Sunday, April 12, 2009

عتاب مع موضوع

اتحاد مدونى المغرب اثناء تنفيذ نفس الفكرة
اولا السلام عليكم ثانيا انا بجد زعلان جدا بقى اغيب فترة وماحدش يكلف خاطره ويسأل عليا

بس الحق ربنا يكرمهم اخواتى اكون او لا اكون ونيرة شكرا جدا على السؤال ماكنتش بجد اعرف انى مافرقش معا حد كدة

ماشى مافيش مشاكل



نكلم بجد بقى انا عرفت من اخويا وحبيبى محمد غالية ان فى ناس عملت زى جريدة المدونين اللى كنت انا صاحب فكرتها وفكرت شوية وقلت اية المشكلة ما ممكن برده احنا نكمل عادى وخصوصا بعد ما شفت مدونتهم وعرفت ان حيبقى استيلنا مختلف عنهم تماما وبعدين حاجة كويسة ممكن تعمل منافسة تفيد فى عالم التدوين



فا يا جماعة ياريت الناس اللى قولنا عليهم حيكون على رأس كل مجموعة اللى هم



كيارا \طموحة\اكون اولا اكون\د:فاروق عمر\سارة نجاتى\ومحاسن صابر



كل حد فيهم يكون مجموعة من خمس افراد واول ما تكونو المجاميع نبدأ التفعيل



وطموحة خلاص اعتبروها كونت مجموعتها شدو حيلكم بقى



سلااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام



تحياتى



احمد الشاعر

34 comments:

سارة نجاتى said...

ازيك يا أحمد

بص يا سيدى أنا اتكلمت مع أحمد فى الموضوع ده , و كان لى رأى بخصوص المجلة دى
معرفش هو قالك و لا لأ ؟
ع العموم

فكرة أن الجورنال يبدأ يومى صعب تتم فى البداية أبدا

أنا رأيى أنك تبدأ أسبوعى و تبقى شغال كويس أحسن ميت مرة من ما تبدأ يومى و تبقى نص نص

لأن الانطباع الأول لا يتغير للقارئ بسهولة

و الجرايد الكبرى زى اليوم السابع بدأت أسبوعى قبل ما ح تتحول قريب ليومى

عشان كده من الأفضل أنك تبدأ أسبوعى

و يكون العدد مقسم لمثلا خمس أبواب

كل باب تمسكه مجموعة

أى أن الخمس مجاميع تقدم انتاجها كلها فى نفس العدد فى اطار عدد أسبوعى دسم و متميز

و بعدين لازم توسع الموضوع عن نطاقنا شوية

يعنى كلم مدونين زى مايكل اللى قلت لك عليه و غيرهم

لأن مش كفاية اقتناعك بالناس كأفراد لازم يكونوا كمان عندهم رؤية للى ح يعملوه

1) ممكن يبقى فيه باب ساخر و ده اللى أقترح انك تشوف موضوعه مع مايكل

2) باب يبقى
كتابات ذات طابع الاعتراف و دى بتلقى رواج بين الناس و ممكن تبقى باب لوحده

3 ) يبقى فيه باب كامل يتناول السير الذاتية أو وقائع تاريخية

4) باب خاص بالسينما و ده ممكن يفيدك فيه زيكا أو تشى و ممكن تلاقى مدوناتهم عندى ع الريدر

5) باب يبقى فيه قصص مصورة بالكاريكاتير مثلا لو حد له فى الكاريكتر أو يعرف حد له فيه

6) باب يعلق على الأخبار التى تتدوالها الصحف و الطريقة التى تتناولها بها فى اطار ساخر شوية

و انا ممكن أمسك الباب الأخير


و اهو ادى عندك ست أبواب خفيفة تناسب طابع الانترنت و
الشريحة العمرية اللى بتخاطبها , و تناسب القدرات المعرفية بتاعتنا

أهم ملحوظتين : بلاش موضوع اليومى ده لأن أنت بتتعامل مع ناس ليها التزامتها ده غير ان لو كل مجموعة مسكت ده ح يعمل نفسنة و مش ح يحافظ على وحدة الجريدة ده غير أن تخصص كل واحد فى حاجة معينة ح يخليه يدى فيها أوى

الحاجة التانية لازم نشوف حد يعمل الاخراج الصحفى و لازم بعد ما نستقر الأبواب و المجاميع , نشوف خطة كويسة أوى للدعاية لأن دى مهمة جدا جدا

و ازاى طبعا تفرق معانا بس أنا أعمل بس ما أنا كمان كنت متنيلة على عينى و مختفية و مشغولة خالص

أنت عارف بقى الناس المهمة اللى زيى

سارة نجاتى said...

ممكن لو حد عاوز يمسك باب التعليق ع الأخبار أمسك أنا الاعترافات و ح اسيح لكوا ع النت هههه

طوبه فضه وطوبه دهب said...

هى الفكره مش واضحه المفروض كل مجموعه من المجموعات دى هتعمل ايه وهيتنافسوا فى ايه بالظبط وضح الفكره شويه واعتبرها اعلان لكل اللى يحب يكون معاكم

mohamed ghalia said...

علم وينفذ يافندم
بس انا زعلان ياعم أحمد
يعنى أنا مسألتش عليك ولا ايه تؤتؤ
هههههههههههههه
ربنا يكرمك وبالتوفيق

blue-wave said...

حمدالله على السلامه يا بطل
وانا كمان تقريبا كونت مجموعتى
فى انتظار الباقى يا بطل

أمل حمدي said...

حمد الله على سلامتك يا احمد

اوعى تكون زعلان مني
انا فاكراك مشغول بدراستك

ربنا معاك

وردشان smilyrose said...

السلام عليكم

اولا اعتذر عن عدم السؤال

بس بحق الله كنت متغيبة تماما

واعتذر عن عدم السؤال

وثانيا ياريت تنفذو فكر المجلة

لانها بجد هتبقى شئ كويس

ربنا يوفقك

smilyrose

وردشان

روح الحب الصادق

GiGi world said...

يلا ربنا معاكم
عايزين جريده جامده وقويه بقوه الناس اللى فيها
تحياتى للفريق الرائع

شمس النهار said...

يامفتري مين يعاتب مين
مش انت اللي طرحت الفكره وفرحنا وقلنا امين هالومابنا الي التنفيذ
قلت مخنوق ومضايق قلتلك لنك مش ملك نفسك
ملك الفكره اللي انت تبنتها
وادي اهو ناس سبقتك بيها
يبقا مين يعاتب مين
اللي مشي من غير والا كلمه وساب الفكره من غير تنفيذ برغم تأيدنا لها والا اللي سابك لنفسك يمكن توصل لحل وترجع تاني متصالح معاها
انا فكرت اكتر من مره ادخل المدونه واسيب لك سؤال واحد بس انت فين وليه بس كنت برجع في كلامي عشان كان عندي احساس انك مدين لنا بتواجدك معانا وخصوصا اني حاولت ادخل ابعت لك ميل ماعرفتش وكان بيرجع مايتبعتش اصلا

شمس النهار said...

عموما ماتزعلش من عتابي انا ام وبتعاتب ابنها ولو انت مش غالي عندي ومؤمنه بيك جدا وبفكرك وشعرك ماكنتش زعلت منك وعليك
حمد الله علي السلامه
وماتغبش تاني بتاتا البته

رؤية said...

ازاااااى ما تقولش كدا
دا احنا اللى زعلانين من غيابك دا كله
خلى بالك لحسن تترفد
^_^

عموما وحشتنا
وحمدا لله على سلامتك

تحياتى

سارة نجاتى said...

مش عارفه يعنى انت عاوز تحط الخطة و احنا ننفذ يا عم أحمد يا كده يبقى طالعة فى البخت ؟؟
أنا أول مجلة عملتها كنت فى تالتة ابتدائى و عارفة أن لازم بتحصل مشاورات كتيرة قبل ما تطلع للنور
و مينفعش نمشى على خطة معدة مسبقا الى فى حالة واحدة أنك تكون داخل على جحريدة أو مجلة فعلا موجودة و نشرت قبل كده , و ساعتها لازم تتبع سياستها
لكن احنا لسه فى مرحلة الاعداد

خلاص خد رأى الناس العادية ( قراء يعنى )

و الناس المسؤولة عن المجلة و على أساس أغلبية الأراء يا نعملها أسبوعية مبوبة و كل المجاميع تشتغل فى نفس العدد

يا نعملها يومية و كل مجموعة تقدم نفسها فى يوم معين

و أنا قلتلك ليه ممكن محبش اقتراح اليومية يعنى وضحت أسباب

و بعدين هى الناس سيابانى أنا و أنت نتكلم لوحدنا ليه ؟؟ ما اللى معانا المفروض يدخل فى المناقشة و يقول رأيه

سارة نجاتى said...

خطتى يا أبو حميد زى ما كتبت فى أول كومنت
( و اللى عايزاك ترد على اللى فيه )

بس أنا أول مرة أعرف أننا ح نبقى خمسين واحد , ليه مش هما خمس مجاميع كل مجموعة مكونة من خمسة زى ما اتفقنا ؟؟

لو خمسين يبقى لازم نقول كلام تانى خالص

لكن لاحظ ان معظمنا مالوش فى الاخراج الصحفى او شغل المواقع , و الشخص اللى ح يبقى مسؤؤل عن الكلام ح يشتغل كل يوم لو المجلة بقت يومى

ع العموم شوف و قولى , و مقدرش ازعل منك يا عم حمد

بييييس

رئـيس التحـرير said...
This comment has been removed by the author.
حـــــ الــجــنــة ـــــور said...

السلااام عليكم

شاعرنا الجميل بجد انت مية مية وعندك حق ليه بس كده ياااجماعة مفيش حد يسأل عن أبو حميد أبو الكلمة الطيبة ده عيب هههههه
شكلك بتقووول حور ناسية نفسها والله عندك حق معذررررررررررة سماح المرة دي المهم انك رجعتلنا بخير وصحة

ولو انا أنفع في موضوعك فأنا نفسي اعمل حاجة تفيد
موضوعك جميل دمت بخير لاا ينقطع

ماتغبش عننا تاني
أختك حور الجنة

مجلة الأم الصغيرة said...

ممكن توضح لنا الفكرة أكتر شوية؟

أكون أو لا أكون said...

حمدا لله على السلامه...
انت جيت من هنه... إنا حغيب فتره الامتحانات...
ادعي لي يا احمد...
وانا مخي شغّال أههُ... بفكر مين حيكون في مجموعتي الذهبيه ههههههههه
مع السلامه...

عابرة said...

في البداية حابه احكيلك الحمد الله عالسلامه وان شاء الله غيبتك تكون خير علينا وعليك
وفي النهاية انا حابه احكيلك اني موافقة معك طبعا وحكون جاهزه من هالوقت لحتى شهر كامل فاضي وبعد هيك يعني رح يصير تغير على وقتي
المهم رح كون معكم خطوة بخطوة ويا رب وفقنا ونجحنا
وطبعا كان نفسي نكون كلنا متجمعين في مكان واحد ونلتقي بس للاسف الظروف والزمان والمكان بيغلبنا
تحياتي عابرة

سمكه واحده said...

حمدالله علي سلامتك
بقي مين يزعل من مين!
انت بتقول كده عشان تشغلنا وخلاص
تلحق تزعل الاول
عموما حمدالله علي سلمتك
وربنا يوفقك ان شاء الله

مهرة سالم said...

السلام عليكم...
بالتوفيق للجميع ..
في أمان الله..

سارة نجاتى said...

أنت ليه مكلكع الحكاية كده ؟

تلاتين مدون أوكيه و ماله

عندك ست أبواب بعدد الست مجاميع

و كل باب فيه خمس مواضيع بعدد المجموعة بتاعت كل واحد

و أهو بقى عندك عدد من محلة محترمة

بيييييييس

الا بقى لو أنت قصدك أن المجلة نفسها تبقى فى حجم الباب الواحد و تشتمل على خمس ست موضوعات فى اليوم الواحد

و ده مش عارفة اذا كان ح يلاقى صدى مع الناس و لا لأ ؟؟

الازهرى said...

انا لسه راجع وكنت ناوى اعتب عليك
لكن طلعنا فى الهم سواء

اتمنىان تنتهى من اعداد الشكل النهائى للجريدةقريبا

عالم ماريونت said...

هو انا بما اني اول مرة اجي هنا بس انا لفت نظري افكارك السياسية منها حاجات فهمتها ومنها اللي مقدرتش افهمها
يعني مثلا انا ممكن افهم اننا ظلمنا الملك فاروق والريس محمد نجيب وادينا ناصر اكتر من جقه
وافهم كمان سر اعجابك بمحمد علي
انما مقدرش افهم اعجابك بهتلر مثلا ؟؟؟؟؟؟؟؟؟

يعني مش هقدر اعلق على موضوع البوست لأني اكيد معرفش اية الموضوع بالضبط

عموما تحياتي ليك ولمدونتك المميزة

رنا

dina said...

الفكرة حلوة جدا ربنا معاكم...و فى موضوع الاسئلة محدش بيسأل على حد لان كله متغيب اصلا....مش عارفة ليه كلنا بنعد فترات كتيرة منقطعين انما ادمان الكتابة بيرجعنا تانى
ربنا معاكم يا رب فى فكرتكم الجميلة دى و اكيد التطبيق بتاع الفكرة كمان حيكون على مستوى الفكرة نفسها

شمس النهار said...

حلوه جدا الفكره دي
طبعا موافقه جدا جدا
بس قول لي اعمل ايه
ده احنا هنطبخ طبخ
وهنأكل كل المدونين
ابعت لي ميلك عشان انا حاولت اجيبه من مدونتك ماعرفتش خالص

حسن حنفى said...

ربنا معاكم

ان شاء الله في انتظار التنفيذ

........

معلش والله بس انا فعلا مش بقيت بدخل كتير حقك عليا

سارة نجاتى said...

بص يا باشا

تلاتين موضوع بالنسبة لمجل أسبوعية

مش كتير طبعا

لكن

It 's up to you all

يعنى لازم الناس تتفاعل شوية و تقول رأيها برده

و الصراحة أنا بدأت أقلق , لأن مفيش حد من الأسماء اللى أنت قلتها تفاعل خالص

و لا قال ايه خطته و لا رايه ؟؟

أوعى كونوا مش عارفين و لا مش مهتمين ؟

الشىء التانى

بالنسبة للموضوعات

معنديش مشكلة مع دينية , بالعكس

بس طالما مش ح تبقى طائفية
أنت فاكر كلامنا أكيد

اما بخصوص السياسية , فمش عارفة خايفة من تضارب الأراء جوا المجموعة الواحدة و بين المجموعة و الباقيين

عشان برده يبقى فى تجانس و لو بنسبة فى الأفكار

و خايفة برده لتكون الناس مش مؤهلة أوى لده , أنت عارف مش اى حد بيعرف يكتب سياسة

لكن معنديش مشكلة برده و لو انى كنت احب الموضوع لايت عن كده

بس بييييييييس

السؤال بقى

لو بقيت يومى

ح يبقى موضوع ( دينى - سياسى -فنى و هكذا )

و لا مجموعة يوم السبت دينى
مجموعة الأحد سياسى ( ده على سبيل المثال يعنى )

؟؟؟
بص يتهيأ لى تبدأ قوى و كبير حتى لو مش بحضور قوى أحسن مما لو بدأت صغير

حط وجهتين النظر فى بوست جديد , و اطلب من الجاميع و القراء اختيار خمس او ست ابواب من من اتناشر اقتراح مثلا

و يقولوا رأيهم اذا كانت يومى أو أسبوعى

و على الأساس ده نشتغل لأن مش ح ينفع أنا و أنت لوحدنا كده

بيس يا بلديات

عرب بس said...

مدونة رائعة ومواضيع جميلة ... المواصلة والمتابعة والاضافات الدائمة والتجديد سبيل التميز فى عالم المدونات

عرب بس http://arabbas.blogspot.com

تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك

”*°•.˜”*°•..سونه..•°*”˜.•°*”˜ said...

السلام عليكم .
الغياب طال فعلا
بس بجد انا كنت باجى ومفيش جديد
كنت مشغوله بس مكنتش عرفه اعمل ايه
المهم انك بخير الحمد لله

واحيك على المجهود الكبير ده
ربنا يوفقك ويوفق الجميع يارب
تحياتى ســـونه

dr_samarmar said...

أنا مش فاهمة فكرة المجلة يا شاعر :)

يعنى هى مدونة و فيها أكتر من حد بيكتب ؟
:$

بس ع العموم فكرة ان أكتر من مدون يشتركو ف كتابة موضوع أو حملات واحدة دى فكرة رائعة بهنيك عليها

يلا ربنا يوفق الجميع

بالنسبة بقا للعتاب ف والله يا أحمد انا كمان كنت مش بدخل خالص بجد
و مع ذلك أسفة على عدم السؤال :)

دمت بخير :)

mahasen saber said...

طب انا اليى هعاتبك للصبح وللسنه الجايه كمان

بئه اتعب واعيا وامرض ويتملكنى المرض ومتكلفش خاطرك تسأل عليا يا خسارة الشعرا وخسارة الاخوه

خساره خساره خساره يله كفايه عليك كده

اصل لو انا كترت عن كده هضربك

Anonymous said...

يااااااه
انا جيت متأخر اوى
مفيش مشاكل
ربنا معاك يا احمد وفكره حلوة ويارب تتنفذ
انا مكنتش فاهمه كويس
متتصدمش
لسه مش فاهمه كويس بردو
:)
ياله شد حيلك
لا اله الا الله
اختك
نيرة

ندا منير said...

حمدلله على السلامة يا احمد
على فكرة انا لسة داخلة ناو المدونة
بقالى حوالى 3 اسابيع مبدخلش

المهم
ربنا يوفقكم فى اللى هتعملوه دا

Gancio said...

أنا مش فاهمة فكرة المجلة يا شاعر :) يعنى هى مدونة و فيها أكتر من حد بيكتب ؟ :$ بس ع العموم فكرة ان أكتر من مدون يشتركو ف كتابة موضوع أو حملات واحدة دى فكرة رائعة بهنيك عليها يلا ربنا يوفق الجميع بالنسبة بقا للعتاب ف والله يا أحمد انا كمان كنت مش بدخل خالص بجد و مع ذلك أسفة على عدم السؤال :) دمت بخير :)