Thursday, November 13, 2008

تصورى

السلام عليكم انا اسف جدا على التأخير اصلى لسة مستلم شغل جديد فى ميناء الاسكندرية
وانا ان شاء الله حا تبعكم كل يوم جمعة وانزل فى البوست

انا بهدى التدوينة دى لى المدونة اكون او لا اكون لان اصل الفكرة بتاعتها وكانت الفكرة انى اكتب عن حد بيحب حد ومش عارف يقوله بس انا كتبتها بطريقة انا حببها ويارب تعجبكم

هى اغنية ولو ربنا شاء حنزلها فيديو بالحن بتاعها

تصورى

تصورى خفت اسرح فيكى اجرح رقتك

تصورى خفت افتح قلبى تهرب ضحكتك

تصورى انى بتمنى ابقى جنبك

عمرى كله افضل احبك

منى مش راح تهربى

تصورى

قلت يمكن حب شارد بالخيال

ولا بس عنيا بتحب الجمال

قلت جايز ايوة جايز احتمال

بس منى مش راح تهربى

تصورى

احمد الشاعر
www.elsha3er1.blogspot.com

71 comments:

ماما أمولة said...

ابني احمد

اولا مبرووك على العمل ربنا يثبتك اللهم امين ويجعله خير عليك

ثانيا كلماتك رقيقة ووبتعبر فعلا
عن فكرتك

تسلم ايدك يا احمد

وفي انتظار جديدك كل جمعة

ربنا يصلح حالك

كـــيــــــــارا said...

مبروك علي الشغل

وبجد الاغنيه تهووووووووووووووووووس

وحساها اوي

M.K said...

مبروك الشغل يا شاعر ....
.......
كلمات فوق الخيال ....
بتسحر بجد....
......
دمت بخير

خالد فوده said...

الف مبروك علي الشغل
يعني نمسح أسمك من قائمه العاطلين يعني
ماشي ياعم يابختك

أغنيه جميله يا أبو حميد
ودايما متألق
تحياتي

أكون أو لا أكون said...

رائعه ...

تسلم يا آحمد على الاهداء

انت ترجمت الفكره باسلوب رقيق جداً...
فنان حقيقي!!! ...

بس كده خليتني في موقف صعب... عارف ليه؟ لان الكلمات اللي كتبتها مش سهل يترد عليها... لجمالها...

بس انا برضو حاخد وقتي ... علشان ااقدر اكتب شيء قد المقام.... ههههههههههههههههههههههههه
الى اللقاء....

قطرات من شواطئ الحياة said...

أغنية مميزة لقلم أكثر تميزا

كلماتها و رقتها عجبتني أوي

دمت مدونا رائعا

الازهرى said...

صديقى العزيز

عمل جميل للغاية

جايز ايوة جايز احتمال
بس منى مش راح تهربى

ولو احتمال بالنفى

يبقى ايه الموقف

تحياتى

محمد الجرايحى said...

كلمات رائعة
وأحاسيس راقية
تقبل تقديرى

حـــــ الــجــنــة ـــــور said...

السلام عليكم
بارك الله لك في عملك الجديد ورزقك من طيبات الحلال أخي الفاضل
بجد إحساس رائع وأسلوب عذب سلمت يمناك
في إنتظار إبداعاتك ياشاااعر
تقبل مروري وخالص إحترامي

ضد التيار said...

اولا مبارك عليك الشغل

ثانيا بقى بجد الكلمات جميله قوى بجد

و منتظره الفيديو مع اللحن ان شاء الله

(:

حسام وريمان فى هاكونا مطاطا said...

ايه يا شاعر الجمال ده


بجد والله هتبقى اغنيه تحفه

رائعه كلماتك بجد

مع تحياتى

تسلم اديك

saragebaly said...

أحيانا يكون البوح بما في القلب يأتي بأثر عكسي

ويهدم شئ جميل بين اثنين

فيرجع بلوم على النفس

قائلا

ليتني صمت

كلمات رقيقة

مبروك عليك الشغل

تقبل مروري وتحياتي

سارة

mohamed ghalia said...

مبروك على الشغل
وربنا يسعدك
تصورى بجد كلمات رائعة دمت مبدعا
تحياتى

دينا حامد said...

اولا الف مبروك على الشغل
ثانيا كلامك رائع جدا وعجبني خاصة الجزء ده
تصوري اني بتمنى ابقى جنبك

عمري كله افضل احبك

مني مش راح تهربي


تحياتي

blue-wave said...

تحفه يابو حميد
حلوة بجد
ومبروك على الشغل
بس ملحوظه صغيرة من اخوك الكبير

قلت جايز ايوة جايز احتمال

دى صعبه لأن جايز واحتمال نفس المعنى وتكراراهم 3 مرات فى شطر واحد صعب شويه
تحياتى لإبداعك لأن الأغنيه دى عجبتنى اوى بجد

حسن حنفى said...

الف مبروك والي الامام دائما

عابرة said...

اولا كويس اننا حنشوفك كنت خايف اننا منشوفكش من مرة
ثانيا مبارك عالعمل الجديد وان شاء الله لتطور وترقي كبير في المينا
ثالث الاغنية جميلة جدا وعن جد بتعبر عن حد بيحب حد ومش عايز يقولوا المهم انوا بيحبوا وبيخاف يجرح مشاعرة
والمهم اكتر انوا اكون او لا اكون مهداة الها لانها صاحبة الفكرة الجميلة

سمكه وحده said...

مبروك يا عم علي الشغل الف الف مبروك
وتصور بقي الاغنيه جميله فعلا ياله ربنا يوفقك بقي بس خالي بالك بقي
وبعدين لو حد بيحب حد ميروح يقوله واجره علي الله
او يقولها ويروح حاطط ايده علي قفاه ومغمض عينه خوفا من رد الفعل هههههه
بهزر
بجد تسلم ايدك فكره واغنيه جميله وربنا يسعد الجميع
سمكه

esraa said...

اها متصوره

(:

mahasen saber said...

يعنى روحك انتا وكونه على البوست يبقى لازم يبقى تحفه
وتبقى اغنيه رائعه اصلى عارفه احساسك راقى ازاى
وعارفه كونه احساسها وفكرها واصل السما ازاى برضه

princess said...

حلوة اوى لو سمحت سلملى على اسكندرية كتير:))))

elsha3er said...

ماما امولة

بجد فرحت جدا بكلمة ابنى احمد
واسمحيلى اقولك امى اهلا بيكى

الله يبارك فيكى

وشكرا على المجاملة اللطيفة دى


احمد الشاعر

elsha3er said...

كيارا

اهلا منورانى

الله يبارك فيكى

الحمد لله ان الاغنية عجبتك

احمد الشاعر

elsha3er said...

m k

دايما زيارتك بتزدنى شرف

الله يبارك فيكى

وشكرا على المجاملة الرقيقة منك


احمد الشاعر

elsha3er said...

خالد فودة

اهلا بيك

والله يبارك فيك يا حبى

بس هى بعد العيد وارجع عاطل تانى عشان الامتحانات والمذاكرة


احمد الشاعر

elsha3er said...

اكون او لا اكون

الاهداء دة حقك لانك انتى صاحبة الفكرة

وانا متأكد انك حتعملى حاجة اجمل من كدة انا واثق فى قدراتك جدا

وانا مستنى


احمد الشاعر

elsha3er said...

قطرات من شواطىء الحياة

اهلا بيكى

انتى بجد كسفتينى مش عارف اقول اية

شكرا لرقة كلماتك


احمد الشاعر

elsha3er said...

الازهرى

اهلا بيك

شكرا لكلامك

بس انا مش فاهم يعنى اية بالنفى

احمد الشاعر

elsha3er said...

محمد الجرايحى

شكرا ليك

ولمجاملتك الجميلة دى

وارجو ان نكون على تواصل

احمد الشاعر

elsha3er said...

حور الجنة

ربنا يخليكى ليا يارب وبجد انا مبسوط اوى لتعليقك

وشكرا ليكى


احمد الشاعر

elsha3er said...

ضد التيار

الله يبارك فيكى

منورانى والله

وانا والله بدور على حاجة اعرف ارفع بيها الفيديو ومستنى اللى حيعزفلى على الجيتار وان شاء الله احاول انزل الفيديو

احمد الشاعر

elsha3er said...

حسام وريمان فى هاكونا مطاطا

دة من بعض ما عندكم والحمد لله انها عجبتكم

تحياتى

احمد الشاعر

elsha3er said...

saragebaly

اهلا بيكى فعلا عندك حق انا معاكى فى اللى انتى قلتيه

اتمنى ان نكون على تواصل تحياتى

احمد الشاعر

elsha3er said...

mohamed ghalia

منور والله

والله يبارك فيك وشكرا لكلامك الجميل


احمد الشاعر

elsha3er said...

دينا حامد

مشرفانى والله

الله يبارك فيكى

انتى عجبتك الجزء الاول من الاغنية

بس كدة الجزء التانى حيغير

تحياتى

احمد الشاعر

elsha3er said...

blue-wave

دكتور اهلا بيك منور والله
دة من بعض ما عندكم

وفعلا انا ما كنتش واخد بالى من الحكاية دى عندك حق

شكرا ليك


احمد الشاعر

elsha3er said...

حسن حنفى

منور يا ابو على

الله يبارك فيك والى الامام لى وليك


احمد الشاعر

elsha3er said...

عابرة

اهلا بيكى لية مش حتشوفينى وانا اقدر ابعد عنكم من غير ما اقول وبعدين خلاص انا بقيت متعلق بيكم كلكم

وبعدين انا قبلت الشغل دة عشان لما توصلى مصر اكون انا اول واحد فى استقبالك احنا مش اتفقنا على كدة

تحياتى

احمد الشاعر

elsha3er said...

سمكة واحدة


اهلا بيكى

احلى حاجة فيكى انك عارفة رد الفعل شكلك كدة عملتيها فى حد

دة الواحد يخاف منك


احمد الشاعر

elsha3er said...

esraa

تعليقاتك غريبة بس بتعجبنى اوى

احمد الشاعر

elsha3er said...

mahasen saber

اهلا بيكى منورة

وربنا يخليكى لينا

كفاية فعلا ان اكون او لا اكون صاحبة الفكرة

احمد الشاعر

elsha3er said...

princess

اهلا بيكى وشكرا لمجاملتك

واسكندرية بعتالك الف سلام واهلا بيكى فى اى وقت فى اسكندرية واحنا نستضيفك كل المدونين السكندريين

احمد الشاعر

Lola said...

بيقولوا العتاب دليل المحبه يا سيدى وانا جيت اعاتب واوى كمان على الغياب دا وبعدين لقيت اخبار حلوه وشغل جديد اتكسفت وببص كده لقيت كلام حلو من كلامك كالعاده طبعا ولو كل الشباب بتوصف وتتكملم كده كان الدنيا بقت سووووووووو رومانتك.

مبروك على الشغل..وبالتوفيق يارب ربنا يوفقك ويسعدك ويحقق احلامك.

لولا

Anonymous said...

ايه يا عم لا بالراحة والنبى
جامدة اوى اوى بجد مش عارفة اقولك ايه غير ان رائى فيك لسة متغيرش
انا مكنتش باجى عشان الامتحانات والكمبيوتر كان بايظ
بص بأة انا مش هقول انا مين
متخلينيش اغير رائى فيك
لو معرفتش انا مين هقلب الموازين
ههههههههههههههههههههههههه
على القافية بس
بتمحك فى الشعراء شوية
رخامة
عندك مانع والا حاجة
بجد لو قلت انا مين ممكن .................. اعزمك على واحد شاى واوصلو بالواد بلية لحد مدونتك
اوكى
اتفقنا
ماشى
سلامات يا شاعر

Anonymous said...

بقولك اييييييييييييه
انت لسة مرديتش
على فكرة انا الى غلطانة
سيبتك كتيييير مكن غير ما اوريك وشى
فاتعودت
هاه
مفيش شاى خلاص
لا واللهى مفيش
انت لازم تتابع المدونة اول باول مش ممكن انا اجى فى اى لحظة والا ايه
مفيش حاجة هعملهالك وهتقول انا مين بردو
عقابا ليك بأة عليك 2 شاى و3 كابتشينو و4 بيبسى و5 شيبسى و2 مولتو و9 بيكرولز
ايه
متستكترهمش
دة انت صعبت عليا فخففت العقوبة عنك
يالا بجد بأة انت اتأخرت
احتمال مدخلش قريب
سلام

elsha3er said...
This comment has been removed by the author.
elsha3er said...

غير معروف

ازيك يا نيرة والله وحشانى جدا بس انا مش حعرف اجيلك عشان انتى ما كنتيش تعرفى ان المدونة القديمة اتمسحت غصب عنى وكل الناس اللى كانو بيعلقو عندى راحو وجبت اللى اقدر علية ابقى علقى اى تعليق بأسم مدونتك عشان اعرف ادخل عليها

بس انا مش حتنازل عن الشاى والنسكافية

تحياتى

على فكرة انا عمرى ما انساة الناس اللى حبتهم وحبونى

احمد الشاعر

elsha3er said...

لولا

اهلا بيكى وشكرا لكلامك الرقيق دايما تعليقك بستناة

وانا اسف جدا على التأخير وانا جاى حالا

وبعدين مدونتك دى مدونتى والعكس

احمد الشاعر

موناليزا said...

بص بقى انا هقول التعليق اللى انا شايفاه بس من غير زعل
مش عارفة حاسة انها مش راكبة على بعضها
يعنى كلمة "تصورى"عاطيانى احساس ان مشاعرك دى كتيرة عليها اوى وكأنك بتقولها شوفى الهنا اللى انتى فيه

Anonymous said...

برافوووووووووووووو
شطور
كويس انك لسة فاكر
وعندى الشاى والنسكافية
وهعلق باسم الدونة قريب
نيرة

☼♫♪ عمــاد الدين يــوسف ☼♫♪ said...

ابو حميد حبيبي ... الله ينور يباشا على الاحساس العالي والرقه الانهائيه

تحياتي الى المبدع

سارة نجاتى said...

خفت اسرح فيكى اجرح رقتك

عجبتنى أوى أوى الجملة دى

بس أنت مش معايا أنها لو اتعملت أغنية محتاجه تطول شوية ؟؟

تحيات خاصة يا بلدياتى

سارة نجاتى said...

أه بينى و بينك كده , من غير ما حد ياخد بالوا " تسلم ايدك

elsha3er said...

موناليزا

منورانى والله

على فكرة انا عمرى ما ازعل من حد حتى لو غلط فيا شخصيا

بس بجد انتى ضحكتينى جدا على كلمة انى محسسها اية الهنا اللى هى فيه اولا انا منكرش فعلا ياسعداها ياهناها دى مش مع اى حد دى مع الشاعر هههههههههههه

انا بهزر على فكرة بس ممكن تكونى انتى حساها كدة طب لية ما تقوليش ان انا اللى مش مصدق انى جنبها مثلا

شرفتينى يا موناليزا


سلام


احمد الشاعر

elsha3er said...

نيرة

اهلا بيكى كلاكيت تانى مرة

انا قلتلك عمرى ما انسا حد وقف جانبى وانا شايف ان انتى من الناس اللى المدونة دى اتولدت على ايديهم


فا عمرى ما انساكى

وانا مستنيكى


احمد الشاعر

elsha3er said...

عماد الدين يوسف

والله وحشنى جدا جدا وشكرا لزيارتك اللى عندى تسوى الدنيا كلها

احمد الشاعر

elsha3er said...

سارة نجاتى

تصدقينى لو قلتلك انى لما بكرر الجملة دى على مسامعى جسمى بيترعش واحس بخطفة قلب والله العظيم دة اللى بيحصل
بجد انتى جيتى على الجرح يعنى

لا هى مش محتاجة تطول لان التوزيع مطولها ولو شاء ربنا حنزلها فيديو


بس مستنى جيتاريست كويس


احمد الشاعر

elsha3er said...

اة صحيح يا سارة

انا اكبر منك يعنى انتى اللى بلدياتى على فكرة لان انا موجود فى البلد دى قبليكى

وش مطلع لسانه


تسلم ايدك انتى اللى علقت وازدتينى ثقة بنفسى


احمد الشاعر

سارة نجاتى said...

و ايش عرفك بقى يا فالح أنك أكبر منى ؟

بتلم عنى معلومات بأى طريقة , مش منولهالك يا سى يا أحمد

و بعدين يا أخويا " تسلم ايدك" تتقال لك أنت يا يا عم الشاعر أنت

elsha3er said...

سارة نجاتى

لا من غير ما تقوليلى انا عرفت من مصادرى الخاصة انك اسكندرانية وانك اصغر منى سنا ولو تحبى اقولك فى سنة كام اقولك انا فوق خيالك على فكرة


احمد الشاعر

انت تسال والكمبيوتر يجيب said...

دعوه

تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

سارة نجاتى said...

ده على أساس أنك ناصح يعنى ؟

طب أنا عارفة أنت عرفت منين

بتقرأ تعليقاتى فى المدونات التانية , بس كده , لأن لو عندك مصادر فعلا ما تقولى بدرس ايه؟؟ , أهى دى بقى مقلتهاش على و لا مدونة .

و بعدين يا ذكى , لما أبقى أصغر منك بسنة , و أنت فى تانية , يبقى أنا فى ايه ؟

و ده مخلنيش أعرف ايه سر اهتمامك برده ؟

برده مش منولهالك

سلام

Angel said...



الشاعر


بين حنيايا أحرفك الماسية
تسربت أحلى معانى العشق
فشكراً لك على بوحك الراقى
و إحساسك النقى كنقاء كلماتك
دمت نورا للجميع
بكل الخير و الصحة
تقبل ودى و تقديرى الأكيد

Angel Love

Angel said...



مبروك الشغل وربنا يوفقك وينور لك طريقك إلى كل خير

elsha3er said...

انت تسأل والكمبيوتر يجيب

شكرا لك


احمد الشاعر

elsha3er said...

سارة نجاتى

انا حريحك وحجبلك من الاخر

انا مش مهتم ولا حاجة وبعدين انا مش فى تانية

وما بتبعش ردودك ةلا حاجة مش فاضى انا بقى عشان ادور على ردودك عشان ابين انى عارف عنك كل حاجة

كل الحكاية انى اعرف حد يعرفك شخصيا بس كدة

يعنى مش بطاردك وممشى وراكى المفتش كولومبو ههههههه

سلام يا بلدياتى


احمد الشاعر

elsha3er said...

angel

اهلا بيكى منورانى فى اول زيارة وارجو ان لاتكون الاخيرة وان نكون على تواصل


بس بجد تعليقك ليا خلانى تنحت انتى خلتينى احس انك انتى اللى أبدعتى مش انا شكرا لتعليقك الرقيق دة



احمد الشاعر

elsha3er said...

angel

ربنا يخليكى ليا يا أختى الغالية


احمد الشاعر

سارة نجاتى said...

أنا جدعة جدا و ناصحة جدا(سيبونى أفرح بنفسى بقه) , و ابقى احترم دماغى يا بابا


طبعا أنا عارفة انك لا بتدور و لا أنا قلت الكلام ده فى التعليقات أصلا و أنا كنت عارفة أن فى حد قالك , بس ح أجيبه ان شاء الله



بس سيبك انت بتوقع فى الكلام بسرعة

أما بخصوص كولومبو

سارة نجاتى said...

فراحت عليك خلاص

TheGrace website / موقع النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.