Wednesday, October 22, 2008

ديانة مصرية

انا اسف جدا يا جماعة اتمسحت المدونة غصب عنى يعنى كله راح راح اهىء اهىء فا بليز سيبو اى تعليق عشان اعرف اتابعكم على الاقل عبال ما اظبط المدونة الجديدة دى على العموم انا نزلت اخر حاجة كنت كتبها
ديانة مصرية

من نظرة حبيتك وحبتينى ياصبية........والحب فى قلبك ظهر شعاعه فى عنية........بس المشكلة وانتى معدية.......شفت على ايدك صليب الكنيسية.......ووقفت وفكرت شوية فى المعركة المصيرية........وقلت اية المشكلة مادى حرية.......
ما اهه اليسوع نبى ومارية قبطية........ودى سنة محمد وسنة شرعية........ولقيت مرة واحدة ايدك بقت فى ايدية.......ومشينا مع بعض والديانة منسية........وركبنا بحر الحب وبقينا مركبية.......وقالتلى حتيجى امتى يا احمد ليا.......
بس خلى بالك دى ماما عندية.......قلتلها يامريم دى امى وحشيلها فى عنية........ولما مشيت رحت اجرت عربية........وخدت ابويا وامى والحبايب وهنية.........والزراغيت سبقانا ليها ......وامى تقول بس يا ولية.........وأول ما وصلنا لقيت الشوم وبلطجية مستنية.........بصيت لفوق لقيت مريم من الضرب مهرية.........قلتلهم يا ناس بحبها دى هى زادى والمية........قالولى انفد بجلدك مافيش مسلم يجوز قبطية.........مشيت والدنيا بتلف حواليا .......يا ترى الغلط فى مين ........فيا ولا فيها ولا عشان الفكرة شرقية........ولا المجتمع والناس ولا سيكوباتية.........وأى قانون ياناس يمنع انى أحب مسيحية.........غيرو بند الديانة لديانة مصرية........
غيروا بند الديانة لديانة مصرية........


مع تحيات\ احمد الشاعر
www.elsha3er1.blogspot.com

32 comments:

نيجار said...

أحمد
إزاي ده حصل
والله زعلتني
بص دور في جوجل اكيد هتلاقي بوستات قديمه بتاعتك
حاول تجمعهم
بس انت ما تزعلش نفسك
واحنا معاك
سلام يا شاعر

esraa said...

اتمسحت
/:

معلش ان شاء الله تعرف تعوضها

زعلتني بجد

حسن حنفى said...

معلق مرتين احتفالا بالمدونه الجديده بس تعرف انها بيضا خالص زي القطنه كده :)
القطنه مابتكدبش :d
ولا انا

سمكه وحده said...

ههههههههههههههههههههههه
اقول احسن
لا والله طبعا بهزر اما اسكت لا تتعمل فيا
عموما ربنا يعوضك بقي

مستنين جديد
تحياتي يا شاعر

ضد التيار said...

عااااااااااااااااااااااااااا

عااااااااااااااااااااااااااااااااااااااااا

عااااااااااااااااااااااااااااااااااااااااااااااااااااااا

ينى الكومنت بتاعى كما راح

عااااااااااااااااااااااااااااااا

عايزة حقى بقى هه

عاااااااااااااااااااااااااااااااااا

شمس النهار said...

يانهار ابيض
ايه اللي حصل واتمسحت ازاي
لازم تشرح اللي حصل في مدونه عشان ماحدش يغلط نفس الغلطه
هي اتمسحت امته ده انالسه كنت معلقه علي الموضوع ده
معلش ان شاء الله المدونه الجديده تكون احسن

آلاء said...

معلش المدونه اتمسحت
ان شاء الله المدونه الجديده تكون احلي بس انت مش معايا ان الموضوع ده حساس اوي و زي ما عند المسلمين جواز البنت من مسيحي او يهودي حرام عند المسيحيين نفس الكلام بس مش معني كده اننا منحبش بعض او نحترم بعض و كمان نكون صحاب كويسين اوي مع بعض

ماما أمولة said...

فكر جديد وجريئ ولكنه واقعي

احييك

Nabil Isamil El-Esawy said...

متابعينك يا غالي
و ان شاء الله تظبط المدونة في أسرع وقت
N@B!L
www.nabil-space.blogspot.com

EMMY BABY said...

حصل خير

المهم انها رجعت تانى

تحياتى

ايمى

عمر said...

برافو برافو

جميلة جداً

تحياتي

الازهرى said...

اول تعليق

الازهرى said...

صديقى العزيز

الوطن ليس ديانة
ولكنه وعاء مرن يحمل كل الديانات والتيارات بداخلة بحيث تنصهر جميعها فى بوتقة
المصرية

تحياتى

رئيس التحرير: said...

ولا تزعل يا عم احمد
اتمسحت اديك عملت غيرها
ودي أكيد احلي من غيرها
بس مش حرام والنبي فيه حد يعجبه الاعور
السفاح في دير ياسين المجرب في حرب 67
ولا العالم كله بيقول قاق من هتلر وانت تقولي مظلوم
عموما دي حريه
طيب وجمال عبدالناصر
عملنا له ايه
والي جم بعده عملوا فينا ايه
ياعم كلوا بلطجيه

أختكم فى الله said...

يا عينى

ايه المقلب الوحش ده

كل المدونة راحت
!!!!

معلش

قدر الله وما شاء فعل

لعله خير باذن الله

dina seliman said...

ليه كده بس
ايه اللى مسحها
معلش تعوضها باذن الله

وبالنسبه للبوست
رااااااائع
بجد عجبنى جدا جدا جدااا
وربنا معاااك

حسام وريمان فى هاكونا مطاطا said...

السلام عليكم

معل معلش

سلعات كتير بتحصل غصب عننا والمدونه تتحذف

معلش

المهم حمد الله ع السلامه

بس بجد كلماتك ما شاء الله

جميله خالص

مع تحياتى

Anonymous said...

خيانة

فين الاتفاق بتعنا

عموما الجيات أكثر

؟؟

ندا منير said...

واو

فكرة جامدة قوى اللى بتتكلم عليها دى
فكرتنى بفيلم حسن ومرقص

للاسف احنا فى مصر محتاجين نعمل مسح مخ لافكارنا الغريبة
وطبعا من ضمن الافكار دى انه مينفعش مسلم يحب مسيحية مع انه يجوز لكن لو العكس هنقول ماشى مينفعش فعلا

والحب اصلا ملوش كبير
ومش بايدينا

بس فكرتك عبجانى قو ىقوى

وبالنسبة للمدونة فمعلش

هو اكيد حد حسدك
الله اعلم مين بقى
مش عارفة
ممكن يكون انا
هههههههههههههههههههه

رؤية said...

امممممم
انا كان لياتعليق على البوست دا ..راح فييين
تقريبا كان فى اللى اتمسح
عموما
انت فنان فى الكتابة ما يختلفش عليك اتنين
لكن الموضوع فى حد ذاته محتج كلام كتييييير
لكن لو هانتناوله من ناحية الوحدة وعدم التعصب الطائفى نقدر نقول انه جه فى الصميم....بس... لو بنتكلم عن الوحدة الوطنية

تحيااااتى

سارة نجاتى said...

أوعى تبطل تكتب شعر أو لما تتخرج تكبر دماغك, أنت عندك موهبة مش طبيعية , لكن احنا ح نخسر بعض فى موضوع غاندى ده , الرجل قتله الهندوس بتهمه العمالة مع المسلمين , و هو صاحب فكرة المقاومة السلبية بدون اطلاق رصاصة واحدة , عايزة قتل مين امتى ؟

ابقى نور المدونة عندى

سلام

أكون أو لا أكون said...

أحمد كيف حالك...
المدونه بقت فـــــــــــــل... جميله جدا ... على خير إن شاء الله
...

elsha3er said...

ياجماعة انا بشكركم جدا لوقفكم جانبى والله انا طلعت من المدونة دى ب أخوات بجد واصدقاء ماكنتش حجدهم فى اى حتة ربنا يخليكو ليا يارب

احمد الشاعر

elsha3er said...

صحيح ياجماعة كل الناس الحلوة اللى علقت عندى وكانت اول زيارة ليهم انا جاى عندكم انشاء الله قريبا واكيد حنكون على تواصل

احمد الشاعر

hager za3bal said...

اولا لازم تجمع اللي اتمسح
حاول تدخل علي جوجل وتجيبهم تاني

ثانيا فكرة البوست جامده جدا يا احمد
بجد جميله اوي
ان كلنا نبقي بنتعامل من غير تعصب وكره
كلنا مصريين
كلنا اصحاب كتب وبنحترم بعض وبنحب بعض
ياااااااااااااه
بجد بوست هايل يا احمد

عجبني اوي الكلام دا
ولقيت مرة واحدة ايدك بقت فى ايدية.......ومشينا مع بعض والديانة منسية........وركبنا بحر الحب وبقينا مركبية.......وقالتلى حتيجى امتى يا احمد ليا..

انت حد موهو اوي دايما بتخليني اسرح مع كتاباتك

دمت مبدع

تحياتي

hager za3bal said...

معلش يا احمد
انا مقصره معاك ومش عارفه اتابع مدونتك زي الاول
اعذرني الدراسه واخده كل وقتي
ادعيلي
ويارب تكون بخير
:)

قطرات من شواطئ الحياة said...
This comment has been removed by the author.
محمد عبد الباسط said...

والله يااخ احمد دى يمكن المره الرابعه او الخامسه انى اقرا الموضوع ده صحيح مش علقت من اول مرة بس اعذرني
اسمح لى اقول لك متتاخرش انا بنتظر جديدك واوعى تنسى حكامنا العرب من شعرك دول طيبين ويستاهلوا كل خير

حلم كبير

موناليزا said...

وعشان كده ملقيتش تعليقى
طب يعنى نعلق تانى ولا انت قرأت التعليقات قبل عملية الازالة

elsha3er said...

ياجماعة انا كنت متابع تعليقاتكم قبل عملية المسح والحمد لله انا كنت كاتب كله عندى

احمد الشاعر

elsha3er said...

هاجر ولا يهمك المهم ان انتى فكرانا

سلام

احمد الشاعر

mahasen saber said...

ايه ده يا احمد انا كنت معلقه هنا عندك راح فين التعليق وبعدين ايه موضوع المسح ده ....
خير معلش متابعتش من اخر مره كنت هنا وسبت التعليق