Monday, October 27, 2008

على لسان سيادته

السلام عليكم اولا هذا الموضوع لا يعبر الا عن رأى كاتبه القصيدة بعنوان على لسان سيادته يارب تعجبكم
على لسان سيادته
ابين زين ابين .......وابص فى الفنجان..
واشفلك الابراج......واجفف الوديان...
واعمل عمل مسوجر......ينطح ولا الجديان
وازود البطالة.....وادمر الجدعان.....
واخلى الفقير شبعان.....واخلى الشبعان جعان.....
ابين زين ابين.....وابص فى الفنجان.....
وابهدل الشجعان.....واخلى الشجاع جبان......
والحى يموت من خوفه......وفى كله انا الكسبان
وحعمل اللى اشوفه......واتفرجه من الان....
ابين زين ابين ......وابص فى الفنجان......
وحبررلك يا شعبى......قد اية انا غلبان....
الناس اللى معتقلها .......دى ناس ما لهاش امان
حتبوظ النظام......وتدمر المكان.....
ويقولو مصر بايظة .......وبالارهاب المكان مليان
واخسر الخصخصة.......وتخطيطى بتاع زمان
ويرفض الاجانب .......يعدلو فى الميزان
عرفت قد اية....... ياشعبى انا غلبان....
وحقولك حاجة تانية......وشوف مين الغلطان
لو كنت زعلان على رفح.......واللى فيها واللى كان
تعالى معايا شوف......قد اية انا زعلان
انا برده ياشعبى زيك.......عربى ووطنى من زمان
بس ما بليد حيلة.......دة رأى الامريكان
احبس فلان دة احبس......فى اللحظة والزمان
قالولى يوم ياحسحس......اقفل حدودك يامان
قلتلهم واسرائيل.......قالولى زيك كمان
اتاريهم حيبهدلوهم........ويحبسوهم فى المكان
راح دقت العروبة........وفى قلبى جه الحنان
وجربت يوم اساعد.......وأغير اللى كان.
وابعت لقمة هنية.......للست والعجزان
وفنطاز مليان فى مية.......نروى بيها العطشان
او حتى بطنية.......ندفى بيها السقعان
وفجأة سمعت خبر......فى نشرة البيان.
ال منعت المعونة .......بأمر الامريكان
سبيت ابو العروبة.......وقلت انا كدة خسران
وقلت المعونة اولى ......من فلسطين والكيزان
يغوروا هم فى داهية.......خلى المعونة تبان
اروح اصيف بيها........ونقط على شعبى الغلبان
بالزمة كدة يا شعبى......اكون انا غلطان
ابين زين ابين.......وابص فى الفنجان

احمد الشاعر
www.elsha3er1.blogspot.com



56 comments:

شمس النهار said...

مش ممكن قصديه كوميدي جدا
شكلك هتشرف في شوف انت تحب تكون فين
طره والاالمزرعه والا الحربي مع بتوع شغب الكوره
شوف نفسك في ايه ياريس شاعر
بس قصيده حلوه حلوه جون يعني

Anonymous said...

أهلا يا شاعر
شكرا على سؤالك
و الله أنا مطمرتطة أوى و الله ما عندى وقت حتى أتفرج على نفسى فى المراية







القصيدة تحفة و على فكرة ضحكتنى اوى
أنت بجد محصلتش

nabil said...

قصيدة جميلة وكلها حقائق عن اللي اسمه ***
شكرا
N@B!L
www.nabil-space.blogspot.com

كـــيــــــــارا said...

انا تعبت بجد تعبت هو كله اخبار تقتل كده

مفيش حاجه تفرح

اسلوب حلو بس الكلام يوجع

حسن حنفى said...

ههههههههههه

دايما بكون معجب باللي سيادته بيقوله وكمان غصبن عني
:)

مهرة سالم said...

يا شاعرنا..
دائما تتحفنا بأفكارك...
الشعريه...
............
دمت بخير

mostafa rayan said...

ازيك يا نجم
بص بالنسبة للقصيدةهي حلوة بس انت محتاج تظبط الأوزان شوية
حاول تقرا شعر فصحي كتير شعر من القديم اللي بوزن وقافية ليس شعر النثر الحداثي هذا حاول كمان تقرأ في علم العروض
- كلمةبقي وياريت تقبلها مني انت بتقول على السايد بار ياعم احمد بحبك وياريت ابقى زيك .. بص ياعم حب اي حد زي مانت عايز لكن خليك نفسك انت
اكتب بطريقتك انت وبروحك انت وبأحساسك ومشاعرك انت ماتبقاش نسخة من حد
كمان مايبقاش كل طموحك تبقي زي فلان لاء لازم حلمك انك تبقي احسن منه وتتفوق عليه وتسبقه بمراحل مهما كان مين الشخص دة والمكانة اللي وصل لها
ماتخليش لطموحك سقف احلم انك توصل للقمر وتمسكه في ايديك ولو قدرت تعديه عديه
ياريت تتقبل رأيي
وسلامي وتقديري لك

elsha3er said...

شمس النهار

طبعا سيادتك منورة مش شمس النهار فا اكيد منورة

اما عن المعتقل والله ما تفرق ما انا كدة كدة حضرب


احمد الشاعر

elsha3er said...

فركشاوى ناوى

ياسيدى اأمر بس


احمد الشاعر

elsha3er said...

انا ودماغى

اهلا بيكى والله انتى غريبة انا وغيرى لما دخلنا الكلية عشنا حياتنا مش عارف ازاى يعنى انتى العكس حاولى ما تحسسيش نفسك انك تعبانة دايما وانك خايفة لا خديها سنة عادية جدا وربنا يعينك

وشكرا على كلامك

احمد الشاعر

elsha3er said...

نابيل

اهلا بيك وانشاء الله انا جايلك بس ادينى يومين معلش عشان مشغول


احمد الشاعر

elsha3er said...

كيارا

يازميلة القسم ولا لأ خلاص بقى اللى على على انا مش بقر انا بحسد بس

على فكرة انا حاولت اخلى الموضوع كوميدى عشان يبقى سياسة وكوميديا مش كئابة انتى بقى اللى تفسويتك تعبانة شوية

احمد الشاعر

elsha3er said...

حسن حنفى

ومين ما يعجبوش كلام سيادته دة كلامه كلام موزون


من بقه كدة على الجون

وكمان بيجيلى نفس الاحساس لما بسمعه على الحقيقة

احمد الشاعر

elsha3er said...

mk

اهلا بيكى وشكرا اوى على المجاملة اللطيفة دى

احمد الشاعر

mahasen saber said...

ايه يا شاعر الجمال ده بس انا مع راى شمس النهار هههههه ابدأ اختار مكان منهم عشان تنمى فيه موهبتك ...وبعد الشر عليك طبعا ربنا يبارك فى حياتك ومستقبلك
.......
ومع راى مصطفى فعلا محتاجه تضبيط شويه بس انتا فعلا موهوب وتستحق الاهتمام والرعايه الادبيه فى بداية طريقك اكيد هتبقى شاعر مهم
..........
وانا اسفه يا احمد قوى على التاخير

elsha3er said...

mostafa ryan

اهلا بيك والله يا مصطفى الشعر الحديث حرر نفسه من الوزن والكلام دة خلاص بقى ممكن يشبه النثر او شعر بدون وزن او شعر بوزن الشعر الحديث براحتك فيه خالص وخلاص ما بقاش فيه كلاسيكية زى زمان


اما عن نجم انا عمرى ما كنت نسخة من حد لان دة شىء مستحيل عمر ما انا اقدر اكون فلان بالذات لو معرفش ابعاد شخصيته فما اكتبه هو انا

اما عن احلامى اة نفسى اكون زى نجم دة كل اللى احب اوصله شعريا مش اكتر من كدة هو دة فعلا سقف احلامى لكن الحلم العام اللى يخص الشهادة او مستقبلى فهو دة اللى مالوش فعلا سقف


اشكرك

احمد الشاعر

elsha3er said...

mahasen saber

اهلا بيكى من غير اسف ولا حاجة وانا اى مكان وخلاص اروحه اية المشكلة ثمن الحرية غالى اما بالنسبة للوزن انا قلت فى تعليقى لمصطفى ان الشعر الحديث اتحرر من الاوزان


احمد الشاعر

خالد فوده said...

ههههههههه
يا شاعر يا متألق
دائما مبدع كده
ايه يا عم بالراحه علي سيادته

☼♫♪ عمــاد الدين يــوسف ☼♫♪ said...

جمده اوي يااحمد
وخصوصا الحته بتاعت المعونه والحدود
ههههههههههههههههه
بجد انت فنان كبير اوي اوي
لك كل تقديري

تحياتي

عابرة said...

بطلت اعرف انت شو بدك ؟؟؟
يوم سياسي يوم كوميدي يوم رومنسي
شخصيتك دامجه كل شي

ومن هاي القصيدة الظاهر انك ناوي تدهور حالك
قصيدة سياسي ضاحكة مفهمتش كتير كل الحكي بس فهمت انك بتكره الحكومة لدرجة كبيرة كتير او بتكرة تعاملها مع عامة الشعب وانتبة عامة مو اسياد
مو بس من هاي القصيدة ومن كل قصائدك
تعرف الظاهر الكره معي ومعك كمان
انا بكره الحياة وانت بتكره الحكومة في تشابه بكلمة كره لا غير
*********************
بالمناسبة بتمنى تكتب بشي بفرح ولو لمرة واحدة لاني حابي شوف كتابتك بالطعم الفرح مو المر
**********************
تقبل مرور عابرة واتمنى ان يكون ما قلته صحيح

princess said...

ابين زين ابين وهنروح فى خبر كان هههههههه
برده مش ناوى تجبها لبر يابنى بلاش بدال منجى نزورك ورا الشمس
بس على فكرة ضحكتنى اكتر من الضحك اللى ضحكته على البوست بتاعى ههههههه
واقع مؤلم لازم اضحك
تحياتى

Unknown said...

هي كويسة..
بس يا ريت تراجع الموسيقى الداخلية ..
يعني اقرا الحاجات كدة
هتلاقي في الوسط جمل اطول من التانية
و دة مخليها موسيقيا مش مظبوطة
:)
تمنياتي بالتوفيق ..
تحية خالصة .

أكون أو لا أكون said...

أحمد...
أسفه جداً على التأخير...بس والله مش بإيدي...
__________________________


حلو أوي الموضوع... فعلا حسحس حاول يعمل حاجه في المره الأخيره... لأن الامريكان كل مابذل الواحد نفسه ليهم بيطموعوا بذل أكثر... ويبدو إن صاحبنا إنتبه متأخر جداً على الحكايه ده... وقالك خليني أتحرر من تسلهطم عليّ... بس على ميـــــــــــــن؟ بعمد ما الفاس وقع في الراس...؟ محدش يقدر يتمرد ولا يتحرر من العم سام...

رائع البوست يا أحمد ...

WhItE HeArT said...

سيبك من دي

لكن ايه ياابني الابداع اللي في ديانة مصرية ده

بجد عجبتني جدا
وفكرتها جديده والقائها جميل

بجد بحييك من قلبي

وعلى فكرة احنا بنشترك احنا الاتنين في المثل الاعلى انا برضه من عشاق الفاجومي احمد فؤاد

اول زيارة ومعتقدش هتكون الاخيرة

تحياتي

شخـا بيــط مـحـجـوب said...

اخبار ياشاعر تسمحلى اكون صديق جديد على مدونتك

قصيدة جميلة جدا جدا بس خلى بابك على نفسك
تحياتى
شخابيط mahgoub

البحث عن الذات said...

كلام قوي
شعر لطيف
وخفيف الظل

بس ايه نعمل ف ناس راح سمعها
وبصرها ضاع
ووجعنا زاد بسبب ارفهم
ربنا يستر علينا جميعاً
.............

سارة نجاتى said...

بقى بذمتك الكلام لا يعبر عن رأى كاتبه ؟ , ليه ؟ بيعبر عن رأى خالتى مثلا . ( و ان كان رأيها لا يختلف كثيرا (
جدع يا أحمد , عجبتنى

أما بالنسبة "لغاندى" , يا قاتل يا مقتول

ههههه

سلام

وردشان smilyrose said...

ابين زين ابين وابص فى الفنجان

من كتر قسى الشعب الغلبان اتملى الفنجان

اتملى قسية وحرمان وأهات ملية المكان

دموع وجروح والالام ملهاش حدود

شعب غلبان دايما مليان بالهم دايما تعبان

وهنعمل ايه سيته بيحاول يعدل الميزان

ميزان بس مش عادل يطوح فى الانسان

ميزان ظلمه بقى مالى المكان

بس هنعمل ايه والفنجان بقى على الخر

مليان

وابين زين ابين وكفاية املى الفنجان

الله عليك يا شاعر

بس شكلنا كدا هنكون فى الفنجان

هههههههههههههههههههه

smilyrose

روح الحب الصادق

قلب شاعره said...

هههه لا سمح الله مش غلطان ولا حاجه .. خلاص صدقنا انك غلبان ...

elsha3er said...

خالد فودة
منورنى على فكرة سيادته دة حبيبى


احمد الشاعر

الازهرى said...

صديقى العزيز

كلمات فى الصميم

تحياتى

elsha3er said...

عماد الدين يوسف

والله دابما بفرح لما بلاقى اسمك فى التعليقات

وبعدين لما انا فنان تبقى انت اية يا عمدة اكيد تبقى استذنا

احمد الشاعر

elsha3er said...

عابرة

اهلا بيكى انا كل دة الشاعر لازم يكون كل حاجة بس من حقه انه يميل لشىء معين هو حسه

اما عن القصيدة دى فهى سياسى كوميدى على طراز الكوميديا الالهية لو تسمعى عنها اما عن انك ما فهمتى منها كتير دة ممكن لان الجزء الاول ماحدش حيفهم الا لو كان مصرى وعارف نظام الاعتقالات فى مصر

اما الجزء التانى من القصيدة فهو عن رفح ودة سهل فهمه وعلى فكرة الكلام دة حصل فعلا

اما عن الكرة انا عمرى ما كرهت الحكومة ولا بهاجم عشان اكره لو انا كرهتها يبقى انا حتى لو الحكومة انصلح حالها ابقى انا مش عايزها بالعكس انا كل دة من حبى لمصر لو الحكومة انصلحت خلاص ما فيش مشكلة لانى مش كارها بل بحب بلدى

ان شاء الله تشوفى طعم الفرح على ايدى قريب

وقدرى انتى بقى انتى صح ولا

احمد الشاعر

elsha3er said...

princces

اهلا بيكى منورانى

اضحكى ما حدش واخد منها حاجة

بس انا كل خوفى لا يسلطو عليا كلب هههههههههه


احمد الشاعر

elsha3er said...

قهوة بالفينليا

اهلا بحضرتك

ممكن تكون اللى انتى قولتيه صح بالنسبة لقرأتك والكتابة هنا على فكرة انا عندى بكون مظبتها وزن والقاء فا ممكن حضرتك ما تعرفيش تقولى الالقاء اللى انا عايزه هى دى الفكرة


احمد الشاعر

elsha3er said...

اكون او لا اكون

ولا يهمك المدونة مدونتك يعنى انتى عمرك ما تأخرتى عنها

وزى ما انتى قلتى كويس ان انتى حاسة بالى انا عايز اقوله


احمد الشاعر

elsha3er said...

white heart


اهلا بيك الحمد لله ان ديانة مصرية عجبتك اما عن الفاجومى كويس انى لقيت حد بيحبه معايا


احمد الشاعر

elsha3er said...

شخابيط محجوب

اهلا بيك وانت اكيد اخ وصديق وانا قافل بابى كويس


احمد الشاعر

elsha3er said...

البحث عن الذات

اهلا بيك وشكرا على كلامك اللطيف ليا

احمد الشاعر

elsha3er said...

سارة نجاتى


اهلا بيكى على فكرة انتى قرأى غلط لا يعبر الا الا الا عن رأى صاحبه اللى هو انا يعنى بخلى مسؤليتكم انتم لو حصل حاجة

اما عن غندى حديدى مكان وميعاد المناقشة وانا على احر من الجمر وحقنعك يعنى حقنعك انتى فى ملعبى

احمد الشاعر

elsha3er said...

smilyrose

اهلا بيكى اية دة انا كدة اضمك مع الفريق انا كاتب برة انه لايعبر الا عن رايى كدة انتى معايا يعنى لو حصل حاجة حفتن عليكى

ابدعتى معى

احمد الشاعر

elsha3er said...

قلب شاعرة

هو دة القرار اللى انا كنت مستنيه


منورانى والله


احمد الشاعر

elsha3er said...

الازهرى


اهلا بيك زشكرا لكلامك ليا


احمد الشاعر

عابرة said...

توقعت هذه الاجابة من شخص يعشق وطنه
هيا ايها الشاعر اريني ما لديك في القصيدة القادمة

سارة نجاتى said...

الحكاية لا محتاجة مكان و لا ميعاد , اكتب بوست عن الموضوع ده , بس عشان مابقاش فى ملعبك يا ناصح . سلام

"عبير النجار "نيجار said...

تصدق أنا علقت أول ما نزلت البوست ده بس عماله أدور مش لاقياه والله الوصله دي هتجنني
المهم هعيد الكلام
إنت بتجيب الكلام ده منين
هو صح يودي في ... إحم
بس روعه يا شاعر
تحياتي ليك

Unknown said...

جميله اوي

عجبتني بجد

elsha3er said...

عابرة

من عنية.... المرة الجاية

بس اأمرينى....وانتى تلاقينى

فى ايدك قلم......او محبرة


احمد الشاعر

elsha3er said...

سارة نجاتى

حاضر من عنيا انا حنزله موضوع بس شعر ولو ما وفاش كل التساؤلات امرى لله حكتبه موضوع ونزله على المدونة التانية فجر التاريخ مع انى ما كنتش عايز ابتديها مع شخصية زى دى


وعلى فكرة انتى كدة كدة فى ملعبى وضامن النتيجة6\0 ليا

احمد الشاعر

elsha3er said...

نيجار

اهلا بيكى انتى تعلقى فى اى وقت احنا تحت امر المديرية كلها
هههههههه
اما بقى عن الكلام دة بجيبو من عن خالتى
هههههههه

بهزر طبعا الكلام دة الحمد لله هذا من فضل ربى دة اللى اقدر اقوله


احمد الشاعر

elsha3er said...

esraa

اهلا بيكى منورانى والله والحمد لله انها عجبتك

احمد الشاعر

Mona Shereif said...

السلام عليكم

اقولك الصراحه
اول ما دخلت المدونة ولقيت الصور اللى فى الجنب دى كنت فاكراك هتديها سياسه
وانا بصراحه مش بحبها نهاااااااااائى
واقولك حاجه كمان
انا فرحانه ان مدونتك القديمة اتمسحت
ههههههههههههههههههههههههههه
والله مش علشان حاجه وحشه
علشان اتابعك من الاول بس
ههههههههههههههههههه
شفت بقى حظى حلو ازاى
وبجد البوس اللى قبل ده جبار ماشاء الله
اسلوبك جميييييل اوى وحباه
ربنا يوفقك يارب
ان شاء الله هكون عندك على طووووووول

Mona Shereif said...

البوست اللى فات
ديانة مصريه جميل جميل بجد
تحياتى

محبة للحبيب محمد صلى الله عليه وسلم said...

قصيدة تودى ورا الشمس ومااجملها من حرية هناك بقى

ربنا يحفظك وننتظر دوما المزيد

راعى الناقه said...

ايه يا عم احمد التخبيط دا انت اكيد الموتور معاك فيه شنبر مكسور ولا حاجه
معلش متفهمش كلامى غلط دلا كلو كدا هزار معلش
بس انا اتصدمت حقيقتا من الاخوان الفاشيون ايه دى هجوم على الاخوان ولا ايه بالزبط يا ريت توضح لى علشان حصل عندى لبس جامد انا دايما بهجم على الاخوان بس مش بالطريقه دى يعنى على اللى فهمتوا انك بتشبهم بالفاشيين الشيوعيين الكفار طب ازاى وهم مسلمون معلش يمكن انا فهمت غلط اتمنى ذالك معلش تقبل كلامى بصدر رحب
تحياتى

Maha Shahen said...

يا نهار أبيض عليك اما حتت قصيده
بس كانت عايزه شوية تظبيط يا أحمد
علشان تبقى ملهاش مثيل
انت كتبتها بسرعه ولا ايه
مضمونها جميل وتهلك من الضحك
مهو هم يبكى وهم يضحك
يلا ربنا يوفقك في تقدم مستمر
خالص تحياتى وأحترامى ليك