Tuesday, July 14, 2009

بص فى مرايته

السلام عليكم دى اول حاجة تنزلها هى صحيح مش جامدة اوى بس غصب عنى والله اللى المفروض يغنى عنده برد ربنا يشفيه فا كان غصب عنى اسجلها بصوتى انا عارف انه مش حلو وى بس ان شاء الله اوعدك بحاجات ولله احلى من كدة بكتير وصوت اجمل من كدة بكتير على فكرة دة تسجيل موبايل من غير برامج اقل الامكانيات

كل اللى طلبه عايز تنقد براحتك بس نقد يفيدنى حاجة اطور بيها نفسى وزى ما قلتلكم اللى جاى احسن بكتير

شكر خاص للفنان الشاب الملحن/حسن عبد الفتاح

شكر خاص للمدونة/طموحة مملوحة

لانها ساعدتنى انى انزل الاغنية دى لانى ما كنتش عارف ازاى

اسمع بجد رأيك يهمنى جدا ويفرق معايا

بسم الله ابدأ
video

كلمات الاغنية

بص فى مرايته


بص فى مرايته لقى نفسه
وقال لنفسه كل الى حسه
وقال خلاص انه حيعترفلها
بأنه اول مرة شافها حبها

راح يجرى على بيتها
اول ما دخل حارتها
لقى انوار عندها

سأل الناس عنها
قالوا له انها
دى خطوبتها
وطيرة من فرحتها

وفى لحظة مش واعى لها
قرر يعمل زيها
راح متجوز واحدة مش بيحبها



وهو دلوقتى عايش حزين من وقتها

تحياتى

احمد الشاعر

89 comments:

نبراس العتمة said...

العزيز الشاعر

أعتقد أنك جئت بجديد، فقلما يطلع علينا مدون بصوته والأحلى أنه طلع بصوت غريد..حاول تجويده قدر الامكان

بالنسبة لي لا أستطيع أن أعطي ملاحظات جيدة فيما يخص اللحن أو الغناء..لكن بالنسبة للكلمات ومعانيها أقول لك أنها جميلة ومعبرة ومختلفة، فقط تحتاج أحيانا لملاءمتها مع اللحن حتى لا يكون المقام صعب ..
على العموم هي بداية مقبولة، لكن ان وجدت صوتا مستعد لتغريد قصائدك فأنت بالكلمة وهو بالغناء..
لا أدري لما أميل دائما غلى توزيع الأدوار..فالعمل الجماعي له نكهة مميزة
والشكر موصول لكل من ساعدك على اللحن ومن ساعدك ثقنيا
مودتي

نبراس العتمة said...

لأنه أول تعليق
أعود لأقول

أنه أول تعليق













مودتي

mohamed ghalia said...

جميلة ياشاعر
ربنا يسعدك

mohamed ghalia said...

جميلة ياشاعر
ربنا يسعدك

سمكه واحده said...

اذيك ياشاعر اخبارك ايه
انا الحمد الله بخير ربنا يكرمك يارب
متشكره علي سؤالك ربنا ما يحرمني من سؤالك ديما انت حد جميل واخ عزيز

بالنسبه لاغنيه هرجعلك تاني اصل الثانويه بنات وانا قلقانه فحبيت اطمنك وهرجعلك اسمع بمزاج
تحياتي يا شعرنا الجميل

ماما أمولة said...

ابني الغالي أحمد

صوتك حلو بجد

بس في حاجة مش مظبوطة يمكن اللحن مع وزن الكلمات

اسمعها انت تاني واكيد ها تظبطها

تقبل كلماتي

دمت بكل الخير

شيماء الجمال said...

أحمد الشاعر
كلماتك جميله جدا ومعبره وحلوه الفكره جدا وبما انك قارئ جيد للتاريخ ومحب له ايضا أسمح لى ان ادعوك لقرائه كتاب البوابه السوداء لأحمد رائف كتاب عن جد قيم جدا وثرى بمعلومات مهمه

اقدم عاصمه فى الحب said...

جميله اوى الاغنيه
بس انا سمعت مره خالى
بيقول ان الغنيه ليها تكوين واهم حاجه فيها المقام تقريبا الكوبليه الصغير اللى بيتكرر بعد كل كوبليه كبير
حسب ما انا عارف يعنى
بس سلم المجد بيبدأ بتكه واحده
ربنا يوفقك يا رب
تمنياتى لك بالنجاح انشاء الله
. .
. .
. .
. .
. .
. .
.
اسعدنى المرور من هنا
:)

قلم رصاص said...

السلام عليكم

رائع اخي الشاعر المميز

لك عندي رد مهم جدا في البوست الاخير عندي اللي عن الاستاذ هيكل

انتظر قرائتك ليه وردك

شكرا جزيلا

عاشقة الأحزان said...

السلام عليكم ورحمة الله وبركاته

اول مرور فى مدونة جميله ورقيقه ومش مجمله ابدآ

تقبل مرورى اخى الفاضل ويبقا الود بيننا الى الابد

وبجد كلمات الاغنيه جميله بس محتاجه شويه موازنة بالكلمات بس بدايه كويسه ققوووووى

تحياتى لحضرتك ومتشكره قووى لمرورك لمدونه اخى محمد
ويبقا التواصل

ايناس

ساره said...

احمد الشاعر الموهوب
صوتك جدا جميل
والشعر والكلمات ايضا رائعه
اللحن مناسب للكلمات بس حاسه انه يحتاج تضبيط شويه

غير كذا الله يوفقك
:)

أبو العريف said...

النت بيستهبل

ما اشتغلتش

بس عموما كلمات بسيطه

اتمني ان تتابع

وبافكار جديده


تحياتي

أحــوال الهـوي said...

تملك تبرة صوتيه جميله
اللحن غير ملائم لامكانيات صوتك في البدايه تلاحظ هذا وفي نصف الاغنيه الخير استقام الصوت مع الطبقة اللحنيه و من الممكن السبب قلة التدريب علي اللحن

علي الرغم من موهبة الملحن فهو يحتاج ان يطوع اللحن للكلمة و الامكانيات الصوتيه

ما اقوله اجتهاد هاوي له خبرة و المحاولة المتكررة سوف تثمر الانتاج المتكامل
اتمني الا يكون كلامي محبط و لكنني ارجو لك التقدم و علو الشان
فانت شاعر و ان احب الشعر و الموهبين

تحياتي

العصفورة said...

أ/ أحمد الشاعر
السلام عليكم
أشكرك لزيارتك وأتمنى التواصل
أعتقد أنك جئت بجديد، فقلما يطلع علينا مدون بصوته والأحلى أنه طلع بصوت غريد..حاول تجويده قدر الامكان

حياتى نغم said...

السلام عليكم / تحياتى لهذا الصوت وذلك النغم.
قصة الأغنية كتير حقيقيه وبتتكرر
ننتظر جديد النغم الطيب

عمرو said...

أزيك يا أحمد ؟؟
أهنيك الأول على أنك سمعتنا صوتك
حأقولك رأيى بصراحه
صوتك خامه كويسه مش سىء أبدا و اٍمكانياتك فى الوصول للجواب جيده بس محتاج دراسه و تدريب متواص و تطويع .. دراسه على يد متخصص علشان ما تفسدش خامة صوتك بالتنقل العشوائى ما بين الجواب و القرار و قرار القرار من غير ما يكون صوتك مستعد لده ..
بالنسبه للحن
اللحن جيد و الله و معبر و بيتماشى مع معنى الأغنيه .. طبعا مع التوزيع الجيد للحن بيظهر جماله و حلاوته أكتر ما نسمعه على الجيتار فقط
بالنسبه للكلمات
معلش المؤلف محتاج يدرس كويس اوى علم العروض علشان الوزن مينكسرش و يتعب الملحن و المغنى
و على فكره دى نقطه تحسب ليك أنك قدرت تحافظ على اٍيقاع الأغنيه رغم الوزن المكسور
مستنيين نسمع منك حاجه جديده و بجد برافو عليك
ربنا يوفقك

مصعب صلاح said...

السلام عليكم

جميلة يا شاعر والله

--
أنا ماليش ف الشعر أوي بس متذوق للشعر

اقبل مروري

الازهرى said...

هأقول رأيي وأنا عارف انك هتقبله

اولا انا ماعرفتش اسمع لان الكومبيوتر عندى بدائى جدا فى موضوع برامج الصوت ده وكانت النتيجة انه ما اشتغلش

انما بخصوص الاغنية احساسها جميلة لكن فى عدم توافق فى الكلمات وعلى حسب شغلى فى المسرح فدا بيخلى ان التلحين بيكون اصعب
حاول تقرأكلمات اغانى كتير وخصوصا اغانى المسرح لانه بتكون بسيطة وتلحينها فيه شىء م السهولةوبالتدريج كل شىء يببقى سهل

ঔღঔ نـــوارة ঔღঔ said...

جميييلة جدا

وصوتك جميل وفيه نبرة مميزة

عجبتني بجد

باتمنالك مستقبل باهر

تسلم ايييييدك

:)

سمكه واحده said...

شوف انا هرد علي التعليقات عشانك انت مخصوص
اولا
لانك ابن بلدي وبلديات
ثانيا بقي عشان نفس البرج القوس
ثالثا وده الاهم من كل ده انك شاعرنا انا بس الدنيا ملخبطه ومستنيه افوق حبتين وارد برحتي عشان مكولش عليكوا الحلاوه
بس قريب خالص هفضي وارد علي طول
بس قولي عاوز تشرب ايه بس ولا تاكل ايه بس
من عيني الجوز ومنخيري اللوز

سلوى said...

لسه شايفه التعليق
ربنا يخليك يارب ويحفظك وينجحك علميا وعمليا وشعريا :)
وغنائيا
حط تحتها خطوط كتير
أنا بخير الحمد لله
أشكرك جدا جدا جدا بجد

الكلمات حلوة والصوت كمان بجد ما شاء الله

اللحن بقى يعني انا ما أقدرش افتي
هسيب ده للمتخصص

جميل جديدك ربنا يوفقك
اللهم آمين
واشكرك بجد مرة تانيه

mahasen saber said...

الله الله الله

على جمال الفكره

وروعة الكلمات

واللحن تحفه تحفه

وصوتك مش وحش قوى وادائك ظريف

ايها الشاعر انطلق الاغنييه تجنن

mahasen saber said...

احمد بجد عجبتنى قوى قوى

بقلك ممكن اخدها على الموبايل اخليها رنة الموبايل

لو قلت اه هاخدها وهسمعها لاصحابى كلبهم

ولو قلت لا خلاص

اليى تقول عليه يعنى

برافو برافو برافو تحفهههههههههههههههه

انا فرحناللك قوى قوى قوى يا احمد

آفشنا حرامي said...

نحن فى انتظارك دوما

البداية بدات اليوم

ونتمنا نشر لينك هذه المدونة بين كل اصدقائك

وتقوم بوضع لينك المدونة على قائمة المدونات بمدونتك للتواصل الدائم

مع تحياتنا

آفشنا حرامى

العصفورة said...

السلام عليكم
ما شاء الله على حضرتك كلمات الأغنية رائعة
أتمنى لحضرتك التوفيق دائماً
خالص تقديرى

elsha3er said...

نبراس العتمة

اهلا بيك منور

بجد انا عارف ان النوع القصصى من الاغانى ما بيخدش حقه عشان كدة انا بوعدك بعد ديه بمستوى اعلى بكتير


تحياتى

احمد الشاعر

elsha3er said...

mohamed ghalia


اهلا بيك ويسعدك يارب يا محمد


لان انت فعلا اخ طيب وحد كويس


تحياتى

احمد الشاعر

elsha3er said...

سمكه واحده

اهلا بيكى

وربنا يخليكى يارب


تحياتى

احمد الشاعر

elsha3er said...

ماما امولة

اهلا بيكى منورانى والله انا عارف بس اكيد المرة الجاية احسن بكتير


تحياتى

احمد الشاعر

elsha3er said...

شيماء الجمال

اهلا بيكى

ان شاء الله ححاول اجيبه واشوفه

اتمنى ان نكون على تواصل

تحياتى

احمد الشاعر

elsha3er said...

اقدم عاصمه فى الحب

اهلا بيك انا فاهم قصدك وان شاء الله كل دة حتطوره

تحياتى

احمد الشاعر

elsha3er said...

قلم رصاص

اهلا بيك

انا رديت عليك

وان شاء الله نكون اصحاب

تحياتى

احمد الشاعر

elsha3er said...

عاشقة الأحزان

اهلا بحضرتك منورة

انا مرورى عند اى حد دة مش مجاملة منى كلنا محتاجين بعض عشان نعرف افكار بعض ونقدر نفيد بعض

تحياتى

احمد الشاعر

elsha3er said...

ساره

اهلا بيكى

ربنا يكرمك يارب المرة الجاية ستجدى ما يسرك

تحياتى

احمد الشاعر

elsha3er said...

أبو العريف

اهلا بيك

يكفينى تواجدك فقط


تحياتى

احمد الشاعر

elsha3er said...

أحــوال الهـوي

اهلا بحضرتك اولا انا بتمنى انك تعتبرنى اخ او صديق وهذا الاهم بالنسبة ليا

ثانيا فعلا احنا ما ادربناش كتير دة تسجيل اول مرة مع ضعف الامكانيات بانت العيوب

تحياتى

احمد الشاعر

elsha3er said...

العصفورة

ان شاء الله نكون متواصلين ولعل الله يجعل شبابك بداية التغير


تحياتى

احمد الشاعر

elsha3er said...

حياتى نغم

السلام عليكم

ربنا يكرمك يارب
واوعد بأفضل من ذالك


تحياتى

احمد الشاعر

elsha3er said...

عمرو

اهلا بحضرتك
منورنى انا مع حضرتك فعلا انا مش اكتر من هاوى ومش عايز اتعمق فى الموضوع لانه فعلا مش طموحى

بس اوعد حضرتك بمستوى اعلى المرة الجاية

تحياتى

احمد الشاعر

elsha3er said...

مصعب صلاح

اهلا بيك اخى العزيز شكرا جدا لمجاملتك الجميلة ربنا يكرمك

تحياتى

احمد الشاعر

elsha3er said...

الازهرى

اهلا بيك

انا طبعا حقبله انت ارائك كلها على راسى وان شاء الله حعمل بنصيحتك واوعدك بشء فضل

تحياتى

احمد الشاعر

elsha3er said...

ঔღঔ نـــوارة ঔღঔ

اهلا بيكى

تسلميلى يارب وشكرا على المجاملة اللطيفة دى

تحياتى

احمد الشاعر

elsha3er said...

سمكه واحده


اهلا بيكى

ولله انا اول مرة اعرف انك بلدياتى من اهل اسكندرية وكمان نفس البرج يا محاسن لصدف

اللى يجى منك كويس

تحياتى

احمد الشاعر

elsha3er said...

سلوى

سلوى اولا ما فيش شكر على واجب بين الاخوات

ثانيا ربنا يكرمك

وشكرا اوى على المجاملة الجميلة دى

تحياتى

احمد الشاعر

elsha3er said...

mahasen saber

اهلا بيكى اختى الحبيبة

والله انا حاسس انك عطيانى اكتر من حقى اوى ربنا يخليكى ليا يارب انتى مش تخديها وبس انتى تكتبيها بأسمك لو حبيتى ودة يبقى شرف ليا انا طبعا

تانى مرة شكرا اوى على المجاملة الجميلة دى

تحياتى

احمد الشاعر

elsha3er said...

آفشنا حرامي


ان شاء الله نكون على تواصل

تحياتى

احمد الشاعر

elsha3er said...

العصفورة

اهلا بيكى

ان شاء الله التوفيق لكل منا

تحياتى

احمد الشاعر

elsha3er said...

احمد الشاعر

بجد شكرا ليكم كلكم يا جماعة ربى ما يحرمنى منكم كلكم

blue-wave said...

حلوة يابوحميد
بس لسه عندك الأحسن

ريمان said...

ازيك يا شاعر



كلمات الاغنيه معبره جدا


وبتحكى قصه بتحصل كتير اوى


بجد مؤثره


تحياتى ليك

الى الامام دائما

واحد يعرفك said...

انت لازم تشيل الصورة دى



انت خدعتنى


اغنية مكررة


تقبل مرورى

موناليزا said...

اول الاغنية فكرتنى بكليب ايهاب توفيق ملهمش فى الطيب
بس النهاية جديدة وغير متوقعة
اللحن بقى من وجهة نظرى حساه مألوف اوى

جوجو said...

السلام عليكم

الله يا احمد الاغنية جميلة جدا وقصتها حلوة قوى

انا اسفة على التاْخير طبعا

تحياتى

كتكوته said...

حزينه اوي
ابتديتها بإبتسامه وفي اخرها حزن عميق
لكن عجبتني اوي فكرتها
تحياتي ليك

فكرة من الزمن ده said...

الشاعر الفنان الحقيقي
جيت اسلم
وقريت الكلمات عجبتني
لكن لسة لما اسمع كمان اجي اقول رايي
تحياتي
ومن ابداع ه لنجاح

shemo said...

السلام عليكم.......
ازيك يا شاعر.....حلوة اووووى فكرة انك تنزل حاجة بصوتك على المدونة .......معلش بقالى كتير مجتش هنا بس وعد حاجة كتير ان شاء الله .........بس بجد الكلمات حلوة وما شاء الله صوتك روعة ربنا يوفقك ويكرمك.....دومت بخير ...فى رعاية الله.
shemo

عابرة said...

لأول مره بسمع كلام مدونه ودي حاجة جميلة لانها بصوتك وكمان صوتك بيجنن متئلش عنه وحش
مع انه الاغنية حزينة بس كلماتها جميلة جدا واكتر من كدة انه على ما اتوقع معزوفة بالجيتار ده الي محليها اكتر

سلام ومع تحياتي وسمعنا صوتك اكتر
عابرة

ندا منير said...

مبروك يا احمد على الخطوة دى

بس انت ناوى تغنى ولا ايه ولا تكتب اغانى وبس

وبالنسبة لكلمات الاغنية فانا مش ناقدة فى المجال دا مقدرش افيدك قوى

لكن انا شايفة ان الكلمات حلوة قوى

magi said...

عجبتنى الاغنيه الكلام هايل ومقدمه اللحن روعه
وصوتك جميل جدا مقارنه انك مسجله بالموبايل ومن تجربه الموبايل بيوحش الصوت بدرجه مش قليله
مدونه جميله

MaNoOoSh said...

الكلمات حلوة قوي

للأسف معرفتش اسمع الصوت لبطء اتصال الانترنت اللعييييييين


اسعدني المرور هنا يا شاعر وان شاء الله دوام الزيارة

شمس النهار said...

ازيك
ايه الجمال ده الكلمات جميله
جدا
بس الاغنيه مااشتغلتش
ليه مش عارفه
انا عارفه اني مقصره بس غصب عني
مافيش وقت خالص
بس علي قد مااقدر بحاول اتابع

EMMY BABY said...

الشاعر

والله بجد صوتك حلو اوى بس هى الفكرة ان فى كلمات طويلة بالنسبة للحن فده اللى بيخلى فى اجزاء مش مظبوطة

بس بجد والله الصوت جميل

وبالنسبة للكلمات بجد موقف صعب اوى بس هو بتسرعه ده ظلم قلب اللى اجوزها علشان ينتقم من واحدة متستاهلشى

تحياتى

ايمى

ريمان ونوسه فى هاكونا مطاطا said...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

clownlover said...

قريت الكلمات بس لسه مسمعتش اللحن
بس الكلمات مؤثرة جدا
انا جديد على عالم التدوين
ارجو زيارتي

كيــــــــــــارا said...

جميله اوي وكلامها جميل

كراكيب said...

الكلمات حلوة يا شاعر
انا اه معرفتش اسمعها علشان الكمبيوتر حاليا في اوضة ماما وبابا
والوالد نايم فمش عارفة اسمعها
بس اكيد هدخل تاني اسمعها ان شاء الله

مستنية جدبدك يا شاعر
ما تتأخرش
اشطة؟

miro el niro kwaniroo

rovy said...

السلام عليكم

جميله كلمات الاغنيه و ايضا فكرتها جميله و مؤثره ..

تحياتى

نهــــــــــار said...

السلام عليكم...
قرأت الكلمات لطيفه
وبالفعل كثيرا ما تحدث...

....
أتمنى ان تكون بخير حال

ABOALI said...

الكلمات اكيد تعتبر قصة فى ابيات صغيرة
وتحتاج الى بعض التعديل علشان تكون قابلة للغناء كغناء

الصوت اكيد واعد ولكن اللحن المفروض بيخدم على صوتك والحقيقة هنا لم يخدم

النفس الطويل مطلوب اثناء الغناء حتى لا يكون هناك ذبذبه فى الصوت


بس التجربه فى حد ذاتها جيده ومحاولة ان شاء الله تعقبها محاولات
اكثر توفيقا واتقانا


خالص تقديرى

Angel said...


أحمد الشاعر

حركت أشجاناً لطالما تسرب إليها ماء الحب النقي العذب..

شهيةٌ هي حروفك الماسية الواقعية
أيضاً

هو أنا مكنتش عايزه اغيب اغيب وارجع اقول نقد وكده
بس أنت اللي طلبت
بالنسبة للكلمات جميلة وواقعية
وتقدر تقول إنها متشابهه مع كلمات الأغاني الحالية ليس من جهة تشابه الكلمات إنما من جهة السير على نهج تأليف الكلمات التي تعبر عن الذات
المهم
إن الكلمات حلوة بس بردو محتاجة تعديل وإضافات عشان الحبكة الفنية
للحدث
أما اللحن بصراحة غير متوافق نهائي
يعني الكلمات محتاجة لحن تاني عشان تتغنى بشكل نغمي أكتر

إنما طبعا صوتك
جميل كان في رعشة بسيطة في بداية التسجيل
بس حلو بجد في نبرة معينة زي نبرة فنان معين
(:
مش هنقول اسمه

وطبعا مع تعديلات الصوت والتدريب
هيكون أفضل وأفضل

وبالتوفيق يا أحمد
وأتمنى أكون مقولتش أي كلام يزعل

تقبل مروري المتواضع
بعد طول غياب

وتسلم إيدك وصوتك
وشكراً لكل اللي ساعدوك

╗╦═════════════╦╔
█▓▒░◄(Angel Love)►░▒▓█
╝╩═════════════╩╚

dina said...

طب و الله حلوة جدا و واقعية اوى كمان....الموقف دا بيتكرر كتييييير جدا.....واحد يقرر يعند فياخد قرار يبوظ باقى حياته و اللحن كمان حلو اوى
و الاجمل ان فى موضوع مش كلام و خلاص
تحياتى

اقصوصه said...

للاسف ما اسمع اغاني

بس قريت الكلمات

وعجبتني جدا :)

مختار الجندى said...

صوتك رائع جدا يا أحمد
كمان اللحن جميل خالص

أختكم فى الله said...

جميلة جدا جدا

Anonymous said...

صوتك
.............
فظييييييييع
انت ازاى سامح لنفسك تغنى
:D:D:D
ههههههههههه
ازيك يا احمد
ماشاء الله الله اكبر
صوتك حلو بجد
والحن كمان جميل
والاغنيه كلماتها حلوة
وصعبه
بس بجد
حلوة
ومبرووووووووووووووك يا عم يا عم على النجاح
ياله
سلاااااامات
نيرة

shirry said...

واضح ان الواحد لما بيبقي في موقف معين وبدون اي مقدمات يلاقي ناس كتير في نفس الموقف
شئ غريب
هو مش نفس الموقف اوي يعني
بس بجد الكلمات عجبتني جدا
بسيطة ومعبرة
في انتظار المزيد

yoyo said...

صباحك سكر يا شاعر

اولا انا احب اشكرك لزيارتك مدونتى اللى من خلالها قدرت اعرف مدونتك الجميلة

صوتك مش وحش زى ماقلت يعنى بالعكس فيه احساسه حلو وطريقتك جميلة اوى
كمان اللحن كان كويس بس الكلمات محتاجة ترتيب عشان الوزن والقافية

سعيدة بمعرفة مدونتك جدا وان شاء الله يكون بينا تواصل
تقبل مرورى واحترامى
تحياتى
يويو

حسن حنفى said...

جميله بسم الله ماشاء الله

وان شاء الله من احسن لاحسن

سومه...مجنونه فى بلد عاقل said...

لا حلوه حلوه صحيح يعنى هو الخلق طالعه فى موضوه جوازه والسلام ليه اليومين دول كل دا عشان الجواز شاحح فى السوق
بس انت معاك حق الانسان اما بيفقد اول حب مبتفرقش معاه اى حاجه بعدها يعنى كله بيبقى واحد

ريمان ونوسه فى هاكونا مطاطا said...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

Anonymous said...

يا جماعة انت متشكر جدا للى قال ان اللحن وحش قبل الى قال انة حلو عشان دة بيخلينى اغير من فهمى بردة لبعض الاشياء فى الجيتار
وانا عايزكم بردة تعزرونى عشان انا الى حد ما لسة مبتدأ فى الجيتار والله انا ببزل اقصى جهدى عشان ارفع من مستوايا
وعلى كل حال انا بشكركمجميعا وبشكر اخويا (احمد الشاعر )على مجهوده معايا ومجهودة فى انشاء المدونة دى والاستمرار
عليهاوالاتيان دأما بجديد
وشكرا الاهتمامكم

elsha3er said...

blue-wave

اسعدنى مرورك ان شاء الله


تحيتى

احمد الشاعر

elsha3er said...

ريمان

اهلا بيكى

شكرا لاهتمامك


تحياتى

احمد الشاعر

elsha3er said...

واحد يعرفك

اوك حطور من نفسى

القانون لا يحمى المغفلين


تحياتى

حمد الشاعر

elsha3er said...

موناليزا

اهلا بيكى
ان شاء الله اللى جاى يعجبك اكتر


تحياتى

احمد الشاعر

elsha3er said...

جوجو

اهلا بيكى

الحمد لله انها عجبتك

تحياتى

احمد الشاعر

elsha3er said...

كتكوته

اهلا بيكى

الحمد لله انها عجبتك

اوعدك بأحسن من كدة كمان

تحياتى

احمد الشاعر

elsha3er said...

فكرة من الزمن ده

اهلا بيكى وربنا يكرمك

تحياتى

احمد الشاعر

elsha3er said...

shemo

الحمد لله انها عجبتك

تحياتى

احمد الشاعر