Saturday, February 28, 2009


السلام عليكم اخوانى واخواتى المدونين الحمد لله التدوين ما بقاش بس صفحة لتفريغ الطاقات فيها بلعكس اصبح تداول افكار بين الكل اصبح بيوصف حضارات الشعوب واختلافها وتنقلها التدوين اصبح انا وانت وانتى وابوك وابويا وامى وامك ............الخ

فعشان كدة عايزين نعمل حاجة حلوة فكرة كان نفسى احققها من زمان بس كنت مستنى اتابع المدونين واشوف الفرصة المناسبة

الفكرة عبارة عن اننا كلنا نعمل حزب نسميه حزب المدونين وطبعا ما فيش حزب من غير جريدة فحتبقى حزب وجريدة المدونين وحتبقى عبارة عن مدونة حيبقى ليها كتابها الخواص بس كلنا مشتركين معاهم بالفكر ويمكن ربنا يكرمنا ونصبح لينا مكان خارجى خارج نطاق التدوين ويبقى لينا نشاطتنا بس دة حيعتمد عليكم كلكم ازاى ننشرها ونرتقى بيها وكدة

اما الناس اللى ممكن تفيدنا فى الجريدة

1 محاسن صابر/ من مصر الشرقية انسانة ذات موهبه وخبرة ممتازة ممكن تعمل باب كامل لوحدها عن اللى شفته فى المحاكم الشارع الناس مواقف من الحياة

2 اكون او لا اكون/ من العراق الشامخة انسانة اشعر بها ذات كتابة واسلوب مختلف وعندها موضوعية

3 طموحة مملوحة/ من الكويت الحرة اضافة للجريدة ككونها جيولوجية ولها صلة بعلم الحشرات والارض بالاضافة الى انها رسامة كاريكاتير

4 سارة نجاتى / من مصر الاسكندرية ووالله مش عشان بلدياتى بس عشان انها انسانة بتفهم وحتضيف كما انها لها وجهة نظر خاصة كفاية انها شايفانى مجنون فى احسن من كدة

5 دكتور عمرو فاروق/ الشعر الرومانسى والحب هو متميز جدا فى كدة

للمدونين الحق فى القبول او الرفض فى العناصر المطروحة فا الامر شورى بيننا

اما عن الشعر السياسى ووصف الاحوال اختارو شاعر يكون كويس عشان محدش يقول ان انا صاحب مصلحة خاصة

بس انا كل اللى طلبه الاعتراف بملكية الفكرة ودة ابسط حقوقى ان وافقتم

ويارب تنال اعجابكم ولو تمت الموافقة من المدونين سنختار ابواب الجريدة وبقية المدونين ذوات المواهب

ودة حيبقى بالترشيح ثم الاختيار

تحياتى للجميع


احمد الشاعر


www.elsha3er1.blogspot.com

59 comments:

مـجـنـووون said...

والله فكرة جميلة

بس عايزه رجاله

وبعتقد بعد الي حصلي مع الفكرة بتعتي أن الرجالة ماتت في الحرب

وربنا يوفقك
تقبل مروري
مجنووون

elsha3er said...

مجنون

اهلا بيك الرجالة موجودة واحنا كلنا اكيد محتاجينك ومحتاجين مهنتك عشان تنبهنا
او يعنى تبقى محامى الحزب


وان شاء الله ربنا يوفقنا معا

تحياتى

احمد الشاعر

كيــــــــــــارا said...

هتتقابل بهجوم زي ماحصل في الوثيقه

elsha3er said...

كيارا

اهلا بيكى المهم ان انتم توافقو اما حكاية الهجوم دى انا متحمل مسئوليتها وان شاء الله اعرف احلها بس انا عايز اعرف انتم معايا ولا

تحياتى

احمد الشاعر

كيــــــــــــارا said...

انشاء جريده محتاج تراخيص مش سهل وكمان الحزب يعني اجاءات وامن دوله ونظام

شوفوا الاجاراءات ايه هي الاول الموضوع مش سهل يااحمد

كيــــــــــــارا said...

الفكره حلوه طبعا اننا يكون لينا كيان وان يكون فيه جريده نكتب فيها ويبقي اللي بنكتبه بيقراه المدونين والناس العاديه الفكره كويسه جدا انا بتكلم في اللي بعد كدا والاجراءااااات

كيــــــــــــارا said...

اممممممممم مش عارفه نشوف ايي الناس الاول مع اني عارفه رايهم مسبقا

نشوف الناس هتقول ايه

عابرة said...

فكرة جميلة جدا
رح ساعدكم قد ما بقدر
وطبعا نحن ما لنا غنا عن شعرك السياسي نازم تكون انت الشاعر السياسي الخاص بالمجله
بما انك سياسي اوي

عابرة said...

كيارا نحن بالبداية هيتم انشاء مجلة على النت يعني زي ما انشأت مدونتك مننشأ المجله بالمجان وبعدين بس تكبر ويصير ليها صوت كتير مسموع هيتم انشائها على ارض الواقع
انا كدا بتوقع بس اذا في فكره تاني مو مشكله

سارة نجاتى said...

هههههههههه

ليه بس كده ؟؟ أنا عمرى قلت عليك مجنون ؟؟

و لو أنى بالمناسبة أحب أقول على نفسى مجنونة و بقول ع اللى بحبهم مجانين
أصل ازاى تحتفظ بعقلك فى عالم زى ده ؟؟

أولا بشكرك جدا جدا على كلامك ده و أنك ذكرتنى مع الناس الحلوة دى

أنا متفقة مع شىء و أختلف مع أخر

أتفق على اقامة جريدة يكتب فيها المدونين

و اختف مع فكرة تكوين حزب ,أو حتى رابطة أو جماعة
مش عشان احنا فى بلد ديموقراطى لأ
عشان أنا رأيى فى التدوين أنه يعتمد على الفردية ثم الفردية ثم الفردية
و التعامل مع المدونين كهيكل على بعضه ضر التدوين أكتر من ما فاده
أنا حتى علقت ع الموضوع ده من زمان فى بوست عندى مش عارفة قرأته و لا لأ:

"البعض يتعامل مع المدونين على أنهم جماعة أو حزب السياسى , مع أن الرائع فى التدوين الفردية التى لا تتحقق الا فى الجماعة , و ليست الجماعة التى يحقق بها الفرد فرديته ".


ده غير ان احنا توجهاتنا و افكارنا بتختلف
لكن لو على موضوع المجلة فانا معاكو طبعا

شكرا كتير يا أحمد يا بلديات هههههههه

EMMY BABY said...

معتقدشى انها هتلاقى نجاح بسبب ان مفيش حد هيبقى مستعد يصمد لحد ما الفكرة تنجح وده اللى حصل فى وثيقة المدونين

بس والله هى فكرة جميلة وهتبقى جامدة لو اتنفذت

تحياتى

ايمى

elsha3er said...

يا جماعة انا بس اللى طلبه دلوقتى ان انتم تنسو تجربة الوثيقة دى ومهاجمتها

اما عن الاجرائات زى ما عابرة قالت بالظبط هى حتبقى فى البداية مجرد مدونة فهى مجانية وبلا مسائلة قانونية

اما عن كلام سارة والتجمع وكدة ياسارة انتى فرديتك فى مدونتك مافيش مشكلة اما عن لفظ الحزب هو مش اكتر من تجمع فى جريدة لكل المدونين لها كتابها الخواص وبكدة فا فكرة الجريدة هى الاقوى اما الحزب ليس اكثر من مسمى وبكدة يبقى اللى انتى قصدتيه فى الفردية موجود وما فيش مشاكل

وطالما الفكرة لها حتى الان قبول

فياريت ننسى شوية حكاية الوثيقة دى حتى الفترة المقبلة لا اكثر

اما عن انها تنجح او تفشل فا دة سبوه على ربنا وعليا ياجماعة انا بحلم بدة بقالى كتير وعمله خطة ان شاء الله

بس انتو كونوا معى انا محتاجم جنبى بجد نفسى تكونوا فى ضهرى وان شاءالله حتنجح

وححاول ارضى كل الاطراف

تحياتى

ايها الاخوة

بجد احنا اسرة تانية تستحق التجمع


احمد الشاعر

elsha3er said...

صحيح فى بس حاجة صغيرة اخواننا المغاربة فعلو هذا بالفعل واحنا مش اقل منهم بس الفرق انهم حسوا انهم فعلا اسرة تستحق التجمع والنظر فى مشاكلهم وقضاياهم

وان شاء الله تبقى فى مصر على ايدينا

ياجماعة والدليل على انها ليس حزب بمعنى الكلمة وانها لا اكثر من مسمى على الاقل فى المرحلة الحالية

هو ان معانا ناس من الكويت والعراق

ومافيش حزب بيضم ناس من خارج دولتها

تحياتى

وتذكروا دائما اننا اسرة تستحق التجمع



احمد الشاعر

طموحة مملوحة said...

يشرفني بحق أن أشارككم ... وأشكرك أخي أحمد كل الشكر على البادرة الطيبة هذه .. عسى ان توحدنا نحو الكلمة الصادقة والهدف السامي يارب ..

أشكرك وسأكون دائما موجودة لأجل الجميع ..

أشكرك مرة أخرى :)

أكون أو لا أكون said...

السلام عليكم...
كيف حالك احمد...
الفكره رائعه... وإنا من كام يوم كنت اتكلم مع أحد الأصدقاء عن نية عمل مشروع مجله بعد إنهاء دراستي إن شاء الله...
وفكرتك الرائعه ستعطيني خبره في العمل مع فريق من الكتاب والفنانين وهذا هو الأهم و هو الطريق الأمثل لكسب الخبره من خلال لعمل كفريق...

ياريت والله... مع أني أعرف أن المشروع سيحتاج إلي جهد وعمل شاق وتنسيق...

أشكرك لترشيحك لي من بين هؤلاء المدونون الرائعون الذين ذكرت... ومجرد ذكرك لإسم مدونتي اعتبره تكريم لي ولمدونتي من شخص أحترمه... وأحترمه كتاباته وفكره...

معكم إن شاء الله...

أكون أو لا أكون said...

http://www.petitiononline.com/ttwpdi/petition.html

هذه عريضه تفكيك اسرائيل... ياريت توقع جزاك الله خيرا...
ولا تحسب أنها غير مجديه... ولا تحسب أن صوتك لن يغير شيئاً...
سيغير الكثير... طالما أننا عازمين على التغيير.... وبكل الوسائل.

elsha3er said...

طموحة مملوحة

اهلا بيكى انا بذالك لا اوافيكى حقك فأنتى فعلا شخصية مجتهدة ومتميزة

كما قلتى انك مثل الكوارتز

يشرفنى وجودك معنا
وارجو ان تقفى بجانبى حتى النهاية مهما واجهنا من مهاجمات


تحياتى

احمد الشاعر

elsha3er said...

اكون او لا اكون

اولا ان شاء الله تستفادى من الفكرة وربنا يوفقك ان شاء الله

ثانيا انتى بجد شخصية مختلفة فى كتاباتك لها رونقا لم اقرأ مثله من الموضوعات انكى حقا شخصية تستحقى التقدير

كما ان وجودك معنا تكريم لنا نحن يا بنت العراق الشامخة وكم ربى يعلم كم احترمك واحترم فكرك وقلمك

ان شاء الله رايح اوقع


احمد الشاعر

elsha3er said...

الحمد لله ياجماعة حتى الان مافيش هجوم وموجود اقبال اقفوا معايا بقى وعايز الافكار تنزل عليا وحناقش كل الافكار فى مرحلة تالية


احمد الشاعر

حسن حنفى said...

ربنا معاك :d

mahasen saber said...

صباح الخير يا شاعر اولا انا امبارح مدخلتش نت خالص
ولسه اهه داخله الصبح فعشان كده بقول صباح الخير

اما بئه هيا دى الفكره

لو حزب اسمحلى ااقولك رحنا فى داهيه وانا بخطط بس اربى الواد اليى حيلتى واسدلى ثغره كده فى قانون الاسره

انما لو جريده ليه لا

وبخلاف ده كله اى خدمه تحتاجها منى قلى بس وهتشوف النداله على اصولها

بهزر على الصبح بئه

لا لو احتجت حاجه كتابتا او اى شئ انا تحت امرك بس بلاش احزاب ربنا يصلح حالك ههههههههههههه

mahasen saber said...

اما بئه الكلام الجميل اليى قلته عليا وعلى كونتى اليى هيا اكون او لا اكون يعنى بس ده دلعى ليها

فالفمليون شكر ده بس من ذوقك وشاعريتك

الازهرى said...

الفكرة جميلة جدا
وانا معاك فيها ان شاء الله

اما بصوص الرجالة ماتت فى لحرب
فبيقولو
اللى خلف ما ماتش

تحياتى دوما

الازهرى said...

كنت هأنسى
حاول تاخد رأيى
مدونى قبل الطوفان وميامسا وصباح الفل لأنهم من ذوى الخبرة والثقة فى مثل تلك الأمور ولو وافقوا على لفكرة أو انضموا لها أكيد يبقى نصر كبير

تلاقيهم عندى فى الفارس الأخير

elsha3er said...

حسن حنفى

اية يا حسن دة انا بقول عليك اخويا الصغير قول ربنا معانا كلنا انا مش بعمل دة عشانى وربنا معانا

تحياتى

احمد الشاعر

elsha3er said...

mahasen saber

اهلا بيكى لسة صحية بقى وفايقة علينا ماشى ياستى وبعدين انا عايزه حزب ليه عشان اى حاجة تحصل نقول محاسن هى رئيسة الحزب وعايزة تعمل انقلاب على الحكم

ندالة بندالة
ههههههههه

لا لا حكاية الحزب دة موضوع تانى تقدرى تعتبريها جريدة بس لان مافيش حزب بيضم جنسيات اخرى خارج بلدة واحنا معانا من الكويت والعراق

اما بقى الكلام اللى قولته فوالله انتم حققم اكتر من كدة بكتيرررررررررررر



تحياتى

احمد الشاعر

elsha3er said...

الازهرى

اهلا بيك واسعدنى كلامك فعلا وفعلا اللى خلف ما متش

وحسألهم بس خطوة خطوة عشان ما لقيش هجوم عليا

تحياتى

احمد الشاعر

حررروف said...

خدوني معاكم يابلدياتي اخترناك اخترناك
خمسة جد بئا بجد فكرة حلوة جدا جدا
ومؤيداها جدا جدا

princess said...

انا جيت اسلم
هاااااااااااى

blue-wave said...

والله فكرة حلوة يابوحميد
وانا عن نفسى موافق

سمكه واحده said...

طب وانا انا فين دورييييي
لالالا عيب اوي كده عليك تنساني ليه بالله عليك انا هعمل ايه ومشيت خلاص ومقلتليش!
لابجد بقي
اولا ربنا يخليك يارب وميحرمناش من سؤالك علينا ديما وشكرا علي اهتمامك وذوقك انا الحمد الله بقيت تمام منتا بردو بلديتنا
لا وكمان نفس البرج
ثانيا
فكره تحفه وجميله جدااا
وانا هنسب الفكره ليا وابقي اتكلم بقه ههههه
لا ياعم متخفش بس ياريت تتنفذ ياريت
انا معااااااااك واهطلع من المود اهو عشان افوقلك
ربنا يوفقك وكلنا معاك ان شاء الله
دمت بكل ود

فتافيت said...

الفكرة حلوة جدا بتاعة المجلة او الجريدة الالكترونية
ام موضوع الحزب ده صعب جدا
التدوين اصلا من الاول هو عمل فردي يلقى استحسان جماعة
غير ان حزب.. صعب اوي لان فيه مدونين متميزين لكنهم في نظر الحكومة خطر على الامن القومي
انت لما تحط رد عندهم تعدي عادي
لكن لما يبقوا فرد في جماعة انت فيها
كده انت روحت في داهية رسمي

انا بشوف ان قليل مستمر احسن بكتر من كتير ممكن يتقطع في ثانية

حلوة الجريدة جدا
وارفض الحزب

وده طبعا راي الشخصي
اتمنى انك تقبله

دينا حامد said...

والله الفكرة حلوة يا احمد بس عايزة وقت وشغل
ربنا يوفقك وتقدر تكملها للاخر وتلاقي النجاح اللي تستحقه

تحياتي

شمس النهار said...

بصراحه فكره لطيفه خالص بس يارب تتعمل صح ومايطلعش حد يرخم عليكم وتتراجعوا عن الفكره دي
واضم صوتي لصوت مجنون

طموحة مملوحة said...

اخي العزيز أحمد


لست من النوع الذي يخاف من التهديد او المشاكل مادام قلمي يقول الحق :)

PrInCeSS BeRy said...

فكرة جميلة يا شاعر يا جميل ربنا معاكوا فى الفكرة الجامدة ان شاء الله تبقة فكرة حلوة اوى وتتنفذ بشكل جميل

elsha3er said...

حررروف

اهلا بيك او بيكى

بس سيب اللينك عشان نقدر نتابع بعضنا عشان مش عارف ادخل على المدونة


تحياتى

احمد الشاعر

elsha3er said...

princess

الله يسلمك تسلميلى ياغالية


تحياتى

احمد الشاعر

elsha3er said...

blue-wave

اخويا الكبير اهلا بيك الحمد لله انها عجبتك ويشرف الكل وجودك معنا


تحياتى

احمد الشاعر

elsha3er said...

سمكه واحده


اهلا بيكى انتى معانا وكلنا دورنا واحد وفى فكرة حتخلى الكل يكتب فى الجريدة فما صبرك الا بالله بس الصبر

واما عن السؤال فا دة اقل حاجة بين الاخوات واكيد انا لو كنت غبت كنتى حتعملى كدة وحتسألى

وانا بالظبط هو دة اللى عايزه تفوقيلى


تحياتى


احمد الشاعر

elsha3er said...

فتافيت

ماشى انا موافقك اقنعتينى مع انى رافض مبدأ الجبن من الحكومة بس لو ما كنتش خايف على نفسى يبقى عليكم انتم كلكم اخواتى اوك بلاش حاليا مسألة حزب الا للضرورة القصوى

تبقى جريدة بس

بس المهم انكم معايا


تحياتى


احمد الشاعر

elsha3er said...

شمس النهار

اهلا بيكى

الحمد لله ان الفكرة عجبتك وان شاء الله فى حاجتين ممكن نعملهم ونتجنب المهاجمات والاراء الفاسدة بس كله بالصبر


تحياتى

احمد الشاعر

elsha3er said...

دينا حامد

اهلا بيكى بس بلاش صيغة المفرد طالما الفكرة لاقية قبول بينا يبقى الكل معايا وربنا يوفقنا كلنا

تحياتى


احمد الشاعر

elsha3er said...

طموحة مملوحة

اهلا بيكى انا عارف انك شخصية يعتمد عليها بجد ووالله انا ثقتى فيكى كبيرة جدا


تحياتى


احمد الشاعر

elsha3er said...

PrInCeSS BeRy


اهلا بيكى

الحمد لله ان الفكرة عجبتك

وان شاء الله ربنا معانا كلنا ويوفقنا

وعلى فكرة اكيد حنحتاجك وليكى دور معانا شدى حيلك

تحياتى

احمد الشاعر

كيــــــــــــارا said...

هقبل اكيد مش اقدر اكسفك خاااااااااااالث

mahasen saber said...

طب يعنى لسه مصر على الحزب

طب ينفع اشجع من بعيد ههههههههههه

لا لا الفكره اخبارها ايه
الجريده مش الحزب فاهمنى طبعا قال حزب قال نسميه رابطه طيب اهه حتى الاسم ده خفيف على القلب كده

mohamed ghalia said...

حبيب قلبى الشاعر
تقدر تاخد ايميلى من البروفيل
تحت أمرك

رؤية said...

انا شايفة انها فكرة جميلة، وبالعكس ما اظنش انها هاتلاقى هجوم ولا حاجة
واللى هايعملها صدى ..مضمونها وجودة اخراجها

اشكرك على الفكرة
تحياتى لك

هى فوضى said...

السلام عليكم
فكره جميلة جدااااااااااااااااااااااا
ازيك يااحمد
ولله مش عرف اعمل ايه عندى احتلال فى الكمبيوتر
مش بعرف اعد على الجهاز كترلازم انزل العزاء لان دول ناس مهمه عندى

fashkool said...

ازيك يا شاعر
والله هى فكره حلوه
بس لو اخترتونى .. انا ما بحبش الانتخاب
بحب افرض نفسى بالقوه المسلحه وفوق صهوة دبابه
بس اعرفك انى حاكون دكتاتور
وحابوظ الدنيا
وما حدش حيقدر يقولى لأ ابدا
واللى يقول لأ حادخله السجن
وحاجات كتير .. مستبد ودكتاتور .. ولو حبيت ممكن اسرقكم كلكم
ايه رأييييييييك؟

عاشقه الرومانسيه said...

الفكره حلوه
بس حبايبنا الحلوين قصدى الرخمين
هيقفولك فيها
وزى كيارا ماقالت المسئله مش سهله وعايزه تراخيص واجراءات معقده
وانت بقى عارف اننا بلد بتعشق الروتين
ربنا معاك

elsha3er said...

كيــــــــــــارا


شكرا ربنا يخليكى


تحياتى


احمد الشاعر

elsha3er said...

mahasen saber


اوك يا محاسن جريدة بس من غير حزب ونخليها رابطة عشان خاطرك


احمد الشاعر

elsha3er said...

mohamed ghalia

علم وسينفذ


تحياتى

احمد الشاعر

elsha3er said...

رؤية

الحمد لله انها عجبتك ويارب تعدى على خير وان شاء الله ليكى دور معانا


تحياتى


احمد الشاعر

elsha3er said...

هى فوضى

الحمد لله انها عجبتك

ممكن كمان عشان تعرفى تقعدى على الجهاز نعمل مقاومة المدونين ونجيلك مسلحين

دة الواجب برده انا بس كنت بهزر


تحياتى


احمد الشاعر

elsha3er said...

fashkool


ياة لا ياعم احنى قادرين على الديكتاتور اللى برة لما حنجيب واحد فى التدوين اوعدك ان ليك دور من غير قوة مسلحة ولا دبابات

تحياتى


احمد الشاعر

elsha3er said...

عاشقه الرومانسيه

الحمد لله ان الفكرة عجباكى سيبك من الناس الرخمين دى مسئوليتى ومافيش اجرائات ولا حاجة دى مدونة الكترونية يعنى عادى


تحياتى


احمد الشاعر