى ........دامين يحب دة الغبى.........مش برده غاندى اللى اتحرش بالأسلام.........وقال علينا كلام وكلام..........ومات على ايده اعظم الحكام ........فا مين يحب دا الغبى

صوتى يامة وولولى ........قالوا على غاندى نبى.........ضحكت وقولت لاوالنبى.........مش غاندى هو اللى ساعد الاستعمار........وقتل كتير من المسلمين وبقت بلدهم دمار فى دمار........ولا خلاص نسينا كلام سافاركار..........فا مين يحب دا الغبى

صوتى يامة وولولى .......قالوا على غاندى نبى........ضحكت وقولت لا والنبى........مش غاندى برده ديانته هندوسية.........وهو صاحب الحركة الفاشستية..........اللى بيها حاول يدمر كل دولة اسلامية..........فا مين يحب دا الغبى

صوتى يامة وولولى ..........قالو على غاندى نبى..........ضحكت وقلت لا والنبى.........اية اللى جرى ياناس للأمة........يارب ارفع عن عنينا الغمة........بقينا نحب اعدائنا بذمة.............ونسقف ليهم بكل همة..........ونسينا ان هم اللى هم..........حاولوا يدفنو اسلامنا بحكمة..........ربى ارفع عن عنينا الغمة............ربى ارفع عنينا الغمة

احمد الشاعر
www.elsha3er1.blogspot.com

Monday, October 27, 2008

على لسان سيادته

السلام عليكم اولا هذا الموضوع لا يعبر الا عن رأى كاتبه القصيدة بعنوان على لسان سيادته يارب تعجبكم
على لسان سيادته
ابين زين ابين .......وابص فى الفنجان..
واشفلك الابراج......واجفف الوديان...
واعمل عمل مسوجر......ينطح ولا الجديان
وازود البطالة.....وادمر الجدعان.....
واخلى الفقير شبعان.....واخلى الشبعان جعان.....
ابين زين ابين.....وابص فى الفنجان.....
وابهدل الشجعان.....واخلى الشجاع جبان......
والحى يموت من خوفه......وفى كله انا الكسبان
وحعمل اللى اشوفه......واتفرجه من الان....
ابين زين ابين ......وابص فى الفنجان......
وحبررلك يا شعبى......قد اية انا غلبان....
الناس اللى معتقلها .......دى ناس ما لهاش امان
حتبوظ النظام......وتدمر المكان.....
ويقولو مصر بايظة .......وبالارهاب المكان مليان
واخسر الخصخصة.......وتخطيطى بتاع زمان
ويرفض الاجانب .......يعدلو فى الميزان
عرفت قد اية....... ياشعبى انا غلبان....
وحقولك حاجة تانية......وشوف مين الغلطان
لو كنت زعلان على رفح.......واللى فيها واللى كان
تعالى معايا شوف......قد اية انا زعلان
انا برده ياشعبى زيك.......عربى ووطنى من زمان
بس ما بليد حيلة.......دة رأى الامريكان
احبس فلان دة احبس......فى اللحظة والزمان
قالولى يوم ياحسحس......اقفل حدودك يامان
قلتلهم واسرائيل.......قالولى زيك كمان
اتاريهم حيبهدلوهم........ويحبسوهم فى المكان
راح دقت العروبة........وفى قلبى جه الحنان
وجربت يوم اساعد.......وأغير اللى كان.
وابعت لقمة هنية.......للست والعجزان
وفنطاز مليان فى مية.......نروى بيها العطشان
او حتى بطنية.......ندفى بيها السقعان
وفجأة سمعت خبر......فى نشرة البيان.
ال منعت المعونة .......بأمر الامريكان
سبيت ابو العروبة.......وقلت انا كدة خسران
وقلت المعونة اولى ......من فلسطين والكيزان
يغوروا هم فى داهية.......خلى المعونة تبان
اروح اصيف بيها........ونقط على شعبى الغلبان
بالزمة كدة يا شعبى......اكون انا غلطان
ابين زين ابين.......وابص فى الفنجان

احمد الشاعر
www.elsha3er1.blogspot.com



Wednesday, October 22, 2008

ديانة مصرية

انا اسف جدا يا جماعة اتمسحت المدونة غصب عنى يعنى كله راح راح اهىء اهىء فا بليز سيبو اى تعليق عشان اعرف اتابعكم على الاقل عبال ما اظبط المدونة الجديدة دى على العموم انا نزلت اخر حاجة كنت كتبها
ديانة مصرية

من نظرة حبيتك وحبتينى ياصبية........والحب فى قلبك ظهر شعاعه فى عنية........بس المشكلة وانتى معدية.......شفت على ايدك صليب الكنيسية.......ووقفت وفكرت شوية فى المعركة المصيرية........وقلت اية المشكلة مادى حرية.......
ما اهه اليسوع نبى ومارية قبطية........ودى سنة محمد وسنة شرعية........ولقيت مرة واحدة ايدك بقت فى ايدية.......ومشينا مع بعض والديانة منسية........وركبنا بحر الحب وبقينا مركبية.......وقالتلى حتيجى امتى يا احمد ليا.......
بس خلى بالك دى ماما عندية.......قلتلها يامريم دى امى وحشيلها فى عنية........ولما مشيت رحت اجرت عربية........وخدت ابويا وامى والحبايب وهنية.........والزراغيت سبقانا ليها ......وامى تقول بس يا ولية.........وأول ما وصلنا لقيت الشوم وبلطجية مستنية.........بصيت لفوق لقيت مريم من الضرب مهرية.........قلتلهم يا ناس بحبها دى هى زادى والمية........قالولى انفد بجلدك مافيش مسلم يجوز قبطية.........مشيت والدنيا بتلف حواليا .......يا ترى الغلط فى مين ........فيا ولا فيها ولا عشان الفكرة شرقية........ولا المجتمع والناس ولا سيكوباتية.........وأى قانون ياناس يمنع انى أحب مسيحية.........غيرو بند الديانة لديانة مصرية........
غيروا بند الديانة لديانة مصرية........


مع تحيات\ احمد الشاعر
www.elsha3er1.blogspot.com

غصب عنى

انا اسف جدا والله اتمسحت غصب عنى ممكن تسيبو ردودكم عشان اعرف اتابعكم

احمد الشاعر