Saturday, November 27, 2010

أنا مغتصب

غدا أما معتقلا او مقتولا أو مضروبا
فى كل الحالات اسألكم الدعاء
فما للظالمين من نصير






أنا مغتصب
ومش مكسوف
أنى أقول
أنا مغتصب
أنا مغتصب
من يوم
ما هو أنتصب
أنا مغتصب
ولو حتسأل
ع السبب
حقولك مافيه العجب
أنا مغتصب
من يوم ما غازنا
راح للعدو بالتراب
وليا أنا بعه
وبسعر الدهب
أنا مغتصب
من يوم ما أصبح
الرغيف تجيبه
بالموت والتعب
وأنا مغتصب
من يوم ما باعوا
أرضى بالبريزة والريال
وأنا ماليش متوى
أو حتى ترب
وأنا مغتصب
من يوم ما قتلوا
حلمى وداسوا شعرى
وأصبح هباء من كتب
وأنا مغتصب
من يوم ما طلبت حقى
وسمو دة عجرفة وشغب
وأنا مغتصب
من يوم ما ضاعت
هيبتى بين
العجم والعرب
وأنا مغتصب
من يوم ما أصبح
أسم مصرى
أشبه بعدوى أو جرب
وأنا مغتصب
ودى الحقيقة
ومش مكسوف
أنى أقولها
أنــــــــــــــــــــــــــــــــــــــــــــــــــــــــــــــــــــــــــا مغتصــــــــــــــــــــــــــــــــــــــــــــــــــــــــــــــــــــــــــــب

5 comments:

شمس النهار said...

قوييييييييه جداااااااا

ماشاء الله عليك ياشاعر

وربنا معاك بكره

ربنا يستر علي مصر بكره

الاشاعات ماليه البلد

ربنا يحمي مصر من كل غبي يحاول يهدد امنها واستقررها

elsha3er said...

aشمس النهار
ربنا يكرمك والحمد لله رجعنا سالمين

مدونه ما كفايه بقى said...

السلام عليكم

اول مره أدخل مدونتك

وبجد ندمانه






أنى مدخلتهاش من زمان

رائعه بكل ما تحمله الكلمه من معنى

فى جزء صغير معجبنيش فيها

لو دخلت مدونتى هتعرف ايه الجزء ده

بس ده رأيك ولازم أحترمه طبعا

بس غير كده هيه فعلا تستحق المتابعه

مش أنت لوحدك المغتصب

كل مصرى عنده ضمير حى وشايل هم بلده على كتافه مغتصب

لكن دوام الحال من المحال

مصر هتتغير على يد أبنائها

يمكن مش فى حياتى ولا حياتك (ربنا يديك العمر الطويل طبعا)

بس هتتغير وما دام لسه عندنا أمل يبقى هنقدر نعمل حاجه

ربنا يتولانا برحمته

أرجوك تقبلنى صديقه لمدونتك

تحياتى الطيبه لك

سلام مؤقت

re7ab.sale7 said...

معاك حق
والصور معبرة جدا وكلماتك في الصميم

المجاهد الصغير said...

السلام عليكم
طفح الكيل
حسبنا الله ونعم الوكيل