Monday, March 9, 2009

حياتى

السلام عليكم انا بس حبيت انزل بوست يكون ليا يمكن يفيد فى المرحلة اللى جاية
ما فيش داعى بقى انكم تتعاملو مع حد مش عارفينه

انا اسمى احمد عادل
محافظة الاسكندرية العصافرة
طالب بكلية الاداب قسم التاريخ شعبة عامة
الفرقة التالتة

اللقب المتداول فى الكلية

احمد موسولينى

ومش عارف لية مع انى مش شابهه خالص وطيب اوى والله

المهم انتم عائلتى التانية ودى كدة حياتى وبكل صدق
تحياتى


معلش انى ما نزلتش حاجة عشان الجريدة بس عشان مخنوق وتعبان شوية لكنى ما زلت ابتسم
البوست اللى جاى نكمل مناقشة

حياتى
انا
ومين انا
ومين يقدر
يقول انا
ليه هنا
عيل صغير
زى الكل
طفل بيحلم
بالسعادة والهنا
عشت حياة
من ذل لذل
تبدأ مشاكل
ومالكش ذنب
ومافيش قدامك
غير انك
تقعد على
جنب
تبكى عيونك
من بيت لبيت
وما يزيدك
الا التعقيد
اشمعنة فلان
وليه يارب
اختارتنى اكون
ذليل
وليه ياربى
دايما اكون
انا العليل
وكل ما انجح
وأحاول افرح
وارجعلهم واقولهم
يقولولى
اية المشكلة
ما الكل
زيك زيهم
وارجع أأنس
وحدتى
احساس غريب
انك تلاقى
اللى المفروض
يحبك
تحس انه
بيكرهك
والغريب عنك
ياخدك يبوسك
يحضنك
وارجع انا
زى ما انا
مش طالب
بس الا يسكتوا
ويستجيب ربنا
على رغم
كل الظروف
تظهر بوادر
شمس صابحة
بنورها تضمنى
ترسم على
طريقى الحروف
واكون انا
بفضلها
شافت سنينى
فى عمرها
ضحت عشانى
ودلوقتى
دة حقها
ظروف جديدة
بتنفرض
وانا من
جديد بتولد
كأنى ليها
بتوهب
اصبحت ليها
احسن من
منجم دهب
من غير مبالغة
ولا عجب
وبقيت انا
وعرفت لية
انا هنا
وبكل صدق
دة انا

تحياتى
احمد الشاعر
www.elsha3er1.blogspot.com

88 comments:

”*°•.˜”*°•..سونه..•°*”˜.•°*”˜ said...

السلام عليكم .
اول وحده تتعرف عليك مع اول تعليك
اولا الف سلامه عليك من التعب ان شاء الله خير
وثانيا يارب تنجح والسنه الجايه تكون فى الفرقه الربعه
وايه الحزن الكبيررررررر ده فى كلامك
ربنا يسعد ايامك يارب
تحياتى ليك
((***سونه***)) .

أكون أو لا أكون said...

يا هلا يا أحمد...
إحنا عرفناك بأخلاقك الطيبه واسلوبك الراقي مع اصدقائك...


كلمات رائعه... فيها أمل كبير وحب وصدق...
لكن البدايه شويه بائسه... وبجد مش عايزين نشوفك كده...

وبعدين إنت ليه متضايق...خيــــر...
لو علشان الجريده أنا بقولك ولا يهمك... كلنا معاك ياريّس...

يمكن أكون في الشهرين دول شغلي شويه بطيء... لكني حفاجأك بمشاريع قويه جداً ابتداءا من شهر جون... الشهر سته...
بس انت توكل على الله... وماتشيلش هم ابداًِ...
وكل شيء شويه وشويه بيتبني...

ياريت مش نسمع منك نبره الحزن ده تاني... لأني لو قريت أي حاجه بتدل على إنك محبط... أنا حخطف فكرة الجريده وحنفذها لوحدي ههههههههههههههههههههههه... آه أنا مابحبش المدير المتشائم...


ابتسم للحيه تبتسم لك...

كان فيه مسلسل قديم... اسمه تزوج وابتسم للحياه... لوفضلت حزين كده... احنا حنخطب لك ونجوزك هههههه... يمكن تكون مغروم واحنا مش داريين... ولا ايه حكاية الحزن ده...

: b
هههههه
يله اضحك...
: )

mohamed ghalia said...

كلماتك رائعة
وطبعا إحنا عرفناك من كلماتك قبل متعرفنا بشخصيتك
دمت فى سعادة وابتسم

سلوى said...

ليه مضايق

هونها تهون

كلماتك جميله ما شاء الله
والتعريف بنفسك مميز

ربنا يوفقك في دراستك وفي حياتك

Lola said...

احمد .. كلامك جواها حاجات كتير
..

عارف يا احمد .. الحياه عامله زى الموج ..كل مره تاخدنا موجه شكل .. لكن فى الآخر فى شط .. ديما بنرجعله
خلى بالك من نفسك
واحساسك ديما عالى

ساره النومس said...

سررت بمعرفتك أحمد :D


موضوع رائع حقا وكلمات اروع

PrInCeSS BeRy said...

والله بجد شرف ليا انى اعرف حد زيك ما شاء الله عليك


عجبتنى اوى حياتك عبرت بشكل حلو اوى اوى اوى واحتياجك للحنان مش معناة انك مفتقدة بس جميل اوى كلو احساس

احساس غريب
انك تلاقى
اللى المفروض
يحبك
تحس انه
بيكرهك
والغريب عنك
ياخدك يبوسك
يحضنك
وارجع انا
زى ما انا

blue-wave said...

واحنا حبينك كدا
زى مانت يا بو حميد
تحياتى

فكرة من الزمن ده said...

فرصة سعيدة جدا اننا اتعرفنا عليك عن قرب
وجميلة الكلمات ومعبرة جدا
تحياتي لك

سارة نجاتى said...

عظمة على عظمة على عظمة يا ست .. قصدى يا عم أحمد .

و بعدين ايه التعريف ده مش كفاية اجنا عايزين فيش و تشبيه و عد دم شامل , و تطعيم ضد تيتانوس و 12 صورة شخصية و نسخة أصلية من شهادة الميلاد ... أه و حاجة من أطرك بالمرة .ههههههههه

وردشان smilyrose said...

احمد يا شاعر

طلعت لسه تلموذ

والله كنت حاسه بكدا

طبعا احنا اخوتك واصدقائك

ويكفينى اننا حبينا قلمك وكلماتك

وبالتالى اكتسبنا اخى عزيز وغالى

والف سلامة عليك

هي ايه حكاية اسكندرية معايا

انا بعشق البحر وكل اصحابى يطلعو

منها ما عدا كيارا وضد

يلا مصلحه

هههههههههههههه

smilyrose

وردشان

روح الحب الصادق

شمس النهار said...

اهلا بيك يادارس التاريخ
وعاشت الاسامي
والقصيده جميله
ربنا يكرمك
مالك مخنوق ليه من اولها انت ندرت نفسك لعمل تطوعي يبقا مابقتش ملك نفسك ملك الناس اللي مستنيه العمل ده فامتقوليش مخنوق صلي علي النبي كده وروق وشوف اللي وراك

رؤية said...

وبكل صدق
دة انا

تشرفنا
وبمعرفتك سعدنا
ونتمنى تكون ديما بينا

تحياتى

Anonymous said...

شرفتى معرفتك بالى فيك والى عليك والى انت عايشه .......
احمد انت بجد انسان مهذب ورائع بجد يا احمد
متقولش كده
اكيد اما بنفتقد حاجه بنتألم ليها اوى
بس بص للجز الحلو يا احمد ارجوك
اكيد فى جزء حلو يا احمد
ارجوك ارجوك بصله عشان خاطرى



اختك
نيرة

جوجو said...

السلام عليكم

مش شرط اننا نعرف اسمك او عمرك او بتدرس ايه لكن عرفناك من خلال كتاباتك وبوستاتك

جميل اوى البوست ومتنوع جدا

تحياتى

سمكه واحده said...

مش مهم انت مين ولا ايه
المهم انك مدون واحنا مدونين
وعرفنا بعض من التدوين وكلامه
ربنا يكرمك يارب وتحقق اللي تحلم بيه
كلماتك حلوه اوي
علي فكره انا قلت شويه اسماء في البوست الي قبل ده يعني اهو بحاول ولون كلها عبيطه بس بحب اقول اسماء معلش بقي خدني علي قد عقلي واستحملني
تحياتي

سمكه واحده said...

ممكن جريده حياتي تحياتي
(وش مبتسم)

Anonymous said...

احساسك عالي جداا

ربنا يسعدك ويوفقك بحياتك ودراستك

دمت بالف خير

فارس المساء said...

أنت رجل حقا يستحق التقدير اعجبنى فكرك واعجبنى التعرف عليك


تحياتى

فشكووول said...

ازيك يا احمد يا عادل
انت بس تزقنى وتطلع منها زى الشعره من العجينه .. هههههههه .. يعنى انى اضحك
عمك فارس عبد الفتاح مقطعنى خالص
وانت ولا على بالك .. تحياتى بقى

Anonymous said...

كلك على بعضك حلو

نبض الحياة said...

كلماتك جميلة
وسؤالك يسأله كثيرين وقت ضيقهم ويريدون اجابة حتى يستطيعوا التخلص مما يعانوه
فهون عليك ما تشعر هذه هى الدنيا اوقات ضيق واوقات فرح .
تقبل مرورى
تحياتى

princess said...

الف سلامة عليك اولا
وبعدين ايه ده ده انا اكبر منك (وش هيمارس القهر على اللى اصغر منه) ههههههه
كلمات جميلة بس حزينة
وبجد الدنيا مش مستاهلة

ريمان said...

السلااااااااااام 8عليكم

انا بعترف انى اتاخرت كتيييييييييير


معلش

انا عارفه انى مقصره اوى

بس والله غصب عنلا


بعدين تعالى هنا بقى

ليه بس الحزن ده كله

هى دى الدنيا

ودى الحياه
والدنيا مش بتيجى للى عايزها ابداااااا

دايما هتلاقيها معاكسانا كده

وطبعا بنشوف ناس ونقابل ناس ونحب ناس ونتخدع فى ناس ونكره ناس ونندم على ناس

هى دى الحياه

لا تساوى عند الله جناح بعوضه

يبقى ليه نعملها حساب اوى كده وهنموت عليها

المهم ان الواحد بجد يعرف ازاى يحب نفسه

حاول يا شاعر تقله النضاره السودا اللى انت لابسها دى

انا كنت لابساها قبل كده وخلاص قلعتها

شوفت الدنيا بشكل تانى

وبعدين حاجه بقه صغننه

مش ينفع نقول لملك الملوك كلمه ليه

ولا ينفع ان بشر يوجه اللوم لملك الملوك ويقوله ليه

عايزه البوتس الجاى كده يكون مفرح وجميل زى كلماتك الجميل دى بالرغم من حزنها


تحياتى لك

dina said...

اسكندرية...اجدع ناس...و مهمة فكرة التعريف بين المدونين من وقت للتانى
مدونتك مميزة فعلا و اكتر حاجة لفتت نظرى نظرتك للشخصيات التاريخية اللى على جنب كدا...عكس المألوف
احترم انك ليك نظرة و وجهة نظر زى اغلب المدونين و الشعر اللى انت كاتبه بجد يجنن
تحياتى

حروف said...

منورني دايما متاسفة بجد اني مقلة في الزيارة يابلدياتي
اسفه بس معلش ظروف صحية
منورني دايما

DoNyA said...

حياه بسيطه وهاديه في الظاهر

لكنها هادفه وصخبه في كثير من نواحيها

سعدت بالتعرف عليك وشرفت بكوني هنا
مودتي

اقصوصه said...

يوم قريت كلماتك

حسيت اني انا اللي اتكلم

اشيا وايد من اللي كتبتها

تدور في ذهني

وتساؤلاتك تذكرني

بفضولي القديم للحياه

قلم مميز

نجحت في التعبير عما يجول فيك

باجمل ااعذب الطرق :)

جارة القمر said...

كلماتك حلوة اوي
وفعلا الغريب اوقات بيكون احسن من القريب كتير
ان شاء اله تحقق حلمك وكل اللي بتتمناه

حسن حنفى said...

انا عن نفسي عرفت اخ كبير من زمان

elsha3er said...

”*°•.˜”*°•..سونه..•°*”˜.•°*”˜

اهلا بيكى الله يسلمك
وان شاء الله مافيش حزن ولا حاجة
وربنا يخليكى

تحياتى

احمد الشاعر

elsha3er said...

أكون أو لا أكون

ربنا يخليكى يارب

وان شاء الله الجريدة حتكمل بيا او من غيرى

ما فيش مشاكل انسبيها ليكى والله ما ازعل ابدا لان انا وانتى واحد فا عادى والله

لا مش مغرم ولا حاجة هههههههههههههه

تحياتى


احمد الشاعر

elsha3er said...

mohamed ghalia

محمد حبيبى ربنا يخليك

وانا اتعرفت عليكم بحبكم وربنا يخلينا لبعض

تحياتى


احمد الشاعر

elsha3er said...

سلوى
اهلا بيكى

والله يمكن انا اكتر واحد فى مصر دايما مهونها ومتفائل

ربنا يخليكى


تحياتى

احمد الشاعر

elsha3er said...

Lola

اهلا بيكى منورة

انا اوافقك فى التعريف

تحياتى


احمد الشاعر

elsha3er said...

طموحة مملوحة

كما سررت انا ايضا بمعرفتك


تحياتى


احمد الشاعر

elsha3er said...

PrInCeSS BeRy

انا اللى يشرفنى معرفتك جدا

والحمد لله ان الاحساس واصلكم


تحياتى


احمد الشاعر

elsha3er said...

blue-wave


منورنى يادكتور وانا والله حبتكم زى ما انتم عرفتونى

تحياتى


احمد الشاعر

elsha3er said...

فكرة من الزمن ده

اهلا بيكى

ربنا يخليكى يارب


تحياتى


احمد الشاعر

elsha3er said...

سارة نجاتى

ههههههههههه

اية ياسارة انتى كدة عايزاة تعمليلى عمل مش تعريف

تحياتى


احمد الشاعر

elsha3er said...

smilyrose

اهلا بيكى اة لسة تلموذ صغير

خلاص تعالى صيفى عندنا ونعمل معاكى واجب اسكندرانى
مع ان الاسكندرية فى الشتا اجمل


تحياتى


احمد الشاعر

elsha3er said...

شمس النهار

اهلا بيكى

اكيد انا للناس دى ومكمل معاهم طول ما هما مكملين

تحياتى


احمد الشاعر

elsha3er said...

رؤية

اهلا بيكى

وربنا يخليكو ليا وما يحرمنيش منكم

تحياتى


احمد الشاعر

elsha3er said...

نيرة

والله على طول ببص للجزء الحلو بس احيانا الانسان بيحب يطلع اللى جواة للى بيحبهم

صحيح انا عايز اكلمك اما انك تتبعينى هنا وتردى عليا اما ياريت تدينى ايميلك عشان عايز اكلمك فى موضوع
كدة

مستنيكى


احمد الشاعر

elsha3er said...

جوجو

اهلا بيكى

بس انا قلت اعرفكم بيا اكتر

وكفاية انى اعرفكم


تحياتى


احمد الشاعر

elsha3er said...

سمكه واحده

عندك حق المهم ان احنا اصبحنا خوات من خلال التدوين

حلو انك تدينى الاسامى دى انا عايز كدة وان شاء الله حنشرهم ونقى منهم واحد

تحياتى


احمد الشاعر

elsha3er said...

°ˆ~*¤®§(*§ نـــوارة §*)§®¤*~ˆ° °


اهلا بيكى

ربنا يخليكى يارب

وارجو ان نكون على تواصل


احمد الشاعر

elsha3er said...

فارس المساء

ربنا يخليك ازدنى انا الشرف التعرف عليك

وان شاء الله نكون على تواصل


تحياتى


احمد الشاعر

elsha3er said...

fashkool


اهلا بيك

انت تضحك براحتك البيت بيتك


تحياتى


احمد الشاعر

elsha3er said...

غير معروف

بجد حضرتك كسفتنى او كسفتينى جدا

وعلى العموم ربنا يخليك ويكرمك


تحياتى


احمد الشاعر

elsha3er said...

نبض الحياة

اهلا بيك

ندعو الله ان يكثر افراحنا ويهون ضيقنا

تحياتى


احمد الشاعر

elsha3er said...

princess

اهلا بيكى اة اكبر منى مارسى القهر براحتك بأة انا يمكن صغير فى السن بس الحمد لله عقلى محترم الى حد ما مش غرور والله بس انا عارف قدراتى

وبعدين ما فيش اخت بتقهر اخوها عشان كدة انا مطمن


تحياتى


احمد الشاعر

elsha3er said...

ريمان


اهلا بيكى

ولا يهمك والله عادى

بعدين المسألة مش اكتر من وقت

وطبعا انا مقدرش اقول لرب العباد لية لكن فى الشعر دة اسلوب اسمه تمنى او ترجى

تحياتى


احمد الشاعر

elsha3er said...

حررروووف


اهلا بيكى النور نورك

ربنا يشفيكى ويعافيكى ويشفى مرضى المسلمين

تحياتى


احمد الشاعر

elsha3er said...

dina

اهلا بيكى يا بنت بلدى

منورانى والله هو فعلا ممكن تكون ارائى مختلفة بس مقتنع بيها


تحياتى


احمد الشاعر

elsha3er said...

DoNyA


اهلا بيكى

سعدت انا اكثر بالتعرف عليكى


احمد الشاعر

elsha3er said...

اقصوصه

الحمد لله ان الاحساس واصل لهذة الدرجة

تحياتى لكى


احمد الشاعر

elsha3er said...

جارة القمر


اهلا بيكى

وربنا يخليكى على المجاملة اللطيفة دى


تحياتى


احمد الشاعر

elsha3er said...

حسن حنفى

والله يا حسن وانا من اول ما اتعرفت عليك حبيتك زى ما تكون اخويا بالظبط وربى يعلم


تحياتى


احمد الشاعر

سميرة said...

بقى لي فترة لم امر
بس فيه تغيير
في كلامك
وانا شايفة انه تغيير مهم

اما بقى بالنسبة للقصيدة
فالموضوع ابسط من كدا بكتير
حاول تلاقي نفسك

الموضوع جديد وعجبني
تحياتي
يا شاعر

gogo!sf said...

كن متفائل

كلاماتك رائعة جدا
بس حسستنى ببعض من التشائم
تحياتى

Anonymous said...

احمد
اول مرة ازور مدونتك اول شيء لفت نظري صورة شاعرنا الكبير احمد فؤاد نجم اللي بعشقوا و معاه مغني الجماهير الشيخ امام
مودتي واكيد حتواصل كثير مع مدونتك

☼♫♪ عمــاد الدين يــوسف ☼♫♪ said...

صديقي العزيز اللي مش بيسأل عني
احمد ... الجميل في عالم التدوين ان كل واحد بيتواجد بذاته من غير اي اضافات وكفايه اننا نتعرف على مضامين بعض لان ده الاهم ولا السن ولا العنوان ولا كل البيانات ديه مهمه الاهم اننا فاهمين بعض وبنخاف على بعض والجميل ان الحب ده مش في اطار جغرافي ولا حتى عقائدي ده في اطار اكبر ... الاطار الانساني
تحياتي لاخي الحبيب

بـسـمـــة صـــــلاح said...

السلام عليكم ورحمة الله وبركاته
أول زياره ليا ومش الأخيرة ان شاء الله اسفه اتأخرت فيها ياأستاذ أحمد
أولا انا اتشرف اني عرفت واحد زي حضرتك
وكلمات الخاطرة جميله جدا بس بتحمل نوع من الحزن
واكيد الدنيا متعبه لكن لازم احنا منستسلملهاش
وحضرتك كنت قلتلي اقبل دعوتك في جريده المدونين اللي هي تحت الإنشاء
أنا موافقه بس ياريت تفهمني ايه حكايتها
مش عارفه حضرتك افتكرتني ولا لأ
واخيرا ربنا يكتبلك السعاده دنيا واخره
ويوفقك يارب
دمت بكل ود
تحيــ بسومةــتاتي(:

Sweet Violet said...

اول لما اجى كده الاقى الحزن ده

)):

مالك بس يااحمد روق يااخى

و تفااااااائل

بس انا لازم اعرف ايه حكايه موسولينى دى هه

اعترف اعترف

سرك فى بير مخروم نيهاهاهاهاهاهاهاها

اضحك بقى بالله عليك ياشيخ

(:

كراكيب said...

انك تلاقى
اللى المفروض
يحبك
تحس انه
بيكرهك
والغريب عنك
ياخدك يبوسك
يحضنك

حلوووووة اوي الحتة دي يا موسوليني

بص بص انا قولت اجي اثبت حضور واعرفك اني جيت هناهوه وقريت كمان
بس انا هاجي تاني
ليه معرفش بس انا مستعجلة واكيد هاجي تاني
;) peace

miro el niro kwaniro

marmar said...

ازيك يا ابو حميد يا شاعر ياللي قلبك اسود وبيشيل يعني مش قلنا الاختلاف في الرأي لا يفسد للود قضيه
عجبتني حتت وطيب اوي ولله
ههههههههههههههههههه
حسيت فيها بريان ابن اخويا بيتكلم
ويارب تفضل تحلم بالسعاده والهنا وتحقق كل طموحاتك
بالتوفيق

دينا حامد said...

جميل الكلام يا احمد
بس حزين جدا
بصراحة مش عارفة ايه موجة الحزن اللي نزلت ع الكل دي
ربنا يحلي ايامنا كلنا يارب


تحياتي

مدونة حكومتى ملاك said...

السلام عليكم

جميلة كلماتك ومعبرة

وفقك الله

تحياتى

عمار صبرى

Anonymous said...

ايوة يا احمد
هممممم
هتابعك حاضر
قول بأه عايز ايه
اوك وانا هحاول بقدر الامكان ادخل عندك كل يوم اشوف جديدك
:D
نيرة

Anonymous said...

انا نطه هنا كل يوم ومش بلاقى منك حاجه على فكرة

Asmaa mahaba said...

اهلا مستر موسولينى:))
اولا كلامك حلو قوى بس حزين الحياه على الرغم من انها صعبه بس فيه شويه امل ولو بسيط دور عليه عشان متتعبش
ليا تعليق صغير ارجو متزعلش منه ميصحش نقول ليه يا رب حتى لو شعر او مجازا ..واعرف ان ربنا سبحانه وتعالى مبيعملش حاجه عبس كل شىء بمقدار وليه سبب ومقدر لنا
تحياتى ليك ولكلماتك

Asmaa mahaba said...

على فكره اول مره اخد بالى من الصور اللى على جنب المدونه :)) هايله بصراحه

هى فوضى said...

السلام عليكم ورحمة الله وبركاتة
ازيك يا احمد حصل لنا الشرف بجد
ربنا يوفقك يا موسولينى يارب
بس نفسى متكونيش حزين اوى كدة
بحس فيك حزن كبير او انك شايل هم كبير
الله معك


انا اسمى نسمة
من بورسعيد

Anonymous said...

حصل لنا الشرف
بالتعرف على شاعر كبير فى المستقبل القريب ان شاء الله
بجد انا سعيدة بالتواجد فى مدونتك لان كل كلماتك هادفة وتحمل قضية
وفقك الله


ويارب بالتوفيق فى كل حياتك يارب
والنجاح فى دراستك

dido said...

السلام عليكم
ده شرف ليا اني اتعرف ع حد لذيذ وصادق وجرئ في الحق زيك يمكن نختلف يمكن نتفق بس في الاخر بيعجبني تفكيرك
ومفيش داعي للزعل خليك متفائل مش بيقولوا الضحك بيطول العمر:D
راجاء بسيط انا مش شايفه من الاسود ممكن تخلي الخلفيه كحلي حتي:D
الي الامام وتقبل مروري في رعايه الله وربنا يسعدك يا رب

مهرة سالم said...

السلام عليكم...
تشرفنا بمعرفتك أخي أحمد...
يا موسوليني يا شاعرنا...
....
كالعاده كلماتك جميله بكل الأحاسيس المختلطه التي تحتويها ..
....
على فكره مش مهم إنت بتدرس إيه
ولا ساكن فين
المهم إنك شخص راقي بتعامله وطيب بكلماته..
..
دمت بخير

كراكيب said...

انا جيت تاني اهو زي ما قولت
وقريته تاني حتة حتة وكلمة كلمة وحرف حرف وبنفطهم كمان

طب ايه بقى
فين الجديد
يلا مش عايزين تأخير يا موسو
:)

Hanan Elshafey said...

احمد وعادل كمان
انت احمد اخويا ولا ايه
بس احمد معندوش مدونه
عموما احنا اخوات
وسعيده بالتعرف عليك اكثر
ومن اسكندريه كمان
ابن ماريه
اكيد اكيد يعني
معلش مقصره في متابعتك
بس التمسلي العذر

تحياتي من اسكندريه

عابرة said...

اتعلم كلام رائع
من الجيد انك بدأت تعرفنا مبادرة رائعه منك
ولكن اعلم اني افضل التعامل مع شخص لا اعلمه مع شخص مخفي كا يقولون مع شخص اهتمه بكلماته لا به نفسه اعشق تعابيرة عن الحياة والسياسه ولا يهمني من يكون
عندما بدأت اقرأ لكتاباتك علمتك بأنك شخص مميز وهذا الذي يهمني

والشعر كتير حلو بيعبر عنك وعنا كلنا والحزن ظاهر كتير بكلامك مش انت الي كنت تحكي اخرجي من حالة الحزن لسى الدنيا حلو
الكلام ده موجه ليك المرادي

mahasen saber said...

موسلينى يا فاشست ههههههههههه

احنا طلعنا ولاد تخصص واحد

مخنوق ليه بس
اكيد صعبنا عليك اننا هنتحبس على ايدك

معلش يا موس نعيش ونعمل جريده غيرها

لا بجد مالك يا رب تكون بالف خير

ندا منير said...

تمام يا احمد كويس انك تكتب تعريف ليك

ووحشتنى قوى كتاباتك بجد

بالنسبة للشعر اللى كتبته
فاكيد كلنا بيمر علينا اوقات بنسال فيها ربنا اشمعنا انا اللى عملت فيا كدة
بجد مبنبقاش عارفين ان دا الخير لينا ولا بنبقى مقدرين دا
بنعرف دا بعدين

أكون أو لا أكون said...

انت فين يا احمد...؟

Anonymous said...

احمد
فينك
لسه مستطبتش الويندوز ولا ايه
المهم
ضيفتك
طمننا عليك
سلام

ريمان said...

السلام عليكم


كويس اوى انك عرفتنا بنفسك فى الجزء الصغير ده


واتعرفنا عليك


يا رب تكون بخير ومنتظرين ابداعاتك

عابرة said...

بتمنى تكون بخير
بما انك متأخر علينا

وشو اخبار جريدة المدونين
وبتمنى تكون بالف صحة وسلامة

♥♥♥♥♥ Jennifer™® ♥♥♥♥♥ said...

أحب بلوق الخاص بك

شوربة خضار said...

كلامك هايل