Sunday, April 10, 2011

عشش فى قلبى

يا طير يا طاير فى السما

قرب هنا

عشش فى قلبى

نزل على قلبى السلام

وأبعت منه السلام

قرب ما بنا اللقى

زاد لشتياق


عشش فى قلبى

أنقل نسمات الهوا

أرسم بريشك شريان

نهر الاحبة

وأكتب على جداره حياة


عشش فى قلبى وطير

أحكى لأسراب الطيور

عن ضفتين فيهم بيوت

وكل بيت جواه حبيب

ولسة باقى من البيوت

لمن يريد


عشش فى قلبى

وألمس فى ثناياه الخضار

قرب وشوف الزرع طارح

شم طميه

ولو لقيت فى طمى زيه

عشش هناك

بس ساعتها أمانة أفتكرنى

وأحكى عنى

وقول زمان عششت

فى قلب أخضر

لما كان قلب

العباد بيدق موت

رفض قلبه يدق ممات

8 comments:

أمل حمدي said...

يارب قلبك أخضر ويفضل أخضر وتعشش فيه كل الطيور

تسلم ايدك يا أحمد جميلة جدا

sony2000 said...

الله عليك
دا اللي اقدر اقولوا

شمس النهار said...

جميييييييييييييلة
وخصوصا اخر تلات سطور
رائعين بجد
بس توقعت النهاردة الاقي قصيدة فلة في حبيبك اللامبارك
:)))
يعني هو يبعت لك جواب وانت ماتردش
ودي تيجي برضوا ياشاعرنا الهمام
:))

لــــ زهــــــراء ــــولا said...

تسلم ايدك في الاول اتخضيت قولت اغنية فيروز ايه اللي جابها هنا :d... الصورة جميلة جدا ربنا يوفقك
لولا

كلمات من نور said...

الله يا شاعر

ربي يديم عليك نعمة خضار القلب فما أجمل اخضرار القلب في زمن عم فيه السواد في القلوب

ربي ينور قلبك دوما بنوره

Wish I were a Butterfly ... said...

حلوة أوي. و عجبني استخدام"عشش في قلبي"دي لأني مش كـنت فاهماها من العنوان

إن شاء الله قلبك يفضل أبيض وأخضر وبس، و يرفض إنه يستسلم و يموت زي القلوب التانية الكتير

ندا منير said...

حياة الطيور

والنظر ليهم

يتخفف كتير من الاحزان

لان فيهم امل وسعادة مش موجودين

فارسه وجوادها said...

الطير سلام , وئام , حكاية محلقه في الحريه ,رمز يحبه البشر

طاب لي ما قرأته

قلمك ينبض حياة
أحييك

شرفني
http://farsagawad.blogspot.com/