Sunday, June 21, 2009

هنا القاهرة

السلام عليكم بجد وحشتووووووووووووووووووووووووونى موت

ثانيا اهديكم هذة الكلمات من عمرو دياب

وعرفت قيمتك لما بعدت ورجعت بعد فراق........جربت اعيش من غير هواك وادى النهاية.........انا بعد منك تهت وضعت انا ضعت من الايام..............خليك معايا انا مش حسيبك مرة تانية مهما كان .......خليك معايا انا مش حكرر غلطتى وياك زمان

وان شاء الله بالكتير بكرة وحعلق عندكم واحد واحد واسلم على الناس اللى وحشونى كتيرررررررررررررر

بسم الله ابدأ




هنا القاهرة

اذاعة شبندى

حلاوة زمان

تردد يجيلك

فى اى مكان

قرر سعادة

رئيس الديوان

بما ان الوضع

بقى مش امان

قررنا وامرنا

بحل البرلمان

ونحب نحذر

جميع الاخوان

خدوها ببساطة

من غير شقلبان

هنا القاهرة

اذاعة شبندى

حلاوة زمان

ونحب ننبه

السدة الكرام

فراغنا السياسى

دة مش العبان

دة امر رئاسى

وان الاوان

يكون الشعب

دايما من

الرئاسة كسبان

هنا القاهرة

اذاعة شبندى

حلاوة زمان

وأوعاك تفكر

ويلعب شيطان

فى مخك تحاول

تكون ترجمان

هنا القاهرة

اذاعة شبندى

حلاوة زمان

وعايزك تكون

كدة على الدوام

خايف حريص

وتبقى جبان

تردد كلامى

تكون بغبغان

تخالف اوامرى

حتبقى نهايتك

وما بين ضروسى

زى اللبان

حتمشى ورايا

ححبك وأودك

وتبقى فى عيونى

زهور و وردشان

انتهت نشرتنا

وخلص البيان

وشكرا لكل

السادة الكرام

هنا القاهرة

اذاعة شبندى

حلاوة زمان

تحياتى:احمد الشاعر

www.elsha3er1.blogspot.com

64 comments:

جوجو said...

السلام عليكم

حمدلله على سلامتك

منور البلوج

تحياتى

سمكه واحده said...

السلام عليكم ورحمه الله وبركاته
اهلا اهلا اهلا
حمدالله علي سلمتك ياشاعر
البلوج نور والبلوجات اللي جمب البلوج نورت هي كمان

طموحة مملوحة said...

عودا مباركا :)


ايوة ياعم مبروك فوز مصر على ايطاليا جدعنة ولله

انا ودماغي said...

عودة قوية بكلمات جميلة يا شاعر


حمد لله على السلامة

عملت إيه فى الإمتحانات

Anonymous said...

جامده جامده ازاعه شبندى
تحفــــــــــــه اخر حاجه
حمدلله على السلامه
يارب تكون حليت كويس فى الامتحانات
نيرة

ماما أمولة said...

حمد الله على السلامة

يارب تكون بخير

نورت مدوتك من تاني

ابقى طمنا على النتيجة

mohamed ghalia said...

راجع بقوة يامان
هايل ربنا يكرمك دايما
والحمد لله إنى الإمتحانات عدت على خير

خالد فوده - Khaled fouda said...

يا هلا بالغالي
ورجعنا بعد امتحانات طووووووووويله
وشاقه
كلامك رائع يا كبير

mahasen saber said...

حمدالله على السلامه يا ابو حميد

فينك كنت غطسان فين

انا كنت غطسانه فى الترعه اليى عندنا انتا كنت غطسان فين بئه

نورت يا شاعر البلوجر كله

mahasen saber said...

بجد نورت يا احمد

وابقا طمنا عليك يا شاعر الجيل القادم

smilyrose said...

السلام عليكم

عودة حميدة اخى احمد

اوحشتنى كلماتك

يارب تكون اتممت امتحاناتك على خير

وبالتوفيق ان شاء الله

اذاعة شبندى

اذاعة يومية

ومن الحكومة محمية

تقول الكلام برنة قوية

اذاعة شبندى دى اذاعتنا

ماهى اذاعة مصرية

نورت يا احمد

وردشان

روح الحب الصادق

marmar said...

منور يا شاعر يا جميل
حمدلله على السلامه يا شاعر
عملت ايه في الامتحانات طمنا

hager za3bal said...

ياااااااااااه

اخيرا نورت البلوج من تاني ..:)

دا البلوج هيفرقع من كتر النور..:)))))))

حمدا لله علي سلامتك

عجبتني اوي هنا القاهره

تسلم ايديك

أكون أو لا أكون said...

دقيقه بس أقرآ الشعر وأرجع
: )

بس أنت موجود دلوقت هههه؟

أكون أو لا أكون said...

جميلة جدا الكلمات...تسلم...

كيف حالك؟ عامل إيه... وإيه أخبار مجلتنا؟
وإخترت الإسم وله لسه؟

عابرة said...

في البداية برحب فيك وبعودتك الحميدة
ثانيا ارجعتلنا وجبت معك احلى اذاعة طبعا مهي اذاعة شبندي وهنا القاهرة
ورجعت لايام زمان ورجعت المدونة تعمر من جديد
يا اهلا بيك من جديد

نهر الحب said...

ازيك يا شاعر اية اخبار الامتحانات
يارب بالتوفيق يارب

كمان انا بحب الاغنية دى اوى

لاسع افندى said...

اول زياره لمدونتك
عجبنى اسلوبك وجارى تفصيص المدونه


تحياتى

dina said...

بجد حلوة اوىىىىىىىىى و كلها معانى...و حمد لله عالسلامة

سلوى said...

حمدا لله ع السلامه
ربنا يوفقك وينجحك

جميله الكلمات جدااااااااااا

elsha3er said...

جوجو

ربنا يخليكى يارب دة انتم اللى منورنى


تحياتى


احمد الشاعر

elsha3er said...

سمكة

اهلا بيكى وربنا يخليكى بس البلوجات نورت دى زتونة كدب دى

ههههههههههههههههههه


ومنور بنوركم

تحياتى


احمد الشاعر

elsha3er said...

طموحة مملوحة

بلاش مبارك بالله عليك عشان بتشائم من الاسم دة

فهمانى طبعا

خليها سعيدا


تحياتى


احمد الشاعر

elsha3er said...

انا ودماغى

ربنا يخليكى

انتى فى كلية وعارفة انه مهما الواحد حل الدكاترة مش مضمونة


بس الحمد لله انا عملت اللى عليا


تحياتى

احمد الشاعر

elsha3er said...

نيرة

والله وحشانى جدا

عجبت اذاعة شبندى انا عندى اتنين منها
ابقى اديكى واحدة

الحمد لله انا عملت اللى عليا والباقى على ربنا



تحياتى


احمد الشاعر

elsha3er said...

ماما امولة


اهلا بيكى يا احسن ما ما امولة فى الدنيا

منورانى والله وشكرا على سؤالك

النتيجة لسة شوية بس اكيد احتفالى حيكون معاكم


تحياتى


احمد الشاعر

elsha3er said...

mohamed ghalia

اهلا يا محمد

والله كنت واحشنى الحمد لله ان فعلا الامتحانات خلصت


تحياتى



احمد الشاعر

elsha3er said...

خالد فوده - Khaled fouda

اهلا بيك يا خالد

منورنى والله


تحياتى


احمد الشاعر

elsha3er said...

mahasen saber


اهلا بيكى

والله بحاول اعلق عندك من فترة مش عارف مش لاقى مكان للتعليق

واية دة كله عطيانى اكتر من حقى اوى شاعر الجيل القادم مرة واحدة


تحياتى


احمد الشاعر

elsha3er said...

smilyrose


اهلا بيكى منورانى


اكيد طبعا من الحكومة محمية هو فى اذاعة بالشكل دة



تحياتى


احمد الشاعر

elsha3er said...

marmar


اهلا بيكى


تصدقى انا كنت ماشى من البلوج وانا فاكرك انتى زعلانة منى

الحمد لله انى كنت غلط


بس بجد منورانى


تحياتى


احمد الشاعر

elsha3er said...

hager za3bal


اهلا بيكى وبجد شكرا على المجاملة الرقيقة دى


تحياتى


احمد الشاعر

elsha3er said...

اكون او لا اكون


اهلا بيكى ياة وحشاااااااااااااااااااااانى جدا والله


لا المجلة بقى لما الاقى نفسى تانى


تحياتى


احمد الشاعر

elsha3er said...

عابرة


ياهلا بيكى انتى يا عبارة

هى عمرانة عشان انتى بس معانا



تحباتى


احمد الشاعر

elsha3er said...

نهر الحب


اهلا بيكى والله ربنا يخليكى على سؤالك

مين ما بيحبش عمرو


تحياتى


احمد الشاعر

elsha3er said...

لاسع افندى

اوك يا فندم ان شاء الله حنكون متابعين واصحاب كمان


تحياتى


احمد الشاعر

elsha3er said...

dina


الله يسلمك واهلا بيكى


تحياتى


احمد الشاعر

elsha3er said...

سلوى


اهلا بيكى

منورة ربنا يخليكى ويارب الكل ينجح



تحياتى


احمد الشاعر

شمس النهار said...

حمد الله علي السلامه
ياشعرنا الهمام

سواء عمرو دياب او القصيده الاتنين احلا من بعض تسلم ايدك

عايزين نشاط وهمه

”*°•.˜”*°•..سونه..•°*”˜.•°*”˜ said...

السلام عليكم
ان شاء الله بنجاح يارب
ايه ده كلو ياشاعر ياكبير
هو ده حال مصر الان
مش القاهره بس

ربنا يستر
احنا ملناش فى السياسه ها
انا هخرج بسرعه ياعم لنتقفش هنا
هههههههههههههههه

تحياتى
واحيك على احساسك بشعب بلدك
سلام اختك سونه .

”*°•.˜”*°•..سونه..•°*”˜.•°*”˜ said...
This comment has been removed by the author.
ندا منير said...

حمدلله على السلامة يارب اتكون بخير
وحشتنى كتباتك جدا
جدا
ويارب تكون الامتحانات عدت عليك تمام

وكلماتك فى القصيدة دى رائعة

رؤية said...

حمدا لله على السلام
يا شاعرنا الهمام

بالمناسبة
فرحنى جدا تعليقك وكلامك اللى قلته فى مدونتى
اشكرك


تحياتى

فشكووول said...

ازيك يا شاعر
حلاوه زمان شقلبان مقلبان
وبرضه شقلباظ مقلباظ
احنا اللى زرعنا الباباظ
وكلام كتير وكلام كبير
ومحاور واتوستراد
عشان بس الكلام
يبقى حلو
نقدر نقول احلى كلام
بس من غير افعال
اصل الكلام ببلاش
مش بتمن حتة قماش
ويا ناس يا ناس
قطرنا بقى محتاس
هو اللى يشيل الناس
ولاالناس تركب القطار
اصله طار وعمل اخبار
زى اذاعة حلاوة زمان
فهمت حاجه؟

Angel said...


السلام عليكم ورحمة الله وبركاته

أزيك يا أحمد ؟؟؟
أتمنى تكون بأفضل حال

وسلمت يديك على ما أتيت به لنا

كن هنا دوماً تجدني بالجوارِ ..

متابعة كل جديد

أختك

Angel Love

تقبل إعتذاري على طول الغياب

نبراس العتمة said...

الشاعر

وحشاني مدونتك عدت للبوستات القديمة لأجدها
وهذا خطأ أن أتقاعس عن وضعها في مفضلتي

أحييك دائما على جرأتك
وقوفك ضد التيار

لدي استفتاء مهم ىعلى مدونتي قد تجد بعض الصعوبة في الدخول اليها لأنه في خطر

رأيك يهمني
مودتي

عاشقه الرومانسيه said...

حمد الله على السلامه
وحشتنا والله يافنان
ان شاء الله مفيش غياب تانى
نورت مدونتك والمدونات الشقيقه
تحياتى

موناليزا said...

الف سلامة عليك
ونورت عالم التدوين من جديد

شاعر ومشاعر said...

السلام عليكم ورحمة الله وبركاته.
مرحبا أحمد الشاعر.
تسلم إيديك.
وأجمل حاجة إنك متأثر بعم فجومي.
أنا شخصيا بتعجبني المدرسية الفجومية في الشعر العامي.
وربنا يكرمه عم أحمد -سواء نجم, أو الشاعر-
أتمنى إنك تقبلني صديق.
وتشرفني في مدونتي الصغنونة اللي لسة طالعة جديد. أخوك
محمد الشاعر:
elshaer76.blogspot.com

elsha3er said...

شمس النهار


ربنا يخليكى منورانا والله


تحياتى


احمد الشاعر

elsha3er said...

”*°•.˜”*°•..سونه..•°*”˜.•°*”


اهلا بيكى انا من الناس اكيد حاسس بيهم بس ربنا يستر وما نتمسكش


تحياتى


احمد الشاعر

elsha3er said...

ندا منير


اهلا بيكى الحمد لله كله عدا على خير


تحياتى


احمد الشاعر

elsha3er said...

رؤية


الله يسلمك

انا ماقلتش غير الحقيقة


تحياتى


احمد الشاعر

elsha3er said...

فشكووول


اهلا بيك


بس خايف اللى فهمته يكون صح


تحياتى


احمد الشاعر

elsha3er said...

Angel

اهلا بيكى بعد غياب

وان شاء الله على تواصل


تحياتى


احمد الشاعر

elsha3er said...

نبراس العتمة


اهلا بيك

وانا قلتلك رأيى


تحياتى


احمد الشاعر

elsha3er said...

عاشقه الرومانسيه


ان شاء الله ما فيش غياب تانى


تحياتى


احمد الشاعر

elsha3er said...

موناليزا

ربنا يخليكى


تحياتى

احمد الشاعر

elsha3er said...

شاعر ومشاعر


وان شاء الله نكون اصحاب


تحياتى


احمد الشاعر

shirry said...

بالرغم من ان الكلمات قصيرة جدا
لكن معبرة جدا جدا جداوقريب من الشاعر الكبير احمد نجم
اسمحلي ابدي اعجابي بأسلوبك
بالتوفيق
وان شاء الله مش اخر زيارة

engy said...

الف حمد الله على السلامه
وحشتنا كلماتك جدا

elsha3er said...

shirry

اهلا بيكى

بجد اخجلتينى بالمجاملة الطيفة دى انا على فكرة متبع المدرسة الفاجومية

وان شاء الله نكون على تواصل دايما


تحياتى


احمد الشاعر

elsha3er said...

engy

الف حمدالله على السلامة ليكى انتى كمان لان انا زورت مدونتك كذة مرة وكنتى غايبة عنها

ان شاء الله يبقى ما فيش غياب تانى لكلا الطرفين


تحياتى


احمد الشاعر

حنان الشافعي said...

حلوه دي يا احمد جدا

مستنيين التغيير