Saturday, March 7, 2009

جريدة المدونين 2

نحن ليس اقل منهم


انا مش عارف ابتدى منين بس بجد انا مخنوق وتعبان اوى بس ما حبش اقف فى نص الطريق الحمد لله فى مجموعة كويسة وافقت على الفكرة وكنت بتكلم انا والمدون محمد غالية بجد اخ وحبيبى ربنا يكرمه وعرضت عليه حاجات وتوصل معايا لحلول وكدة احنا يا جماعة عشان نتجنب هجوم اللى حصل فى الوثيقة قدامنا حلين اما نمشى بطريقة الجزء يصنع الكل وبكدة يبقى اول ما خلص النظام نبتدى على طول ونحط اى حد قدام الامر الواقع واللى عايز يبقى معانا اهلا وسهلا اما ان احنا نبتدى نعرض الفكرة فى مدونات لا يزيد معلقيها عن 100 تعليق ولو اقل يبقى احسن بس دى حتاخد وقت كبير وانا ما برجحهاش فا انتم ايه رأيكم نمشى بمبدأ الجزء يصنع الكل انا مع اى حاجة انتم عايزنها
ثانيا الناس اللى حتكتب واللى اتذكر اسمهم
محاسن/اكون او لا اكون/د..عمر فاروق/طموحة مملوحة /سارة نجاتى /وكيارا حتكتب فى التاريخ والشخصيات
قلنا ممكن يحصل مشاكل وناس تقول اشمعنة فا نقرب المسافة الاول احنا حنعمل سبع مجموعات عدد كل مجموعة حنقوله لما نعرف الابواب اللى انتم عايزين تكتبه فيها وكل مجموعة حتكتب يوم فى الاسبوع فا تبقى المجلة يومية وكل مجموعة بتكتب يوم واحد فى الاسبوع يارب اكون عرفت اوصل قصدى ايه المهم كل واحد من الناس اللى احنا اخترناه اللى هم الاساس حيرأس مجموعة او حيعمل مجموعة مثال / محاسن مثلا على راس المجموعة الاولى وحتكتب كل يوم جمعة فلان على المجموعة التانية وبتكتب كل يوم سبت وهكذا
وبرده اللى عنده حاجة يوضحها وياريت بقى تقولو حتبقى الابواب اية عشان اظبط المدونة على الابواب
يعنى مثلا رياضة / من واقع الحياة/ دين/ رومانسى/ سياسى /مواضيع عامة /مواضيع وشخصيات تاريخية /وهكذا بس نفسى منكم من مشاركة ايجابية بجد انا تعبان اوى مش قادر افكر انا حاسس انى مخى واقف تماما فا فكرو معايا وشاركوا بعضيكم فى الرأى وردو على وجهات نظر بعض كأن مدونتى مدونتكم بالظبط وكأنكم بتردو على تعليقات جاية ليكم اوك اتفقنا
وتذكرو دائما اننا اسرة تستحق التجمع
وبلاش يا جماعة حكاية حزب دى دلوقتى واخد بالك يا محمدين ما فيش حزب ولا رابطة مش اكتر من جريدة
اة صحيح ابتدو شوفو اسم للجريدة وشعار لها واتفقو وانا معاكم


تحياتى للجميع
احمد الشاعر

39 comments:

princess said...

فى مدونة على الريدر عندى اسمها عارفة مش عارف ليه
صاحبها اسمه وليد بصراحة هو حد كويس اوى فى نقد الافلام
يعنى لو فكرت تعمل قسم فنى
وممكن كمان يبقى فى قسم ساخر فكاهى شوية

elsha3er said...

princess

جميل يابرنسيس الله ينور هو دة اللى انا عايزه تمام خليكى على تواصل


تحياتى


احمد الشاعر

mohamed ghalia said...

ههههههههههههههههههههه
واخد بالى يامحمدين
الفكرة مبدأيا كويسه جداااااا
وبالتوفيق ياشباب

ساره النومس said...

مشكور أخوي أحمد بس عايزة اعرف ازاي اشارك معاكو ....

بس عيزيني اعمل رسمة لموضوع معين .؟؟ ادوني خبر علشان ابدي بالرسمة :)

وانا في الخدمة دايما ابآا ارسلو ليك ؟؟ ولا لحد تاني

princess said...

احمد
اللينك اهو
http://3arfah.blogspot.com/

princess said...

انا بقترح نسميها
"نور الغد"
على اساس ان اللى فيها شباب وامل بكرة:))

عابرة said...

احمد انا حاسه بيك انك تعبان كتير ومخنوئ
انا معاك بكل خطوة بتعملها
واي شي بتطلبوه مني رح حاول اعمله
وطبعا انا من اشد الموافقين

بالمناسبه اقتراح يكون اسم المدونه
( اصدقاء التدوين)
وان كان في اسماء تانيه بيكون افل

عابرة said...

princess
كمان اسم *نور الغد * اسم حلو
شكرا لك بالنيابه عن احمد

EMMY BABY said...

انا موافقة جداااااا على اسلوب المجموعات علشان يكون فيها نظام اكتر

وربناااااااااااا يوفقكم

سارة نجاتى said...

أحمد باشا

عاوزين اسم خفيف و عصرى شوية أكيد مش ح يبقى "فكك " و لا " دوس يا مان " بس لازم يبقى روحه خفيفة تناسب ستايل النت و القراء اللى ح يبقى اغلبهم شباب .و متقليش مقترحتيش ليه مفيش فى ذهنى حاجة معينة دلوقتى

بالنسبة لتقسيم مجموعات فدى أجدع حاجة فى الحوار


لو عملت قسم دين يبقى لازم تعرف أنك ح تتكلم عن كل الأديان من اسلام لمسيحية ليهودية لبوذية لسيخ , لأن لو غير كده ح تبقى صفحة طائفية و ح نتكلم بموضوعية طبعا شديدة من غير ما نقول رأينا فى الدين ده حتى لو بيعبدوا قرن فلفل احنا مش بنحاسب خلق الله يعنى يقتصر الموضوع على معلومات عن طقوسه و تاريخيه و حاجات زى كده .

بالنسبة للشخصيات التاريخية ففكرة كويسة أننا نعمل بورتريه لبعض الشخصيات التاريخية , بس مع التنويه انها تعبر عن رأى كاتبها مش عن رأى الجريدة كلها عشان محدش ياخد مننا موقف متحفز و يحسبنا على أيدولوجيات معينة


عندى مدون للقسم الساخر و هو مايكل لو تعرفه و ممكن يقوم بالموضوع ده كويس لو رحب هو بالفكرة
و ده اللينك بتاعه
http://strugglingmichealitoo.blogspot.com/

نيجى بقى لمربط الفرس هههههههه

أنا مبسوطة خالص من ثقتك فيا دى بجد بس حوار انى امسك صفحة , مش عارفة حاسه أنى مش الأأنسب لده , ممكن أساعد حد لو عاوزين .

على أيه حال لازم نفكر برده مين ح يعمل الاخراج الصحفى و اللوجو لو فى حد من الاسامى دى بتاع جرافيكس أو ديزاينس .


و لازم نفكر فى الدعاية و اللى ممكن نبدأ بيها على مدوناتنا و ع الفيس توك بشكل مكثف أوى لأن الحاجة لو مبدأتش قوية بتبقى كأنها مش بدأت .


شفت بقى تواصل أحسن من كده ؟؟ عملت لك مقالة لوحدها هههههههه

و بعدين كده برده من سارة لمحمدين ؟؟ وسعت منك أوى هههههههه

سلام لكل الناس

سمكه واحده said...

ماشاء الله عليك بجد ربنا معاك وانا حاسه ان الفكره هتنجح انشاء الله
وحلو اوي انك تقسمها لاقسام ديني واجتماعي وترفيهي وسياسي بس مش اوي

(وش خواف)
وفي حاجه معرفش ممكن تبقي كويسه ولا لاء بس يكون صفحه او قسم للمشاكل وتسيب الناس ترد عليها او عرض المشاكل يعني ونستفيد من الخبرات بمعني الجريده تتناول كل جوانب الحياه

ممكن نسميها

فجر الغد

بدر الصباح

شعاع نور

ضي قمر
ليالي المدونين
فكر جديد
صباح جديد
جريده بكره
جريده الامل
جريده صوت من هناك
جريده وانا كمان
انا تعبت بقي هبقي افكر تاني
يووووووه دماغي صدعت
وبهبل في الاسماء

اي حاجه كده تخلي الواحد يصحي بدري وميسهرش عشان يعرف يقوم(وش مطلع لسانه)
ربنا معاك

أكون أو لا أكون said...

السلام عليكم... كيف حالك أحمد...
كيف حالكم شباب...


أنا مع فكرة إن كل مجموعه ليها اسبوع... لأن بالشكل ده حتاخذ كل مجموعه وقتها في تنظيم الافكار... وحتاخذ وقتها في انتقاء الموضوع والكتابه عنه...
وكمان حتاخد الجروبات الثانيه وقتها في متابعه مواضيع الأخرين...
لكن اللي اتمناه إن مانخصصش كل مجموعه لماده معينه... لأن الفكر الاساسيه إنها جريده يعني مش حينفع إننا نعملها اسبوع فن أو اسبوع تاريخ... أو... أو
اللي اقصده إن كل مجموعه تبقى عباره عن تشكيله متنوعه الأقلام... وعليهم إنهم يبدعوا خلال اسبوعهم بمواضيع متنوعه ومختلفه...

لنفرض إن الاصدار يكون في يوم السبت... مثلاًِ... لازم المحرر يكون قرأ كل المواضيع يوم الجمعه... وقال رأيه... وقرر وإيه التعديلات...
ده ضروري جداً... علشان يكون الشغل تمام...

بالنسبه للوجو..." الشعار" أنا حـ صممه بعد موافقتكم طبعا.. وده حيكون بعد إختيارنا لإسم الجريده بإذن الله تعالى... وبعد ما تكون الفكره وضحت أكثر... ولو إتفقنا إن أنا اللي حصممه... يعني لازم أعمل استفتاء مع باقي الشركاء علشان نكون كلنا راضيين إن شاء الله...

شيء مهم جداً وهو:
تقسيم وتنظيم الجريده على شكل ثابت...يعني لا زم ننظم إيه المواضيع اللي تكون في الصداره دائما... إيه تاني... وإيه ثالت ورابع... علشان القارئ المتابع ما يتوهش كل اسبوع وهو بيدور على القسم اللي متابعه ...

أظن كده كفايه اليوم... بس ليه عودااااات وعوداااات هههه علشان أبقى معاكم على نفس الخطه...

لو فيه أي شيء أو استفسار أ وتعقيب على كلامي.... ياريت تتفضلوا تقولوه...
كلي أذان صاغيه...
أو عيون رائيه...
هه



ماتقلقش يابو حميد... هههه كل شيء حيكون تمام...
تمام ياريس؟
: )

elsha3er said...

mohamed ghalia

الحمد لله ان كل واحد واخد باله

ربنا يوفقنا كلنا ويالا ابتدى ادخل فى مجموعة محتاجينك يا محمد


تحياتى


احمد الشاعر

elsha3er said...

طموحة مملوحة

اهلا بيكى كل حاجة حتعرفيها بس بشويش

وانا عارف انك نفسك تخدمى ربنا يخليكى يارب

تحياتى


احمد الشاعر

elsha3er said...

princess

اهلا بيكى

علم وسينفذ حروح اعرض عليه

اما عن الاسم انا موافق وناخد رأى الجميع


تحياتى

احمد الشاعر

elsha3er said...

عابرة


اهلا بيكى


والله فعلا انا تعبان نفسيا جدا بس بضغط على نفسى لان ما احبش احط ايدى على خدى وانا عارف يا اختى انك نفسك تساعدى واكيد حنحتاجك فى مرحلة التكوين المجموعات

وجميل منك اكتر انك رديتى على برنسيس يارب الكل يعمل زيك ويردو على بعض

وكمان مافيش بالنيابة

تحياتى

احمد الشاعر

elsha3er said...

EMMY BABY


اهلا بيكى

انا برده قلت كدة ربنا يوفقنا وابتدى شوفى مجموعة تدخلى فيها ان شاء الله الكل حيكون فيها

دى ممكن كل مجموعة تتكون من سبعة افراد

فا حيبقى فى مكان
للكل


تحياتى


احمد الشاعر

elsha3er said...
This comment has been removed by the author.
elsha3er said...

سارة نجاتى



معاكى فى الكلام كله الا بعض الاشياء

الاسم دة حيكون بأختيار الجميع وانتى اقترحى اسم ونعرضه

اما مايكل انا حروح اعرض علية


اما بقى ثقتك واصل انا مش حعرف وكدة دة خلاص ما فيهوش نقاش بلاش تشوفى منى الوش التانى

اما بقى موضوع الدين وكدة حكلمك فيه هناك فى مدونتك


تحياتى

احمد الشاعر

elsha3er said...

سمكه واحده


اهلا بيكى موضوع الاسام دة حعرض كل اللى كتبتيه ونبتدى نختار

اما فكرتك فهى رائعة بل اكثر من رائعة

وانتى اللى حتنفذيها وحتبقى دى مهمتك كل اسبوع


تحياتى


احمد الشاعر

elsha3er said...

اكون او لا اكون

كل مجموعة حيبقى فيها مدون متخصص من كل نوع يعنى حتبقى كل مجموعة تشكيلية انا فاهم قصدك وان شاء الله دة اللى احنا ناوين نعمله


اما عن تصميم اللوجو اوك اكيد الكل موافق نختار اسم وابتدى اشتغلى فى على مهلك


اما التنظيم فى واحد شاطر جدا فى المسئلة دى جيلى يوم الاتنين وحنبتدى ننظمها مع بعض وان شاء الله تكون

كويسة ولو ما عجبتكمش نغيرها


اما بقى عن العوداااات انتى تيجى براحتك كل فكرة تيجى فى دماغك تعالى قوليها عشان انتى بتغيبى عننا اوى ياريت تيجى هنا كل شوية اهو على الاقل نطمن عليكى


تحياتى


احمد الشاعر

مـجـنـووون said...

بجد فكرة المجلة جميلة جدا

ويا ريت كل مجموعة تمسكها مره

بس يا ريت يكون لكل مجموعة مسئول عنها وعن أعمالها علشان تتلكم معاه ويكون مسئول عن باقي المجموعة

وأنا معاك لو أحتجت مني أي حاجه

ملحوظة : بعتذر عن عدم الرد علك لأني بجد مكنش فاضي خالص ومكنتش بدخل نت والموضوع مكنش ينفع نتكلم فيه علي المدونة

ملحوظة 2 : التعليقات مش ظاهرة خالص اللون اسمر

تقبل مروري
مجنووون

سمكه واحده said...

جايه اقول كل سنه وانت بخير
اللهم صلي علي سيدنا محمد صلوا عليه وسلموا تسليم كثير
انهارده كلنا نصلي عليه طول اليوم دي اقل حاجه نعملها
اللهم ارزقنا حبه وحب من يحبه
تحياتي يا شعرنا الجميل

وردشان smilyrose said...

اخى احمد الشاعر

ربنا يوفقكم يارب

وتكون عمل فوق الرائع

smilyrose

وردشان

روح الحب الصادق

اقصوصه said...

اممممممم

ممكن اساعد

بس مش عارفه بالضبط كيف

المهم

اي خدمه ؟:)

Beram ElMasry said...

elsha3er
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود

حسن حنفى said...

ربنا يكون في عونكم ويوفقكم

elsha3er said...

مـجـنـووون

اهلا بيك يكفينى ان انت معايا بدون اعتذارات

وجامدة فكرة ان لكل مجموعة واحد مسئول

تحياتى


احمد الشاعر

elsha3er said...

سمكة واحدة

وانتى طيبة وبألف خير

وربنا يخليكى يارب


تحياتى


احمد الشاعر

elsha3er said...

smilyrose

اهلا بيكى ربنا يوفقنا كلنا واكيد ليكى دور معانا


تحياتى

احمد الشاعر

elsha3er said...

اقصوصه

اهلا بيكى

اكيد حتساعدى لكن كيف دى اول ما نبتدى كل واحد حياخد دوره


تحياتى


احمد الشاعر

elsha3er said...

Beram ElMasry

اهلا بيك

ربنا يكرم الجميع ويصلح حال الامة

تحياتى


احمد الشاعر

elsha3er said...

حسن حنفى

ربنامعانا كلنا ياحسن

وانت اكيد حتشاركنا فى الفكرة


تحياتى


احمد الشاعر

سمكه واحده said...

جريده هنقول
جريده بكره
جريده بدر الصباح
جريده عدنا
جريده الفكر الجديد
جريده مدونين ولكن
جريده المصريه للتدوين
جريده اشراقه
جريده صفاء القلوب
جريده حدوته بتنا
جريده مشاعرنا
جريده لو
جريده استني بس
جريده سمكه واحدهوش (مطلع لسانه وبيستهبل)
استني ده انا كل شويه اهبل في سامي وارجعلك

aMr saYed said...

فكرة سديدة جدا منك انا مش مشترك معاكم في المجلة لاني للاسف معلقييني زي ما قولت مش فوق ال100 و كده يعني بس حلوة اوي فكرة الفكاهة الساخرة ديه بس اقترح ان حد جامد يمسكها و ممكن الاسم يكون مثلا " النهاردة في ايه " او " مصر فيها ايه " و كده

يلا بقا تمام

DoNyA said...

فكره رائعه
اتمني متكنش اتأخرت
واتمني اكون جزء منها

عندي منظومه مخططه ممكن اعرضها عليكم ممكن تضيفوا عليها او تحذفوا منها علي حسب الرؤيه اللي حابين تنفذوا بيها المجله

اولا : اقترح اسم " اصدقاء الضوء " بما انكم ستكونوا جميعا اصدقاء في اسره واحده والضوء يشير الي التنوير الذي نرغب فيه جميعا وكل عدد في المجله يسمي "ضوء" واتمني ان هذه الاضواء تنير طرق كثيره للمدونين


ثانيا : فكره التقسيم للتنظيم هذه رائعه
تقسم فرق اسبوعيه ولكل فرقه قائد تعمل بجانبه افراد يقوم كل فرد بالعمل المخصص له
وهكذا يكون التنافس البناء بين الفرق
ومن الممكن ان يكون هناك مسابقات شهريه لكل الفرق للختيار من بينها احسن فرقه لهذا الشهر
واحسن مدون وصانع افكار لهذا الشهر

ثالثا :
اقسام المجله يجب ان تكون متنوعه وتشمل جميع المجالات
رياضيه
فنيه
تحقيقات
وراء الاحداث
قصص وادب
فلاسفه
تاريخ
اصول الاماكن والكلمات
دين
اجتماعيات
قسم خاص لحوارات صحفيه لشخصيات عامه لا يلزم ان تكون مشهوره لكنها اثرت حتي ولو في فرد واحد علي الاقل
ولقاءات وحوارات مع مدونين

هذه فكره عامه للمخطط
ارجوا ان يكون عند حسن الظن
واولا واخرا
الفكره مذهله منذ بدايتها

محبتي لكم جميعا

Anonymous said...

سيدي
كل التوفيق لكم ولو حبيتوا ايكون لكم واحد من المغرب اتشرف اني اكون معاكم
مودتي

المتبهدلون في الأرض said...

نقاابة المدونين

,,,

السلام عليكم
أرجح (يعني أؤيد)أ
نه يكون مقرها وهمي

يعني افتراضي ,,وفي نفس الونقت الناس تدخل وتشارك وتعمل وتشوف

من الآخر
يوكن على النت
يعنيس موقع اسمه ,,نقابة المدونين

بكل طوائف المودونين

ويكون فيه منتدى


,,,

د

أقترح أيضا يكون فيه نشاط مصاحب للنقابة يفعل دورها بين المدونين

يعني يكون فيه مثلا مدونة مستقلة اسمها أخبار المدونين

تنقل أخبار كل مدونة ,,ذات تميز وفكر جديد
مش شرط سياسي
ولكن في اسلوب الابداع والكتابة نفسه


وبكده تقرب الناس من بعض أكتر

المتبهدلون في الأرض said...

معلش حتقل ,,


ممكن تعمل ايميل للنقابة كخطوة أولى

وكمان (كيس بقها)
أي حساب لها على الكيس بوك ,,أو الفيس بوك كما يدعووون


,,
وكمان مجلس ادارة
خفي

ومتحدث رسمي

ويمكون فيه جريدة برده بس على الموقع .,, جريدة الكترونية


,,,,


منتظر أشوف
نتاج إبداعك


كلنا في ظهرك (أتب يعني),سلامن عليكم