Thursday, October 30, 2008

صوتى يا مة وولولى

http://fagreltarekh2.blogspot.com/السلام عليكم اولا بدعوكم للمشاركة فى مدونتى الجديدة محاولة للكتابة فجر التاريخ

ثانيا :هذا الموضوع اهداء الى سارة نجاتى واحب ان كلنا نشارك فيه لأبدأ الرأى وتصحيح ما هو خاطىء لدينا

ثالثا: اكون اولا اكون انا بعتذر والله انا ما ناسى الفكرة اللى انتى قولتيلى عليها انا بحاول بس استحضر الاحساس عشان اعرف اكتب وانشاء الله حكتبه وحقك الفكرى محفوظ

اتمنى ان الموضوع يعجبكم




صوتى يامة وولولى

صوتى يامة وولولى .........قالوا على غاندى نبى.........ضحكت وقولت لا والنبى ........دامين يحب دة الغبى.........مش برده غاندى اللى اتحرش بالأسلام.........وقال علينا كلام وكلام..........ومات على ايده اعظم الحكام ........فا مين يحب دا الغبى

صوتى يامة وولولى ........قالوا على غاندى نبى.........ضحكت وقولت لاوالنبى.........مش غاندى هو اللى ساعد الاستعمار........وقتل كتير من المسلمين وبقت بلدهم دمار فى دمار........ولا خلاص نسينا كلام سافاركار..........فا مين يحب دا الغبى

صوتى يامة وولولى .......قالوا على غاندى نبى........ضحكت وقولت لا والنبى........مش غاندى برده ديانته هندوسية.........وهو صاحب الحركة الفاشستية..........اللى بيها حاول يدمر كل دولة اسلامية..........فا مين يحب دا الغبى

صوتى يامة وولولى ..........قالو على غاندى نبى..........ضحكت وقلت لا والنبى.........اية اللى جرى ياناس للأمة........يارب ارفع عن عنينا الغمة........بقينا نحب اعدائنا بذمة.............ونسقف ليهم بكل همة..........ونسينا ان هم اللى هم..........حاولوا يدفنو اسلامنا بحكمة..........ربى ارفع عن عنينا الغمة............ربى ارفع عنينا الغمة

احمد الشاعر
www.elsha3er1.blogspot.com

55 comments:

elsha3er said...

السلام عليكم

اولا انا بتمنى يارب ان الموضوع يعجبكم

ثانيا : عشان يبقى الامر واضح

سافار كار:دةاللى قال ليس هناك مستقبل للمسلمين بالهند وعلى فكرة دة يعتبر الدراع اليمين لغاندى

الحركة الفاشستية: هى حركة ظهرت للتعصب الهندوسى الذى زعمه غاندى ومن اهدافه

1 اقامة ولاية هندوسية
2 اجبار المسلمين على اعتناق الاسلام
3 غزو افغانستان واجبار اهلها على اعتناق الهندوسية

وان لم يتحقق هذة الشروط ستصبح الهندوسية فى خطر

انا كدة عملت اللى عليا واللى عنده رأى يتفضل وانا بصدر رحب


احمد الشاعر

عابرة said...

اول المعلقين ولاول مره اكون كدا
اولا القصيدة رائعه وتحمل معانن كثيرة والاروع اننا دخلنا التاريخ ورجعنا للوراء شوية
كل الكلام الي قلتة معقول كلنا منزقف ومنكون مبسوطين كتير ونحن منزقفلهم

يا رب ازل هذه الغيمة السوداء على وجوه المسلمين اللهم امين

شمس النهار said...

شوف انا ليه رأي في موضوع غاندي ده
غاندي لما كان بيتحرك كان بيتحرك لفكره هو مؤمن بيها ويعتنقها هو اتباعه من الشعب الهندي
اللي اغلبه كفره اصلاومش بس هندوس وديانات تانيه كتير
هو كان عايز يحرر الهند الاول ويشكر ويخلد علي انه مناضل عايز يحرر بلده
لكن انا بعتبره متطرف وعنصري الي اخر مدي
ليه
لأنه كان بعد كده هيدور علي المسلمين وغير المسلمين من الهنود يصفيهم ويصفي حسابته معاهم
لكن الله يدافع عن الذين امنوا
مات قبل ما يعمل اي حاجه
واللي نفخ في غندي وخلاه من العظماء والمشاهير واصحاب الفكر
انه كان بيحارب المستعمر بالسلام
الموضوع حميل وبشكرك فعلا عليه
بس ياريت تكتب عنه مره تانيه بالتفصيل اكتر عشان تغطي جوانبه
ومايكنش موضوع وعدي

princess said...

معاك حق بس انا اللى عاجبنى فى غاندى فكرة انه كان عايز يحرر الهند من انها تبقى مجرد مستعمرة للغرب بس كده
ومتفقة معاك فى الباقى
تحياتى:)

enjy said...

بص انا هجمع معلومات عن غاندى وابقى اجى اقول رايي بس بداية يعنى الوزن حلو قوى

سارة نجاتى said...

أولا ربنا يخليك على اهداء التدوينة دى ليا

ثانيا على المستوى الفنى للقصيدة , أنا شفت لك حاجات أحسن كتير , يمكن لأن الموضوع مكانش لحق يبات فى دماغك شوية , -أنا بقولى رأيي بصراحة- , أصل عارفة أنك حريف عن كده كتير.

ثالثا
طبعا هو مش "نبى" بالمعنى الدينى و لا حاجة , و لكن ده لا ينفى احترام الشديد لى

اتحرش بالاسلام ازاى يا عم أحمد بس ؟ , ده أضرب عن الطعام حتى الموت كذا مرة ضد الانتهاكات ضد المسلمين

و بعدين هو كان بيطالب باستقلال بلده ازاى بس ساعد الاستعمار , ممكن تختلف فى الطريقة اللى حاول بيها يجقق الاستقلال ده , لكن مش نتهموا أنه خاين أو قاتل , لأن "محمد على جناح " هو اللى صمم ينفصل بالمسلمين ,و أرسل لغاندى خطاب يبلغه أنه حينفصل بالمسلمين , و كان رد غاندى بالنص عليه "نحن نصر ونتمسك بأن يكون المسلمون والهندوس أمتين كبيرتين، وذلك طبقا لأي تعريف أو معيار للأمة. نحن أمة لمائة مليون مسلم، وعلاوة على هذا نحن أمة ذات أمور متميزة في الثقافة والحضارة واللغة والأدب والفن والهندسة المعمارية والأسماء والمصطلحات الخاصة والشعور بالقيم والعدل والتاريخ والملكات والطموح، وباختصار لنا وجهة نظرنا المتميزة عن الحياة ومن الحياة. ووفقا لجميع مبادئ القانون الدولي نحن أمة".

و لكن المسلمين أيدوا جناح , و بريطانيا كانت ما صدقت و وافقت على الانفصال و تأسيس بكستان برئاسة جناح .و مش معنى أن الهنود - و متنساش دور الاحتلال التحريضى- بعضهم حاول قمع الثوار المسلمين الساعين للانفصال , أن غاندى حرض على ده , لأن يا سيدى أنا قلت لك قبل كده , و أكيد أنت عارف أن الهندوس اللى قتلوا غاندى قتلوه بتهمة العمالة للمسلمين ( عاوز ايه أكتر من كده ؟(

و لان غاندى تبنى مبدأ صعب جدا أن يتبناه حد , و هو المقاومة السلمية (يعنى غزو أفغانستان دى مش عارفة عنها حاجة), -و اللى أنا شخصيا على رغم احترامى و تقديرى ليها , لا أعتقد أنى أقدر أطبقها لو بلدى تحت احتلال -, لكن اللى عمله ده من الذكاء لأن الهنود ماكنوش يقدروا يعملوا للانجليز غير كده وقتها .
أ
ما بقى ديانته هندوسية , فده ملناش فى , احنا مش حنتحاسب معاه , احنا لينا غاندى كراجل هندى , ممثل للكثير من الهنود فى فترة احتلال و كانوا بيعتبروه زعيم ليهم و بس.

و أول مرة بقى أسمع على موضوع تبنى غاندى لحركة هندوسية متعصبة ضد المسلمين .

و توقع على فكرة الأتى :
أن فى واحد هندوسى دلوقتى عنده مدونة زيك كده , و كتب ضد محمد على جناح و اللى انفصل بأراضى هندية و عمل منها بكستان ,و حرض المسلمين على الهندوس , و ساعد الاحتلال بتقسيم بلده.- من وجهه نظره-


مش عارفة لى أنا متفاجئة شوية فى اللى بتقوله , لكن لو تسمحلى أعقب على تعليق "شمس النهار" :

"لكن انا بعتبره متطرف وعنصري الي اخر مدي
ليه
لأنه كان بعد كده هيدور علي المسلمين وغير المسلمين من الهنود "

يعنى أنت يا شمس اعتبرتيه عنصرى باعتبار ما سيكون .

طبعا أنا مش عاوزة نموت بعض عليه ,أنا حاسه ان الاختلاف معاك حلو , لانك عاقل برده . فأوعى تقفش من اختلاف وجهات النظر , أنت لا أبوك هندى , و لا أمى هندوسية .

تحيات كتيييييييييرة ليك
و ابقى تابعنى بقى

سلام

الازهرى said...

صديقى العزيز

كلمات جميلة ولكن المعلومات الموجودة بها جديدة على مسامعى فاسمح لى بالتحقق من اصلها اولا وبعدها نتحدث فى شأنها

تحياتى

ندا منير said...

ازيك يا احمد
جميل قوى الشعر دا
واحيانا ناس بتحب اعدائها عشان مصالح ليها
او عشان هتجبلها حقها من حد تانى
او عشان هما ناس معندهومشى انتماء
يعنى مش اكتر من كدة

blue-wave said...

الله عليك يابوحميد يا جامد
والله جامد يابنى من يومك
عجبنى الكلام بجد يا شاعر

mohamed ghalia said...

ربى ارفع عن عنينا الغمة............ربى ارفع عنينا الغمة

حقيقى كلماتك رائعة
أول زيارة ليا
المدونة والموضوع عجنى جداااااااا
تقبل تحياتى
دمت بود

فركشاوي ..ناوي said...

احنا زعلنا وقومنا الدنيا وفضلنا نقول عيب لما سبوا الرسول ...
نقوم احنا نسب ..ونهب..عرض وطول
لا مش دي اخلاق الرسول

هانى زينهم said...

الكلام حلو يا شاعر كالعادة يعنى لغويا كويس وشعريا انت ليك محاولات احسن من كدة . اما المعلومات فينقصها شوية دقة عن غاندى ومش عارف انت مصدرك فيها ايه ؟ الراجل عاش ومات عشان بلده وما كانش يعرف عن الاسلام حاجة الا ان فى فى الهند مسامين احتج كتير هو عشان اللى الاستعمار عمله فيهم . بجد انت موهوب يا احمد وشوية خبرة كمان وتبقى شاعر جامد جدا . تقبل مرورى .

N@B!L said...

جميلة والله يا غالي
والموضوع مبقاش غريب اليومين دول
بالتوفيق ...

أكون أو لا أكون said...

حلوه جداً... والإسلوب أحلى...
بس بجد هو كان كده؟
أنا طول عمري اسمع إنه كان بطل...
هع هع هع

والله لازم نرجع نعيد حساباتنا... ونعمل بحث عن السيد غاندي...

بس بعيد عن تاريخ غاندي... الكلمات منظمه جداً...

elsha3er said...

اهلا بيكى يا عبرة اللهم امين
والله دايما منورانى

احمد الشاعر

أكون أو لا أكون said...

بس ممكن تقولنا إيه مصادر المعلومات اللي استندت عليها... علشان نشوف إيه الحكايه...؟
ونتناقش أكثر في الموضوع...

elsha3er said...

اسف يا عابرة كتبت الاسم غلط

انا اسف

احمد الشاعر

أكون أو لا أكون said...

ههههههههههههههه انت هنا...
يامحاسن الصدف

elsha3er said...

شمس النهار

اهلا بيكى هو اولا فعلا هو كان بيحاول يحرر الهند لكن والله هو بعد كدة اتحد مع الانجليز وقتل كثير من المسلمين ودة عن وقائع ووثائق

احمد الشاعر

elsha3er said...

princess

هو فعلا تتحسبله انه كان عايز يحرر الهند

بس والله عمل حاجات فى المسلمين يندى لها الجبين

احمد الشاعر

elsha3er said...

enjy

اهلا بيكى اجمعى براحتك وانا مستنى

احمد الشاعر

elsha3er said...

سارة نجاتى

اولا انا احب اوضحلك ان زى ما انتى قلتى ان الحمد لله احنا مسلمين فا اختلاف النظر عادى يعنى

اولا هو فعلا قالو على غاندى نبى الهند

ثانيا سيبك من المستوى الشعرى انا بس كتبتها شعر عشان المفروض ان المدونة دى للشعر بس فا القصيدة دى ما يهمنيش فيها الرأى الفنى

ثالثا

اولا غاندى من طبقة البراهما وهى الطبقة العليا فى الهند عكس طبقة الهندوس المنبوذين

اما عن غاندى والمسلمين والاستعمار غاندى اولا اتحد اتفق مع الانجليز على ابادة المسلمين فى الهند ودة وضح من مقولة سافار كار الذى قال ان لايوجد مستقبل للمسلمين بالهند وتقدرى تبحثى عنها
اما عن انه هندوسى انا مش ححاسبه ولكن المسلمين لما انشقو عن الهندوس دة كان عشان الاضطهاد الهندوسى انا اول مرة اسمع عن ان غاندى زعل لما انشقو عنهم المسلمين

اما عن الحركة الفاشستية فا دة اكتب فى كتب كتير وممكن تبحثى وتشوفى المبادىء اللى عرضتها

وانا ماليش دعوة لو واحد شايف كدة ان المسلمين هم اللى انشقوا بس بالعكس كل هندوسى يعلم ما فعلوه بالمسلمين ولا يستطيع الكلام

احمد الشاعر

elsha3er said...

الازهرى

ابحث براحتك ولكن فى كتب تاريخ حقيقية

احمد الشاعر

elsha3er said...

ندا منير

اهلا بيكى اللى انتى قلتيه دة برده وجهة نظر ممكن تكون صح

احمد الشاعر

elsha3er said...

blue wave

اهلا بيك يا دكتور والله انت بتجاملنى جامد اوى لان انا عارف ان دة ولا حاجة جانبك

احمد الشاعر

elsha3er said...

mohamed ghalia

اهلا بيك منورنى والله وشكرا لمشاركتك

احمد الشاعر

elsha3er said...

فركشاوى ناوى

مين قال ان انا سبيته وانا كدة ابقى شتمته

احمد الشاعر

elsha3er said...

هانى زينهم

حضرتك منورنى انا اولا ما يهمنيش القصيدة دى فنيا انا بس كنت بتناقش انا وسارة فا حبيت اوضح وجهة نظرى مش اكتر


اما عن المصادر فهى حقيقية 100 فى المية

من كتاب الحقيقة وغسيل المخ

للدكتورة صافيناز كاظم

احمد الشاعر

elsha3er said...

nabil

اهلا بيكى هو فعلا ما بقاش غريب

احمد الشاعر

elsha3er said...

اكون او لا اكون
اهلا بيكى والله هو فعلا كدة اما عن المصادر


كتاب الحقيقة وغسيل المخ للدكتورة

صافيناز كاظم


احمد الشاعر

elsha3er said...

اكون او لا اكون

دة انا اللى محظوظ

احمد الشاعر

سارة نجاتى said...

ازيك يا أحمد ؟
بص,لازم تفرق بين موقف غاندى كشخص و موقف الهندوس المتعصب منهم و اللى له مصالح و غيرهم , غاندى كان فرد و كفرد نال تقدير العالم ,صحيح كان له تأثير على شريحة كبيرة من الناس , بس فى النهاية , زى ما فى ناس باعت عرابى عندنا من المصريين , بعد ما كان طالع يحارب الانجليز ,مش كل الهندوس كانوا مع غاندى ,
* و أنت ليه لم ترد على أنه تم اغتياله على يد هندوسى , و اللى اتهمه بالعمالة للمسلمين ؟؟؟؟
*و بعدين ابادة ايه اللى عاوز يعملها ؟ , ده طلع الانجليز من غير ولا رصاصة , يعنى مقاومة سلمية و بس.
*و لما حصلت فتنة بين االهندوس و المسلمين , كعادة المستعمر ما بيسعى لتحقيق ده , أضرب غاندى عن الطعام احتجاجا , و كان على وشك الموت , و لما قطع صيامه , صمم مايكلش الا مع " جناح " اللى كان برده دراعه اليمين .
*الرجل كان بيرفض أن لما يدخل الانجليز بخيولهم بيوت الناس , أنهم يقاوموهم , و كان بيخليهم يوطوا تحت الفرس , حتى لا يدوس عليهم , لا أعتقد أنهااللى عمل كده مع المستعمر , و ح يفكر فى غزو و ابادة .
* و بعدين نص الخطاب على لسان غاندى اللى كتبته تقدر ترجع له أنت كمان .
*و الصراحة يا احمد أنا مش قادرة أستوعب ازاى تكون معجب بنازى تسبب فى ابادة 50 مليون بنى ادم فى الحرب العالمية , و حاطت واحد كان بيقاوم من غير رصاصة واحدة على راسك , حتى لو غاندى موت مسلمين , ح يكون أسوأ من هتلر ؟؟؟؟
* الهند مر عليها رئيس وزراء مسلمين , ده غير ان اكبر جالية مسلمة فى الهند .


تحياتى ليك يا عم الشاعر

سارة نجاتى said...

يا لهوى يا احمد , أنا لسه قارية دلوقتى فى الكومنت بتاعك , أن مصدرك مرجع لصافيناز قاسم , بقى بذمتك مرجع واحد كفاية عشان تخلى الراجل مش نافع كده ؟؟ , و حتى لو مرجع واحد , أكيد مش يبقى لصافيناز قاسم هى كاتبة و مفكرة متميزة بس مش مؤرخة خالص , ده أنت حتى بتاع تاريخ و عارف .

كفاية كده اتكلمت كتير

سلام

elsha3er said...

سارة نجاتى

على فكرة انا مش حقتنع الا لرأيى وانتى كذالك ولكن

انا فى كتاب تانى اسمه المسلمين فى الهند دة برده قال نفس الكلام

يعنى مرجع تانى بيأكد دة

2 هتلر رجل ذو مبدأ انا عن نفسى بعشقه انا ما بقلش عايز اكون زيه بس تفكيره كويس طب ما محمد على اباد الكثير من المصريين بس راجل عشرة على عشرة فى ظروف سياسية احنا ممكن ما نكنش واخدين بالنا منها هى اللى اطرت فلان يعمل كدة

بس وبعدين صافيناز كاظم دى من احسن الكتاب على فكرة وهى دكتورة فا يعنى الست بصراحة انا بحب اقرألها جدا

صحيح اوعى تكونى بتزعلى من المناقشة ولا حاجة


احمد الشاعر

رؤية said...

تسلم ايديك
احترم قلمك
ويعجبنى فنك

تحياتى لك.

☼♫♪ عمــاد الدين يــوسف ☼♫♪ said...

اخي العزيز الغالي احمد
طبقا لما رايناه على الشاشات ، وطبقا لمادة التاريخ المنقوص الذي درسناه في مدارسنا الموقره فان هذا الرجل يعد رمزا للحريه والكفاح والمقاومه ، بموضعك هذا جعلتني اتشكك في كل ما لدي وسوف اعيد البحث في سيرة الرجل من جديد

تحياتي

طالبه مقهوره said...

انا بجد بحسدك على معرفه للتاريخ كده انا كان نفسى اكون ربعك بجد فكره المدونه دى هايله والقصيده تحفه عاشت الايداى

سارة نجاتى said...

عمرى فى حياتى ما زعلت من مناقشة , يا أحمد.
بس قولك أن عمرك ما ح تقتنع الا برأيك , ده غريب شوية .
غالبا ح أحط قصيدتك و التعليقات دى , عندى ع المدونة , مش أكيد .
ده بعد اذنك طبعا .

سلام يا باشا

M.K said...

ربي ارفع عن عنينا الغمه
اللهم آمين
..........
مبدع دوما يا شاعر..
وزن جميل
ومسيقى تنساب إلينا بنعومه
....
تحياتي

موناليزا said...

ربنا يعزك ويكرمك يارب
ايوة كده دى والله حاجة تغيظ واللى بيهتفوا بأسماء كتير ويضعوا صور لملحدين فى مدوناتهم ويقولوا كان عظيم فى مجاله
وناسيين ان فيه عظماء كثير مسلمين لازم نتباهى بيهم ونعرف الناس بانجازاتهم
بورك قلمك

teresamaremar said...

Boa noite,

Sou Teresamaremar do espaço
www.NasTintasParaAsRegras.blogspot.com.

Venho informar que Elisabete Cunha – http://betescunha.blogspot.com/ - tem vindo a copiar integralmente, desde Setembro último, os meus textos e recolha de imagens.
Porque, contactei essa senhora, duas vezes, via email, de forma a que retirasse os meus trabalhos do seu espaço, não tendo obtido qualquer resposta, sou a esclarecer que são integralmente de minha autoria os posts por essa senhora publicados nos dias,

4 Setembro 2008
7 Setembro 2008
8 Setembro 2008
10 Setembro 2008
13 Setembro 2008
22 Setembro 2008
30 Setembro 2008
1 Outubro 2008
10 Outubro 2008
18 Outubro 2008
29 Outubro 2008

como poderá ser constatado no meu blog www.nastintasparaasregras.blogspot.com, e correspondem às minhas publicações seguintes,

26 Maio 2007, Primórdios da arte ocidental
22 Maio 2007, Recriar o Passado
17 Maio 2007, Da têmpera ao óleo
12 Maio 2007, A tela, invenção renascentista
5 Maio de 2007, Perspectiva, a ilusão da percepção
4 Maio 2004 (nota de abertura do meu blog)
6 Maio 2007, (IN)descrição das cores
10 Maio 2007, Psicologia das cores
20 Junho 2007, Das trevas à luz
9 Junho 2007, O olhar mágico
13 Junho 2007, Em tentação
3 Julho 2007, Do feminino e do masculino na arte
16 Agosto 2007, On Va à la Plage
24 Setembro 2007, Traço.Linha.Ponto

Considero que referir no final desses posts Fonte: Nas Tintas Para As Regras, é apenas a forma de dissimular a infracção que vem fazendo, pois que tal não é referência de uma fonte, porquanto
. não indica que se trata de um blog,
. não contém hiperligação para esse (meu) blog,
. não indica o endereço deste – www.nastintasparaasregras.blogspot.com –
. nem tão pouco inclui qualquer referência à autora teresamaremar

Mais acrescento que, uma fonte é, eventualmente, um lugar de onde retiramos uma imagem, uma ideia ou uma frase mas da qual nunca se faz uma cópia total do que outro escreveu e investigou, trabalho dedicado e, tantas vezes, demorado.
Mais me surpreende que essa senhora agradeça os comentários que lhe deixam nesses mesmos posts, sem que refira ser teresamaremar a autora dos mesmos.

A bem da seriedade bloguista

Cumprimentos

mahasen saber said...

شوف يا احمد هو كل شخصيه ليها ابعادها وليها من الجوانب الكويس والغير كويس بالمره يعنى غاندى كمناضل دافع عن فكرة تحرير بلده وحققها بفكر اجبر العالم كله على احترامه ده جانب نحترمه فيه ...
اما عنصريته وغدره على المسلمين وتاسيس باكستان عشانيلم فيها المسلمين بعيد عن الهند فكل ده طبعا من جوانبه المنيله بستين نيله
.............
مثلا جيفارا كان شيوعى الفكر واحنا مختلفين مع الشيوعيه والاتجاه الماركسى بس قولى مين فى دمائه بتجرى ثورية جيفارا مين محبش جيفارا وانسانيته
....
فاغلب الشخصيات دى هتلاقى فيها جوانب متعدده يا شاعرنا الموهوب
..............

مـجـنـووون said...

أولا تسلمك ايدك علي الكلام الجميل ده . واسلوبك في الكتابه أكثر من رائع


ثانيا : أنا مختلف معاك في حكاية غندي ، الراجل صاحب فكرة وكان مؤمن بيها وأحنا نأخد منه الكويس والوحش نرميه في الزبالة

تقبل مروري
مجنووون

nour shahen said...

هايله القصيده يا أحمد
بارك الله فيك
وبشكرك جدا علي التوضيح بالتعليق بتاعك
وجميل انك شاركتنا المعلومات دى لأنى واحده من الناس مكنتش أعرفها
مكنتش اعرف عن غندى الا انه شخصيه ليها قيمتها كما ذاعولنا

خالص تحياتى وتقديرى ليك

دينا حامد said...

انا كل اللي اعرفه عن غاندي انه كان عايز يحرر الهند من الاستعمار من غير حروب وبصراحة اللي جه في بالي انه اكيد طالما مش مسلم كان هيحارب المسلمين علشان الهند تبقى بتاعته

لكن كلامك على سافاركار معروف وفي غيرة كتير من اللي بيضطهدوا المسلمين في الهند وبيقولوا انهم لازم يموتوا ويتحرقوا
لكن بالنسبة للحركة الفاشستية انا اول مرة اسمع عنها

بعيد عن كل ده
هو مين اصلا بيحب الديانة الاسلامية؟ اقصد من غير المسلمين
اكتر دين مضطهدالاسلام

shayma said...

شاعرنا الفاضل: بارك الله فيك
حقا بارك الله فيك
سنراك تلقي قصائدك يوم انتصارانا عما قريب ان شاء الله

فركشاوي ..ناوي said...

أشكرك علي تشجيعك لي ..وتنويرك لمدوني ..زورنا و نورنا اكتر و اكتر
نسيتني ليه يا عم احمد يا شاعر.

Beram ElMasry said...

هذا ردى على المدعو امل فنحى المضلل
سيدتى او سيدى امل
الاسلام دين سماوى ، وكتابه محفوظ بعناية الله من التحريف عكس ما حدث للكتابين من قبله ، وليس دينا وضعيا كالبوذية والمجوسية والبهائية ، كى تطرح قضاياه للنقاش فى المدونات ، اوالدفاع عنه ضد مرضى عميت قلوبهم ، لسنا اهل تخصص ولا فقهاء وللفقهاء احترامهم ولهم حق الاجتهاد والامر ليس متروكا لكل من هب ودب ، ولماذا نشكك فى فقهاء الاسلام بينما لايجرؤ يهودى او مسيحى فى مجادلة حاخام اوقس رغم ما طرا على الكتابين من تحريف وما حوياه من تضارب واختلاف ، وما حوياه من مجون وسوء ادب مع الانبياء ، كنشيد الانشاد للنبى سليمان عليه السلام
السيد او السيدة امل ، ادرئي عن نفسك الشبهات فهذه دعوة باطلة يراد بها باطل

PrInCeSS BeRy said...

ازيك يا شاعر يا كبير ما شاء الله عليك لك فكر واسلوب متميز فى التعبير عن رايك بمنتهى السلاسة ومشكور على الايضاح وربنا يكرمك

سومه...مجنونه فى بلد عاقل said...

تسلم ايدك يا شاعر فعلا معاك حق

سومه...مجنونه فى بلد عاقل said...

للاسف مش غاندى بس دا ظاهره الاخ جيفارا كمان اصبحت متفشيه فى جيل الشباب وكانهم ينقصون القدوه لم يتذكروا الصحابه ولا الرسل ولا الانبياء واتخذوا من هؤلاء قدوه لهم
مع ان لدينا قدوه تكفى لان تصنع انجح الامم

سومه...مجنونه فى بلد عاقل said...

معلش انا ليا تعليق كمان على حكايه ان ليهم اعمال حلوه دى حتى لو هم ليهم افضل الاعمال مينفعش نتخذ منهم قدوه لنا لان فى حياتهم ما لا يصح ان نقتدى به

انا ودماغي said...

و الله أنت معاك حق فى كل كلمة

بس غاندى أحسن حاجة فيه أنا فكر يحرر الهند
و لا أنت إيه رأيك

Anonymous said...

¡Ah! al fin encontré lo que buscaba. A veces se necesita mucho esfuerzo para encontrar la pieza útil incluso pequeñas de información.

Terrance Bhowmik said...

اهلا بيكى يا عبرة اللهم امين والله دايما منورانى احمد الشاعر