Wednesday, March 9, 2011

أصبح كذالك


أصبح كذالك
هدوا المساجد والكنايس
وسكتت أجراس المسيح
وصوت بلال على المأذنة
أصبح جريح
والأعتقاد ساد العقول
واضح صريح
البركة حلت من الصليب
او من زيارتك للضريح
فى شئ غريب فى شئ عجيب
والوضع أصبح مش مريح
كل الملامح اتغيرت
خير القلوب أصبح شحيح
والمحبوبين المرغوبين
أكبر مثال للمرجلة والأنضباط
هم اللى كلامهم أبيح
والطيب اللى طباعه
الأحترام ينداس علية
يصبح دبيح
ماشى بدور فى الوشوش
زهور دبلانة على الشجر
سيف الأسى قتل البشوش
سمة الخيانة بقت مديح
الكل تايه فى المكان
والوضع أصبح شقلبان
تصرخ تصيح
الحق أهه
باب الضلال أصبح فسيح
الكل ماشى محدش
حتى حاول يسمعك
تحس بضعف وأنك غلط
وهم فى الوضع الصحيح
يا أهل الهلال يا أهل الصليب
هدوا المساجد والكنايس
وسكتت أجراس المسيح
وصوت بلال على المأذنة
أصبح جريح
والوضع أصبح مش مريح
الوضع أصبح مش مريح

17 comments:

gogo!sf said...

مساء الخير اولا

ثانيا انا منسحبتش من الجروب

ومعرفش مين اللى حذف موضوعاتى وكمان معرفش الشخص المحترم اللى دخل غلط فيا من غير ما يكون فى حوار بينى وبينه اصلا وبعدين عيب اوى لما يكون حد فى سنه ويتكلم بأسلوب مش مهذب انا كنت ناويه ارد عليه بس احتراما لسنه مش هرد ولومش حابب يحترم سنه فهو حر بقى ومش مسئوله عن الاسلوب اللى هتصرف بيه وعلى العموم بشكرك لاهتمامك
واحب اقولك ان الموضوع ده مرتب لحد معين ومش صدفه ابدا وانا بقول تانى انى معرفش الشخصيه دى نهائى ولا سبق وقريت اسمه حتى عند حد اعرفه

وميرسيه ليك ....بس انت لحقت تعرف اللى حصل ازاى بالسرعه دى صحيح
على العموم انا بشكرك مرة تانيه على تعليقاتك واهتمامك بالموقف

سلوى said...

كلمات جميله فعلا
ما شاء الله

عمرو يسرى said...

احسنت
كلمات ومعانى رائعه

واحد من الناس said...

صحيح

الوضع أصبح مش مريح

سلم قلمك

sony2000 said...

وربنا فعلا مش مريح
وبأذن الله هنقدر عليهم
لان ربنا هوا اللي حاميها

gogo!sf said...

احمد ميرسيه جدا جدا لزوقك ولاهتمامك
بجد بشكرك من قلبى على اسلوبك المهذب

ميرسيه مرة تانيه يا قمر

صباحك جميل يا شاعر

gogo!sf said...

هو فعلا الوضع مش مريح

بس اكيد هبجى اليوم وهيزيحوهم من الطريق... وكل ظالم له نهايه ...وكل جبار ميعاده قريب

كلماتك جميله جدا يا احمد

تسلم ايدك يا قمر

Prince-Palestine said...

كلمات قوية فعلا


تحياتي لقلمك


دمتم بخير وإبداع

♥نبع الغرام♥♪≈ said...

ربنا منتقم جبار


وكل ظالم اكيد له نهايه
ربنا يرفع عنا البلاء

تحياتى ليك ولكلماتك الروووووووووووووووعه

موناليزا said...

فترة مؤقتة علينا جميعا استحمالها وستعود بلدنا أحسن من الاول بمراااحل

ندا منير said...

دايما هيكون الهلال مع الصليب

ومحدش ابدا هيقدر يعمل فتنة طائفية فى مصر

وانهاردة اثبتوا دا فعلا

♥نبع الغرام♥♪≈ said...

ازيك يا شاعر
يارب تكون بخير

بدعوك لمدونتى للاحتفال بعيد ميلادى وعيد ميلاد مدونتى

بإنتظارك

hend anwar said...

الكل عارف مين اللى عمل العملة

كلماتك جمييلة جدا
تسلم

Anonymous said...

طول عمر مصر النصارى والمسلمين مع بعض

بس فى ناس غريبه بتعمل حاجات غريبه رغم انهم مصريين سواء مسلمين او نصارى
فليه انت بتعمل كده
فكك مسلم ولا مسيحى
المهم مصر تبقى فى امان
الدين لله
والوطن للجميع

ماعلينا

ليا تعليق عالقصيدة

بعد
يا اهل الهلال يا اهل الصليب
المساجد والكنايس

تفتكر كان عشان الترتيب يبأه الى بعدهم

صوت بلال الاول
وبعدين اجراس الكنائس

هى عموما حلوة
بس بأه

شمس النهار said...

عجبتني كلماتك

انت لخصت اللي في عقل وقلب كل مصري ببساطه

Anonymous said...

صباح الورد

للأسف هذي محاولات قذرة لجر مصر لفتنة طائفية الهدف منها واضح لكن الجميل في الحكاية أن المصريين كانوا واعين لهذه الحركات التي تهدف لتدمير مصر ...

أسلوبك رائع يا شاعر ويذكرني بفؤاد نجم شاعر الشعب ...

تحياتي

ساسو said...

كلمات جميله جدا
ومدونتك قمه في الرقه

يسلم قلمك وقلبك