Monday, December 20, 2010

رباعية

تصرخ بعلو الصوت صوتك ما يخرجشى
تبكى يا ولدى الدمع دمعك ماينزلشى
من ضرب سجانك مات جواك الأحساس
الكل سامع الأه لكن من الخوف ما نقدرشى
وعجبى

Friday, December 17, 2010

رباعية


قلبى فى قفص الحياة مسجون بلا داعى
لا حب شفا جراحى ولا خففلى أوجاعى
وكل يوم بيفوت تضعف معاه أمالى
ورغم كل ظروف الحياة فارد لها شراعى
وعجبى يازمن

Saturday, November 27, 2010

أنا مغتصب

غدا أما معتقلا او مقتولا أو مضروبا
فى كل الحالات اسألكم الدعاء
فما للظالمين من نصير






أنا مغتصب
ومش مكسوف
أنى أقول
أنا مغتصب
أنا مغتصب
من يوم
ما هو أنتصب
أنا مغتصب
ولو حتسأل
ع السبب
حقولك مافيه العجب
أنا مغتصب
من يوم ما غازنا
راح للعدو بالتراب
وليا أنا بعه
وبسعر الدهب
أنا مغتصب
من يوم ما أصبح
الرغيف تجيبه
بالموت والتعب
وأنا مغتصب
من يوم ما باعوا
أرضى بالبريزة والريال
وأنا ماليش متوى
أو حتى ترب
وأنا مغتصب
من يوم ما قتلوا
حلمى وداسوا شعرى
وأصبح هباء من كتب
وأنا مغتصب
من يوم ما طلبت حقى
وسمو دة عجرفة وشغب
وأنا مغتصب
من يوم ما ضاعت
هيبتى بين
العجم والعرب
وأنا مغتصب
من يوم ما أصبح
أسم مصرى
أشبه بعدوى أو جرب
وأنا مغتصب
ودى الحقيقة
ومش مكسوف
أنى أقولها
أنــــــــــــــــــــــــــــــــــــــــــــــــــــــــــــــــــــــــــا مغتصــــــــــــــــــــــــــــــــــــــــــــــــــــــــــــــــــــــــــــب

Tuesday, October 26, 2010

أنا موسى1

أنا موسى
أكثرت فسادا فى الأرض وزرعت الشر
وسقيت فسادك بدموع العين المنهمر
وحصدت الظلم بأيدينا ورسمت للموت طريقا مختصر
ورميت بنا فى غيباته وعلمت بأن أخره الموت ولا مفر
ولكن خابت أمانى نواياك وضل من عينك البصر
فصارعنا موت مصطنع فصنع بأنفسنا الدرر
فرعون مصر أليك بذاك الخبر
أنا موسى
أنا موسى هذا الزمان ألقى الى بالنظر
مرسل بأمر كتاب الله وبأمر الله قد فاح منى العطر
هذه عصى موسى فى يدى شعب قد مل الذل والفقر
وها نور موسى على كفى قرأن دستور ضيه كالقمر
فرعون مصر أنا موسى ومن عصانى قد كفر
رسالتى كفاك بمصر الضرر أرحل بسلم وقد أعذر من نذر
وأعلم بأنه مهما بك طال العمر
الله قادر أن يأخذك أخذ عزيز مقتدر
فأرحل بسلم من مصر وقد أعذر من نذر

Friday, October 15, 2010

لكن سراب


my account in facebook ahmed mussolini :للتواصل

لكن سراب
مابين متاهة
وألف باب
حلمك يدوب
يصبح فكاهة
أملك أنك
تلقى الجواب
أنا عايز أية
تدخل فى باب
يطلع سراب
ترسم بيدك
أحلى أحلام الشباب
وتمنى نفسك
أن حلمك مجاب
تلقى الجواب
لكن سراب
وتدخل فى باب
وترسم من تانى حلمك
بالقلم الرصاص
توصل بحلمك منتهاه
تلقى الجواب
لكن سراب
ترسم وترسم وترسم
وكل رسمة تفتح
طريق بألف سكة
وألف باب
وكل واحد فيهم
جواة الجواب
لكن سراب
كل اللى يفضل
بعض الخيال
ونفس السؤال
أنا عايز أية
وسط الضباب
تلقى سراب

Saturday, October 9, 2010

حق الاختيار

للتواصل my account in facebook ahmed mussolini

ومين فى يوم كان عنده حق الأختيار

على الحلوة والمرة عيشنها غصب عننا

فى ذكريات بتعيش وذكريات بتموت

وتبقى برده الحياة أصعب مننا

أيام بتفوت عايشين على صوت

أمل الحياة يضمنا ويكون لنا فيها أختيار

لو كان نصيبنا هو مصيرنا

طب ليه بنأسى لية بنجرح بعضنا

ساعات تخدنا أيام لبسمة وساعات

بتبقى قاصدة تجرح قلبنا

أيام بتفوت عايشين على صوت

أمل الحياة يضمنا ويكون لنا فيها أختيار

ومين فى يوم كان عنده حق الأختيار

على الحلوة والمرة عيشنها غصب عننا

فى ذكريات بتعيش وذكريات بتموت

وبرده تبقى الحياة أصعب مننا

Monday, October 4, 2010

قرد ستان

my account in face book ahmed mussolini

يا سلام على القرد

لما يبقى حاكم أو رئيس

حيعمل لشعبه لمة

ويخلى البلد تهيص

قام سعادة القرد قرر

تبقى للبلد حكومة

والعلم أحمر مزهر

وصورة القرد فى أيده شومة

وأحتفل كل القرود

وكان فى بداية حكمه صادق

كان بالفعل مش كلام

كلمة من دة

وكلمة من دة

أصبح حكمه مش تمام

والقرود قاموا بثورة

وميت مظاهرة وميت مناورة

بس القرد كان خبيث

خلى حكمه بالحكومة

والسياسة والبوليس

وكل ثائر او مظاهر

بالسلامة أصبح فطيس

ودة جزاء أى قرد من البداية

باع حقوقه بالرخيص

ويحكم عليه قرد واطى

أو تقدر تقول خسيس

وبكرة يعمل أبنه على

القرود وصى و وريث

يا سلام على القرد لما

يبقى حاكم او رئيس

Friday, October 1, 2010

رسالة الى أسرائيل


يا أسرائيل
يا أسرائيل
أنا المصرى
بناشدك و يناشدك
كل جيل عصرى
مرى جيوشك بالقدوم
وصدقينى يا أسرائيل
ماتت خلاص
روح البطولة
روح الوطن
قتلها واحد
من الوطن
ملكنا شئ
من الدناوة
أصبحنا أشبه بالعفن
مستنى ردك يا أسرائيل
وكتير زيى مستنين
ويوم ما تنوى
لأرضنا بالرحيل
حيبقى دخولك أرضنا
له أستقبال الفاتحين
ان شالله لو قتلتى
مننا مليووون قتيل
مرى جيوشك بالقدوم
يااااا أسرائيل

Friday, September 17, 2010

بدون عنوان

بدون عنوان
مجهول المنشأ مرتحل
لا أصل لا أسم ولا عنوان
يقبلنى أيام وطن
وتطردنى عشرات البلدان
من درب لدرب أنتقل
أبحث عن ذاتى كوجدان
لكنى مقتول الروح
ضائع ومشوه الجثمان
بالله عليكى أجيبينى
ما المتعة فى قتل أنسان
فزرعت من أجلك أجمل أشياء
وحصدت من ثمرك نكر العرفان
فرسمت البسمة على شفتاك
وكنت لخوفك ملجأ وأمان
وحنوت عليكى ك كساء
وزودتك بأيمان لاح بالبرهان
وأحسنت اليكى معاملتى
فما كان جزاء الأحسان
أطفأتى سمائى ونجومى
وعمقتى جروحى وشجونى
وطمستى نورى بالنكران
وأسقطى التاج من رأسى
وقد قلدتك كل التيجان
وخرجت من مسرح عمرى
مذلول ومكبل بالأحزان
أرتحل وأرتحل وأرتحل
من مكان ومكان ومكان
هربا من أنى القاك
وأشاهد مسرح أيامى
ونتيجة عرضى تتشابه
فى كل وقت وفى كل زمان
والكل يصفق بحرارة
ويظنوا بأنى موهوب فنان
ولكنى أنا المقتول فى جسدى
والجسد فان
فلا تبحث عنى
ف أنا بدون عنوان

Tuesday, September 14, 2010

وادينى عايش

أدينى عايش
جرحت فيا وأية يعنى
أنا بس طيبتى بتمنعنى
أرد على قسوة قلبك
وبدعى ربى يصبرنى
أنا عمرى ما كنت أتصور
أن أنت اللى حتظلمنى
وييجى اليوم وتتغير
وتبقى حابب تقتلنى
وأدينى أهه عايش
ولسة بتكلم
وقولى مين أتعلم
من غير ما يتألم
حبعد وأية يمنع
قربك بقى بيوجع
وعايزك بقى تسمع
من بعدك أنا أحسن
لو كنت فاكر جرحك
فى قلبى حيعلم
دة أنا عندى أموت أهون
من أنى أستسلم
وأدينى أهه عايش
ولسة بتكلم
وقولى مين أتعلم
من غير ما يتألم
وقولى مين أتعلم
من غير ما يتألم




Saturday, September 4, 2010

أبكى

أبكى
أبكى طهرى روحى بدمعك
وأرسمى بحزنك طريقى
وأكتبى حكايتى وحكايتك
وأصرخى بكلمة حبيبى
رجى بصرختك كيانى
وأحيى أحساسى اللى مات
غيرى بحبك زمانى
وأنزعى بقوة الأهات
خرجى الأه من ضلوعى
وألمسى فيا الشعور
نورى بضيك شموعى
وأزرعى فى قلبى الزهور
فتتى فيا الحجر
زى بحر فى الصخور
أنقذينى من الظلام
خرجينى من الجحور
أنتى بس مش بشر
أنتى روح ملاك وحور

Wednesday, September 1, 2010

فى خانة النسيان

انا ما بحبش الكلام الكتير بس نفسى أتكلم مع حد ومش لاقى حد اتكلم معاه لا لى اخ ولا لى حد اتكلم معاة بقلب مفتوح قلت اجرب اكتب هنا يمكن ارتاح كل اللى حاسه انى عامل زى سلك النور كل الناس بتحبه عشان بينور لها حياتها وبيحل مشاكلها لكن تخاف تقرب منه قوى لا يكهربها سبحان الله الكل شايف ان اللى عنده القدرة يحللك اصعب المشاكل وتفكيره كويس عنده نفس القدرة انه يوقعك فى مشاكل أصعب لا حول ولا قوة الا بالله اللى نفسى يفهموه ان السلك العريان بس هو اللى بيكهرب لله الامر من قبل ومن بعد

(رباعية)

فى خانة النسيان

ربك وزع الأرزاق وباينله ناسانى

خصنى أنا ب الحزن وم الفرح نحانى

كتابى عند الله مكتوب بدمع أحزانى

لامنه نجانى ولا همى نسانى

وعجبى

Monday, August 30, 2010

خماسية

أخلعى توب العفاف ضاع الشرف والدم ساح على الجلبية
خيرك خلاص حصده الجفاف أصبح قرف سلمتى نفسك يالا السلامة لبلطجية
لية للغريب توبك خفيف ومش عفيف ولينا أحنا عاملة شريفة
بس أصرخ مهما بعزمك تصرخى أنا خلاص مش أبن ليكى
أنا مش حاميكى أنا كنت أبنك لما كنتى أنتى عفيفة

Sunday, March 7, 2010

رشحونى للرياسة

السلام عليكم من حق كل فرد ان يبنى احلامه كما يشاء ومن حقك ان تعمل على تحقيق طموحاتك ويجب ان تعلم ماهو حقك وماهو واجبك من حقك ان تحلم ان تكون رئيسا ومن حقك ان تعمل لكى تحقق حلمك ولاتحكر من ثقافتك وعلمك
كان حلمى منذ الصغر ان اكون معلما مربيا للاجيال تعرف مالها وما عليها واوشكت على تحقيق هذا الحلم ولكن عندما بدات انهى حلمى الصغير وجدت انه من المشروع ان يكون لى حلم اكبر ولما لم اكون رئيسا وعملت عليها قرات كتب اكبر من سنى حاولت ان ادرس علم السياسة والدبلوماسية وطبقتها فى حياتى قرات كثيرا فى الخطط العسكرية دون اطالة

مش لازم اكون انا الرئيس بس لازم يكون من بينا من يحاول بعد ان دب فى الشباب روح الياس

واتيناه الحكم صبيا

تحياتى

احمد الشاعر


رشحونى للرياسة
لكل واحد
حب فيا
الامانة والحساسة
بعد ربع
قرن عدى
فيه كتير
الشعب اسى
بعد الذل
والمهانة والاستيطان
بعد حكم
بلطجية من الكناسة
دلوقتى جه وقتكم
وقت التطهير
من النجاسة
لكل السادة
الكرام
رشحونى للرياسة
ثانية واحدة
وفى هدؤ
البرنامج الانتخابى
راح يرفع
راسكم لفوق
من البداية
همى
امنع غازنا
يوصل لاسرائيل
همى اقطع
راس كل عميل
همى اخلى
مصر جنة
فيها خير
من كل لون
همى احسن الاقتصاد
همى ايدنا
اللى تزرع
وايدنا تلم
الحصاد
همى اخلى
جيشنا جيش
تحكى بيه
كل البلاد
همى اكبر
همى اعلم
همى نمى
فكر الولاد
همى تبايعونى
على الجهاد
وابايعكم ليكوا
جنة هدية
رب العباد
همى اقضى
على البطالة
ودة بس
مش كلام
كله محسوب
بالميعاد
همى اخلى
مدة اى ريس
فترتين
بعدها يكون
على الحياد
واللى يصلح
ارض بور
تبقى لية
من غير
روتين ولا عناد
همى فعلا
اكون رئيس
مش بس
مهنة فى البطاقة
وبعدها اصبح
جماد
بيتى هو
بيت الرياسة
من غير قصور
الكل عرفه
وحيكون بينا
حب و وداد
نفسى مصر
تبقى لينا
مش بس عرض
فى البترينة
ومعروضة فى
كل مزاد
همى اطور
همى اعمر
همى ازرع
همى احصد
همى اصنع
همى اجدد
همى اطمن
همى اعلى
همى يوم
ما اكون رئيس
ينكتب ليها
فى عهدى
احسن
شهادة ميلاد
تحياتى
احمد الشاعر


Friday, February 12, 2010

اذا احببت

اذا احببت
إيمان وجدتك تتخللين قلبى
فأصبحتى صبغة نسيجه فى الحب
فأصبح فى الإيمانيين دربى
إيمان انت حبى وإيمانى ب الرب
فإيمانى بربى اعطيته قلبى
ولكن انتى لقلبى رب
وكلما سمعتك زاد شوقى
وكأن قلبى على حبك شب
ووجهك كنور القمر يهدى
بل نور القمر لكى منتسب
وشعرك نسيج من حرير يهوى
او تخاله سلاسل ذهب
فكونى بقربى ولا تذهبى
فبقربك همى عنى ذهب
وكل يوم يزداد حنينى
وأصبح فى جوفى نيران ولهب
فجمالك فداه سنين عمرى
فسبحان من هذا الجمال وهب
فأى كلام فى وصفك يحكى
فعجز عن وصفك العجم والعرب