Thursday, April 21, 2011

سألونى

أتمنى ان اكون استطعت تجسيد شئ منى


سألونى مين أنت


قلتلهم صغير أنا فى سنى


لكن عجوز شابت أحاسيسى


وبالرغم من الشيبة


وطقطقت الشعور البيض


فاتح أنا شيشى وفاتح ترابيسى


قلتلهم أنا أنسان


وحيد أنا فى حالى


سعادتى جوايا وأحزانى جوايا


وليد ما شاف النور


أفرح يمطر سحاب جوفى


ويرقص قلبى ويايا


أحزن يثور قلبى ببركان خوف


وسيل من الدمع ماله نهاية


ماليش فى الدنيا غير نفسى


وكان نفسى يكون ليا بقربى حبيب


لكن مليت دموع عينهم


لكن مليت الرعشة فى مناديلهم


فى يوم لحظة ما أودعهم


أصلى كتير الحيرة والغربة


حتى وأنا مابين ناسى


تنام الناس


وأسهر وحيد انا وقمرى


نكلم بعض بالأحساس


أغمض عينى


أشوفه لما يحكيلى ويشكيلى من الوحدة


برغم النور أشوفه يتوه بين السحاب


أطيب خاطره بالكلمة


دة اللى مابينى وبينه دوا


وعلى شفايف الهوا النادية


بيبكى الناى بعزف جميل


على حالنا


ونشد ترحلنا


وألقى الحب فى طريقى


أخاف منه بعيد أجرى


ويملك خوفى وجدانى


أخاف لينكسر قلبى


وتزيد عليا أحزانى


أخاف ليخرم الهوا ودنى


لقلب بحلق الحب يوعدنى


وفى الاخر يقوم يهرب ويجرحنى


ما ينوبنى منه غير وجعى


ودمى يسيل


أنا يا سادة سجين خوفى


وأفكارى وأيامى


سجين ندمى وأحلامى


لكن سجنى ما منعش ان حبى يزيد


27 comments:

elsha3er said...

السلام عليكم

لو فى بعض التركيبات فى الجمل مش واضح معناها العام انا ممكن اوضح اللى يحب يستفسر

gogo!sf said...

عارف يا احمد البوست ده كنت تسميه ايه ... رحله الم ...طبعا دى حريه واحساس اكتر بس حبيت اعبر عن احساسى بالبوست مش اكتر

عجبنى جدا وقريته اكتر من مرةوعجبنى اكتر خوفك على قلبك لينجرح من الحب
.............
وألقى الحب فى طريقى
أخاف منه بعيد أجرى
ويملك خوفى وجدانى
أخاف لينكسر قلبى
وتزيد عليا أحزانى

عارف... الخوف اللى بيملى القلب ده لانه خالى

جميل جدا والبوست كله بيكمل بعضه لنفس الرحله

تسلم يا شاعر

فارسه وجوادها said...

سألوني ما هويتي قلت لهم انسان يفتقر الى التقدير رغم تقديره لكل البشر

رائع أن أجد تلك الكلمات بالرغم من مرها وحزنها تحتوى الأمل بداخلها
دام حبك
أحييك

المصوراتي said...

:)

معنديش كلام اقول غير انك اجزت و عبرت فاحسنت

Anonymous said...

السلام عليكم
احمد
القصيده تحفه
ومؤلمة وحزينه اوى
:(
انا حبتها بجد
خاصة اخر جزء
أنا يا سادة سجين خوفى
وأفكارى وأيامى
سجين ندمى وأحلامى

شد حيلك الامتحانات عالابواب
:)
نيرة

sony2000 said...

لا بجد جميله وجمدا:)

sony2000 said...

لا بجد جميله وجمدا:)

shoshta_ joker said...

السلام عليكم....



حلوة اوووى يااحمد عجبتنى كذا جملة بس انان بعلق ع السريع حرجع تانى واقولك اية الى عجبنى اووووى


فى حلو الحوار مع القمر

دومت مبدع
فى رعاية الله
shemo

شمس النهار said...

لو جاز لي او سمحت لي الكلام راااااااائع بس شيل يخرم ودني دي

وتصويرك للخوف من الحب جميل جدا
الحب مش فيلم رعب
بس نختار صح
والمشكلة ان ماحدش بيختار الصح
:))

لــــ زهــــــراء ــــولا said...

"
تنام الناس


وأسهر وحيد انا وقمرى


نكلم بعض بالأحساس


أغمض عينى


أشوفه لما يحكيلى ويشكيلى من الوحدة


برغم النور أشوفه يتوه بين السحاب
"

وربنا تحفة يافنان وانا قليل لما اعلق عند حد وانعته باللقب ده تسلم ايدك ياشاعر

لولا

دعاء العطار said...

وكان نفسى يكون ليا بقربى حبيب

لكن مليت دموع عينهم

لكن مليت الرعشة فى مناديلهم

فى يوم لحظة ما أودعهم

........

الخوف من الحب دليل على رقة مشاعرك واحاسيسك المرهفه فأنت تخشى أن تتالم أو أن تجرح أو يجرحك أحد

لكن الحذر لا يمنع القدر وكما يقولون " اللى يخاف من العفريت يطلعله "

ادخل التجربه بقلب جااامد وحاول تختار صح وراعى ربنا وبعد كده ماتخافشى

لان لو خوفنا واستسلمنا لخوفنا مش هنتعلم حاجه من الدنيا

لازم نقع عشان نعرف نقوم

جميله كلماتك يااستاذ أحمد

سعيده بوجودى هنا :) :)

تحياتى

elsha3er said...

gogo!sf

ممكن بس انا عن نفسى مش حاسسها انها الم عادى يعنى يمكن لانه تعود وفعلا الاحساس اكيد بيختلف من شخص لاخر

مش لازم يكون فاضى والله بالعكس انا بحب كل الناس وبعاملهم بحب كبير مش لازم يكون حد معين مستحوز على الحب كله يكفى حب الناس احيانا حتى اشعار اخر برده دى وجهة نظر ما تعبرش الا عنى
تحياتى

elsha3er said...

فارسة بلا جواد

أهلا بيكى دايما الامل موجود ما ينفعش فعلا نعيش من غيره

elsha3er said...

المصوراتى

منورنى يا محمود يكفى وجودك بس بالدنيا والله

elsha3er said...

أختى الغالية نيرة

اولا وحشانى جدا

ثانيا ميرسى على مجاملتك اللطيفة

ثالثا امتحانات اية بقى ما خلاص انا خلصت انا دلوقتى عندى تلاميذ عندهم امتحانات هههههههه

دايما منورانى
ابقى طمنينى عليكى من وقت لتانى

elsha3er said...

sony2000

منورانى يا سونى ربنا يكرمك دة من بعض ما عندكم

elsha3er said...

shemo_ joker

أهلا وسهلا بحضرتك

الحمد لله انها لقت قبول عند حضرتك مشرفانى

تحياتى

elsha3er said...

شمس النهار

ماما شمس اهلا بيكى

يخرم ودانى دة جاية من مثل على طول بتقوله الستات فى مصر خصوصا عاجبنى بيقولوا لما حد يعشمهم بشئ وعدنى بالحلق خرمتله ودنى

فا انا بس صيغته خايق هوا الحب يخرم ودانى لشخص يوعدنى بحلق الحب

الحب مش رعب لكن الحب اخره جواز يبقى لازم نختار وحضرتك قلتى كلمة حلوة اوى يا أمى
المشكلة ان ماحدش بيختار صح فا انا شايف انى مش حعرف اختار يبقى كفاية حب الناس واعمل حاجز نفسى بينى وبين اى حب تانى بالتخويف هههههه

elsha3er said...

لولا وزهراء

اهلا بحضرتك نورتى المدونة دة شرف ليا يا فندم والحمد لله انها لقت قبول عند حضرتك

elsha3er said...

دعاء العطار

اهلا بيكى اول زيارة للمدونة لكن ان شاء الله حيكون فيه تواصل

والله ما هو عشان اراعى ربنا يبقى برده اكتفى بحب الناس لان كل شخص بيبقى عارف نفسه وانا شايف نفسى صغير يمكن شياي فى سنى واصغر بيحبوا وكدة لكن انا عارف نفسى انى مش مستعد اشيل مسئولية يبقى لازم فيه سياج او حاجز نفسى يخلينى اكتفى بس بحب الناس كل الناس

تحياتى

Omar... [ خروشات ] said...

خليط جميل من رصاص الاقلام اللى كتب بيها الفاجومى و الابنودى وسيد حجاب و غيرهم

نفس القلم الرصاص الجميل

تحياتى

لــــ زهــــــراء ــــولا said...

"جميلة كلماتك عنك ووصفتك كويس تسلم على الابيات الجميلة وصياغتها رائعة"

لولا

Asmaa Fathi said...

قلتلهم أنا أنسان
وحيد أنا فى حالى
سعادتى جوايا وأحزانى جوايا
وليد ما شاف النور
أفرح يمطر سحاب جوفى
ويرقص قلبى ويايا
أحزن يثور قلبى ببركان خوف
وسيل من الدمع ماله نهاية
ماليش فى الدنيا غير نفسى
وكان نفسى يكون ليا بقربى حبيب
لكن مليت دموع عينهم
لكن مليت الرعشة فى مناديلهم
فى يوم لحظة ما أودعهم
أصلى كتير الحيرة والغربة
حتى وأنا مابين ناسى
تنام الناس
وأسهر وحيد انا وقمرى
نكلم بعض بالأحساس



رغم ماتحمل تلك الكلمات من الشجن إلا أنها تعبر عن وبصدق عن ماتحمله القوب وتجسده الأرواح من الآلم والمعاناه

تحياتي

Wish I were a Butterfly ... said...

فاكرة إني كتبت تعليق على البوست دة كتيــــر.كنت تقريبا قبل او بعدشمس النهارعلطول!!بس مش لاقياني :)ومش فاكرة غير إن الكلمات كانت عاجباني اوي اوي وكتبت تعليق طويل عريض
:)

بس بجد الكلمات وموسيقتها جميلة

sa3at said...

كلام رائع
بالرغم من انه مش موزون في القافية بس احساسه مسترسل و ده اللي محليه

أحييك

أفنان محمد المغربي

ندا منير said...

مفيش انسان بيتخلق جواه كره ابداااا

الظروف اللى حواليه هى اللى يتخليه اما يحمل كره اما حب

ولكن حتى اللى جواه كره كبير
بيكون برده جواه حب كبير

لان الانسان مينفعش ابدا يعيش بدون حب حتى لو كله احزان

الحب سواء حب الناس الاصدقاء العيلة الحبيب ضرورى لاى حد

IBN BAHYA - إبــن بهيـــــــــــــة said...

تحياتي