Monday, August 17, 2009

السلام عليكم بجد وحشتونى جدا جدا

دى تانى اغنية

من كلماتى

جيتار/محمد عبد الرازق

الاغنية تسجيل موبايل

وضح رأيك فى كل جزئية رأيك يهمنى

اسمع لانك تفرق معايا

كلمات الاغنية
طلع كلامها


طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد
هى اللى جت وقالتلى
انك غيرى بتحبى
وانا ذنبى اية قولى
خلاص من حبك انا
اتأكدت
طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد

ياحبييبى انا حفضل
احبك
ولا يوم انا حبعد
عنك
ولا حسمح يوم تسبنى
دة انا قلبى ليك
خلاص اتشد
طلع كلامها
جد فى جد
بتحبنى ومافيش
غيرى حد
وانا اللى كنت
ظالمها ارحلها
لو تتشال الدنيا وتتهد

تحياتى

احمد الشاعر

34 comments:

Anonymous said...

2wel t3leeeeeee2
ana b7gz
w gaya
naira

Anonymous said...

همممممممممم
بص ياابنى
اولا
الجيتار حلو
بس حاسه ان التلحين كان المفروض ياخد شكل تانى يا محمد
يعنى تقريبا الاغنيه كلها واخده نفس نفس شكل التلحينه
على حسب مااخدت بالى
المهم
وخالد
صوته حلو بردو
بس بردو محتاج يتحكم اكتر لان فى حته الصت بردو اختلف على حسب ما فاكره
والكلمات دميله يااحمد
بس الاغنيه قصيره اوى



سؤال معلش
هو فى الاغنيه
بيكلم
صاحبه
بس
صح
انا تقريبا على حسب نطق خالد
فكده
هو بيكلم
حبيببته
وصاحبه
فى الحته بتاعت انك غيرى بتحبى
حبيببته
وطلع كلامها جد فى جد
صاحبه
وقولى
صاحبه بردو
المهم


شد حيلك
وربنا يوفقك

مين دى يا استاااااااذ؟؟!!!
هه
:D:D:D:D
naira

Anonymous said...

قصدى الكلمات جميله
جميله بجد
ماشاء الله

Anonymous said...

ياسلااااام
اول تلات تعليقات أنا
:D

وردشان smilyrose said...

السلام عليكم

اخبارك يا شاعر

كلمات جميلة

وليها معانى رائعة

والصوت كمان جميل

ربنا يوفقك

اجمل شئ انك مسجلها على صوت الجيتار

وانا بحبه جدا

أبو العريف said...

كلام ميه ميه

انا كمان عندي كلام كاتبه من زمان

بس حاليا معدتش بكتب

كلام جامد

تحياتي

Maha Shahen said...

هى جميله جدا بس اللحن مش مخلى كلماتها تمر بسلاسه
بالذات لما بتيجى فى اروحلها لو تتشال الدنيا وتتهد وتلاقيها طولت المفروض اللحن كان يحاول يداوى الجزئيه دى او تغيرها وانت الشاعر بقى يعنى مش هيستعصى عليك قلمك
بس فى المجمل تجربه بجد ليك خالص التحيه عليها
واللي بيغنى صوته جميل بس ساعده بالكلمات واللحن اكتر
وموفق دايما يا رب

ندا منير said...

اولا بس الله ما شاء الله على صوتك بجد

بجد تحفة يا احمد فعلا تحفة صوتك وبهنيك وبقولك باذن الله ليك مستقبل حلو قوى

وبالنسبة انه موسيقة جيتار بس فدا جميل قوى قوى وصوتك مشجع انه ميكنش فيه موسيقى مغطية او تقوى صوتك

بس فى ملحوظة عايزة اقولهالك

بين كل كوبليه افصل شوية وغير اللحن مثلا يعنى اقصد متغنيش كله ورا بعض

بس لكن مفيش اى حاجة نقصاك اكتر من كدة

♥نبع الغرام♥♪≈ said...

السلام عليكم

ايه الغيبه دى ياشاعر قلقتنا عليك

كل سنه وانت طيب
رمضان كريم


بجد انا بعشق صووووووت الجيتار قووى رقيق جدآ
والكلمات تحفه وربنا
مزيد من التوفيق والرقى

مودتى

شمس النهار said...

ازيك
ياشاعرنا الهمام
ايه الجمال ده انت مديها اغاني وكله تمام
ياتري اخبار النتيجه ايه ياريس
كل سنه وانت طيب وبخير وسعاده

شمس النهار said...

اه علي فكره المغني صوته حلو بس محتاج يتمرن اكتر علشان صوته يبان اكتر وفيه رنة حنيه كده لطيف

mohamed ghalia said...

كل سنة وانت طيب ياباشا
ورمضان كريم عليك

حسن حنفى said...

كل سنه وانت طيب

شيماء زايد said...

كل عام وانتم إلي الله أقرب رمضان كريم
همسة ود غير مكتوبه
كارت رمضان من تصميمي
اتمني يعجبكم http://hmasat-elqlm.blogspot.com/

Anonymous said...

بص يل نيرا مع احترامى لرأيك طبعا بس للاسف
ان الاغنية كلها وخدة الرتم المأسوم فى الجتار وعشان كدة مبيتغيرش غير تغير طفيف عند النقل من بيت لاخر
وشكرا لاهتمامك ورأيك



محمد

Anonymous said...

معلش يا نور شاهين
اصل احنا معناش غير جتار بس وللاسف الجتار من الادوات الى بتجرى الكلمات بشكل تلقأى دون التحكم فى شكل الكلمة او مكانها وباردة احنا لسة بندور على الاحسن وشكرا لرأيك




محمد

سمكه واحده said...

اذيك يا شعرنا
كل سنه وانت طيب
ورمضان كريم

مهرة سالم said...

السلام عليكم ...
أخي أحمد كل عام وأنت بخير
ومبارك عليك الشهر

عمرو said...

كل سنه و أنت طيب و بألف صحه و خير ..
تمنياتى لك دوما بالنجاح و اٍلى الأمام دايما ..
تقبل تحياتى و تقديرى ..

المسلم الصغير said...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..

الازهرى said...

كل سنه وأنت وكل أحبابكوأصحبك فى خير وسعادة وسلام وهناء

وباذن الله دوما فى ابداع

Asmaa Fathi said...

كل سنه وانت طيب

ورمضان كريم

ربنا يوفقك

تحياتي

Anonymous said...

الكلمات جميله اوي
الولد ده صوته حلو اوي..

بالتوفيق .. :)

وكل سنه وانت طيب
رمضان كريم
معلش جت متأخره شويتين :$

blue-wave said...

الكلمات حلوة يابوحميد
بس عارف
كانت محتاجه جمله مردد تشد الودن
تتهد دى ضعيفه شويه
هيا مظبوطه من ناحية الوزن
بس ماتشدش
لكن فى المجمل
حلوة
تسلم ايدك

mahasen saber said...

يا مبدع الشاعر ماشى بخطواته بقوه

ربنا يوفقك يا شاعرنا الجميل

ورمضان مبارك عليك وعلى كل من تحب

ابقا طمنا على اخبارك وعليك اتفقنا

حروف said...

الاغنية حلوة والصوت حلو اوي بس في جزء انا مش فهماة
هى اللى جت وقالتلى
انك غيرى بتحبى
هي بتقول عليك انك غيرها
طب بتحبي ؟؟
ازاي مش فاهمه

اغنيه جميلة
دمت بالف خير

في لقاء في اسكندرية احب اشوفك حتلاقي تفاصيلة عندي
بقالي كتير مجتش هنا اعذرني علي عدم متابعه
دمت بالف خير وكل سنة وانت طيب

شمس النهار said...

ازيك
انت فين وايه اخر اخبارك

ومافيش بوستات جديده ليه

حروف said...

بقوللك هو في ميعادين واحد في العيد واحد في شهر 10
لو حبيت تسال عن اي حاجة خد اميلي من المدونة
دمت بالف خير

ساره النومس said...

ايوة يابن خالتي ابداعك ماحصلش :)

كل سنة وانت طيب

وعيدك سعيد يارب

ساره النومس said...

ايوة يابن خالتي ابداعك ماحصلش :)

كل سنة وانت طيب

وعيدك سعيد يارب

اقصوصه said...

كل عام وانته بخير

تمنياتي بقضاء عيد سعيد

engy said...

بجد ماشاء الله كلمات رائعه وطبعا صوت رائع
وموسيقى جميله جدا

love_live said...

كلمات الاغنيه حلوه اوى والصوت بجد رااااائعوأنا أعشق صوت الجيتار مهما كان ربنا يوفقكم وتتكونوا علامه فى مجال الكتابه والتلحين والغناء

عابرة said...

قد يكون تعليقي متأخر نوعا ما
ولكن الاغنية رائعه
وعليك ان تكتب اكثر فأكثر وتعطنا المزيد من ابداعاتك
فانت شاعر رائع
تخياتي
عابرة