الشاعر: أصبح كذالك

أصبح كذالك

هدوا المساجد والكنايس

وسكتت أجراس المسيح

وصوت بلال على المأذنة

أصبح جريح

والأعتقاد ساد العقول

واضح صريح

البركة حلت من الصليب

او من زيارتك للضريح

فى شئ غريب فى شئ عجيب

والوضع أصبح مش مريح

كل الملامح اتغيرت

خير القلوب أصبح شحيح

والمحبوبين المرغوبين

أكبر مثال للمرجلة والأنضباط

هم اللى كلامهم أبيح

والطيب اللى طباعه

الأحترام ينداس علية

يصبح دبيح

ماشى بدور فى الوشوش

زهور دبلانة على الشجر

سيف الأسى قتل البشوش

سمة الخيانة بقت مديح

الكل تايه فى المكان

والوضع أصبح شقلبان

تصرخ تصيح

الحق أهه

باب الضلال أصبح فسيح

الكل ماشى محدش

حتى حاول يسمعك

تحس بضعف وأنك غلط

وهم فى الوضع الصحيح

يا أهل الهلال يا أهل الصليب

هدوا المساجد والكنايس

وسكتت أجراس المسيح

وصوت بلال على المأذنة

أصبح جريح

والوضع أصبح مش مريح

الوضع أصبح مش مريح

17 comments:

gogo!sf said...: مساء الخير اولا

ثانيا انا منسحبتش من الجروب

ومعرفش مين اللى حذف موضوعاتى وكمان معرفش الشخص المحترم اللى دخل غلط فيا من غير ما يكون فى حوار بينى وبينه اصلا وبعدين عيب اوى لما يكون حد فى سنه ويتكلم بأسلوب مش مهذب انا كنت ناويه ارد عليه بس احتراما لسنه مش هرد ولومش حابب يحترم سنه فهو حر بقى ومش مسئوله عن الاسلوب اللى هتصرف بيه وعلى العموم بشكرك لاهتمامك
واحب اقولك ان الموضوع ده مرتب لحد معين ومش صدفه ابدا وانا بقول تانى انى معرفش الشخصيه دى نهائى ولا سبق وقريت اسمه حتى عند حد اعرفه

وميرسيه ليك ....بس انت لحقت تعرف اللى حصل ازاى بالسرعه دى صحيح
على العموم انا بشكرك مرة تانيه على تعليقاتك واهتمامك بالموقف; March 9, 2011 at 6:03 AM
سلوى said...: كلمات جميله فعلا
ما شاء الله; March 9, 2011 at 6:19 AM
عمرو يسرى said...: احسنت
كلمات ومعانى رائعه; March 9, 2011 at 8:20 AM
واحد من الناس said...: صحيح

الوضع أصبح مش مريح

سلم قلمك; March 9, 2011 at 12:17 PM
sony2000 said...: وربنا فعلا مش مريح
وبأذن الله هنقدر عليهم
لان ربنا هوا اللي حاميها; March 9, 2011 at 2:59 PM
gogo!sf said...: احمد ميرسيه جدا جدا لزوقك ولاهتمامك
بجد بشكرك من قلبى على اسلوبك المهذب

ميرسيه مرة تانيه يا قمر

صباحك جميل يا شاعر; March 9, 2011 at 11:16 PM
gogo!sf said...: هو فعلا الوضع مش مريح

بس اكيد هبجى اليوم وهيزيحوهم من الطريق... وكل ظالم له نهايه ...وكل جبار ميعاده قريب

كلماتك جميله جدا يا احمد

تسلم ايدك يا قمر; March 9, 2011 at 11:23 PM
Prince-Palestine said...: كلمات قوية فعلا

تحياتي لقلمك

دمتم بخير وإبداع; March 10, 2011 at 3:51 AM
♥نبع الغرام♥♪≈ said...: ربنا منتقم جبار

وكل ظالم اكيد له نهايه
ربنا يرفع عنا البلاء

تحياتى ليك ولكلماتك الروووووووووووووووعه; March 11, 2011 at 3:11 AM
موناليزا said...: فترة مؤقتة علينا جميعا استحمالها وستعود بلدنا أحسن من الاول بمراااحل; March 11, 2011 at 1:11 PM
ندا منير said...: دايما هيكون الهلال مع الصليب

ومحدش ابدا هيقدر يعمل فتنة طائفية فى مصر

وانهاردة اثبتوا دا فعلا; March 11, 2011 at 2:02 PM
♥نبع الغرام♥♪≈ said...: ازيك يا شاعر
يارب تكون بخير

بدعوك لمدونتى للاحتفال بعيد ميلادى وعيد ميلاد مدونتى

بإنتظارك; March 16, 2011 at 8:11 AM
hend anwar said...: الكل عارف مين اللى عمل العملة

كلماتك جمييلة جدا
تسلم; March 16, 2011 at 11:33 AM
Anonymous said...: طول عمر مصر النصارى والمسلمين مع بعض

بس فى ناس غريبه بتعمل حاجات غريبه رغم انهم مصريين سواء مسلمين او نصارى
فليه انت بتعمل كده
فكك مسلم ولا مسيحى
المهم مصر تبقى فى امان
الدين لله
والوطن للجميع

ماعلينا

ليا تعليق عالقصيدة

بعد
يا اهل الهلال يا اهل الصليب
المساجد والكنايس

تفتكر كان عشان الترتيب يبأه الى بعدهم

صوت بلال الاول
وبعدين اجراس الكنائس

هى عموما حلوة
بس بأه; March 23, 2011 at 11:24 AM
شمس النهار said...: عجبتني كلماتك

انت لخصت اللي في عقل وقلب كل مصري ببساطه; April 4, 2011 at 6:18 PM
Anonymous said...: صباح الورد

للأسف هذي محاولات قذرة لجر مصر لفتنة طائفية الهدف منها واضح لكن الجميل في الحكاية أن المصريين كانوا واعين لهذه الحركات التي تهدف لتدمير مصر ...

أسلوبك رائع يا شاعر ويذكرني بفؤاد نجم شاعر الشعب ...

تحياتي; April 5, 2011 at 1:40 AM
ساسو said...: كلمات جميله جدا
ومدونتك قمه في الرقه

يسلم قلمك وقلبك; April 5, 2011 at 4:32 AM