يا طير يا طاير فى السماقرب هنا
عشش فى قلبى
نزل على قلبى السلام
وأبعت منه السلام
قرب ما بنا اللقى
زاد لشتياق
عشش فى قلبى
أنقل نسمات الهوا
أرسم بريشك شريان
نهر الاحبة
وأكتب على جداره حياة
عشش فى قلبى وطير
أحكى لأسراب الطيور
عن ضفتين فيهم بيوت
وكل بيت جواه حبيب
ولسة باقى من البيوت
لمن يريد
عشش فى قلبى
وألمس فى ثناياه الخضار
قرب وشوف الزرع طارح
شم طميه
ولو لقيت فى طمى زيه
عشش هناك
بس ساعتها أمانة أفتكرنى
وأحكى عنى
وقول زمان عششت
فى قلب أخضر
لما كان قلب
العباد بيدق موت
رفض قلبه يدق ممات
8 comments:
يارب قلبك أخضر ويفضل أخضر وتعشش فيه كل الطيور
تسلم ايدك يا أحمد جميلة جدا
الله عليك
دا اللي اقدر اقولوا
جميييييييييييييلة
وخصوصا اخر تلات سطور
رائعين بجد
بس توقعت النهاردة الاقي قصيدة فلة في حبيبك اللامبارك
:)))
يعني هو يبعت لك جواب وانت ماتردش
ودي تيجي برضوا ياشاعرنا الهمام
:))
تسلم ايدك في الاول اتخضيت قولت اغنية فيروز ايه اللي جابها هنا :d... الصورة جميلة جدا ربنا يوفقك
لولا
الله يا شاعر
ربي يديم عليك نعمة خضار القلب فما أجمل اخضرار القلب في زمن عم فيه السواد في القلوب
ربي ينور قلبك دوما بنوره
حلوة أوي. و عجبني استخدام"عشش في قلبي"دي لأني مش كـنت فاهماها من العنوان
إن شاء الله قلبك يفضل أبيض وأخضر وبس، و يرفض إنه يستسلم و يموت زي القلوب التانية الكتير
حياة الطيور
والنظر ليهم
يتخفف كتير من الاحزان
لان فيهم امل وسعادة مش موجودين
الطير سلام , وئام , حكاية محلقه في الحريه ,رمز يحبه البشر
طاب لي ما قرأته
قلمك ينبض حياة
أحييك
شرفني
http://farsagawad.blogspot.com/
Post a Comment